以下係我既經驗，可能只係我唔好彩
因為農曆年前托一間活躍係脆既日本代購集運（JPCXTXHBUY)為香港家人買左野，流程快而價錢合理，知道佢地開咗日本寄英國服務，咁就試試啦

3月6號：向代購提供無印代購清單，當時已提醒係寄英國既
3月7 號：向代購付貨款及獲確認已訂購
3月7 號：向代購提供Uniqlo代購清單
3月8 號：向代購付貨款及獲確認已訂購

然後一直沒有得到任何update(究竟貨品到左佢地到呢？任何update都冇收到）

3月12 號：代購WhatsApp call我（電話另一端係為帶鄉音既男士), 通知我話無印送左去香港，今日出順豐，我再次確認今次係寄英國，唔係香港，佢話佢會幫手recall返順豐）
同日英國時間下午代購話返我知無印既重量/ 運費，並問我等唔等埋Uniqlo 定分開兩次寄，我回覆等埋一次過

3月14號：我見代購冇再通知我Uniqlo既消息，我再問問Uniqlo是否已收到，獲告知已收到，於是我要求合拼寄出到英國。代購回覆「好嘅，下周安排🙏」

3月16號：我再問代購幾時會寄，代購回覆「呢個禮拜尾」

3月20號：我見冇收到任何通知，於是問有冇update,得到既回覆係「聽日復實」

3月22號：代購回覆「已安排好了，這周飛英國」

3月25號：我見冇任何運費既資料 於是再查詢情況

然後得到既回覆如下：
「你好呀，真係唔好意思
由於食品一早到咗香港
依家呢件衫今日到香港
晏少少包埋一齊
聽日安排航班」
「食品
當時同事以為係返香港嘅
所以即時轉去香港」

到而家呢一刻我都仲未知運費多少，相信入面部分既無印食物到英國時應該快過期甚至已過期

都係果句，可能係我唔好彩 希望各位唔會遇上同樣事情
😒

咁若果運費好貴，咁點樣處理呢？點解冇得報價嘅？

我當時收到無印既重量時係有點不解，實重超過10kg即係兩包米咁重，但我睇返自己買既野又冇可能咁重， anyways 而家最後重13kg, 我收到時會再睇睇呢個位

佢有講明計體積重
因為代購果d通常都輕貨，會覺得重左都好正常
係驚有其他伏😬

咁我就同DM我果位一樣都冇得到有關資訊（但因為本身知道，不過我對自己所買既野達到10kg覺得意外，到時收到再睇睇

後續，係約半小時前收到代購通知重量及運費
我會一直係呢到update直到收到為止🫂

有位都係幫襯同一代購既脆友DM分享
想係到提提大家，幫襯前問清楚「重量」點定義同計算，以免跌落體積重/ 實重既陷阱

睇咗佢個page，以我咁多年瀨嘢嘅經驗，任何任業都係，逢係喺social media作好多故事嘅都唔好幫襯，萬試萬靈

做生意唔會有咁多故事，有生意嘅寧願比多啲時間做好佢，做得好要宣傳就落廣告。哩啲一日到黑post故事嘅就係又冇料、又冇生意、又冇錢宣傳，所以就作故仔搵客。之間走幾百萬尿片數嘅baby clan就係日日post故事

同埋哩個年代做所謂代購、集運，連個追蹤貨嘅網頁都冇嘅公司真係可以直接唔考慮

佢出咗新po講你呢單case
話同你講sorry

說時遲 那時快，已經比人篤爆係作文

Oh 😨

最緊要收到貨🙈希望你收到貨

所以我零願貴啲都一直繼續用用開十幾年嘅日本集運

Shit 我今朝先俾錢佢代購手燈⋯

最近搵緊日本集運，仲諗住用佢地Tim, 見佢地宣傳多，但就冇咩人講用成點

不如你試下再分享經驗😛😛😛

Oh no🥲要search下係邊間

下面有位脆友轉貼左出黎🫶🏻

死火
係你post之前 岩岩上網訂左野去佢倉，仲要又係送英國 😰😰😰

可能你冇事呢

本來都諗住試下佢集運
但見到你呢單再睇埋佢個post有啲驚囉
佢意思講到係你錯咁🥶真係唔敢幫襯啦

嘩。。。原咁咁差

可能係我唔好彩
亦都希望有其他英國脆友分享佢地既experience

哇最近心思思想用但見佢啲用字有啲怪，跟住就見到你呢個po

佢成日係thread r客
睇到好尷尬
Bxxxshxx雖然愈黎愈慢同貴
但淨係會用佢😶