📌 以下冇一隻字表達我不
共 37 條紀錄
以下冇一隻字表達我不滿公司因為遲到而扣我人工，唔明點解要將個重心放喺「遲到」二字身上，大部分留言都係鬧大西北有權遲到？唔識早一兩個鐘出門口？我係老闆我一早炒你。我想講我月薪$17000，只有一個數，「勤工」只係同事間嘅講法，公司有冇權咁扣我唔知，但我唔係經常遲到，遲到亦最多只係十分鐘，收工後我亦會補返時間俾佢。至於你哋話我咁廢，準時都唔識，我係老闆一早炒你，雖然我喺公司做咗冇耐，但講業績，我已經係top 2，數字所有同事都可以喺系統上睇到，所以每位同事都對我好好，佢哋好怕我辭職多啲，當我請假 早走嘅時候佢都會問我係唔係去見工，亦怕我收工去進修，怕我做唔長。
至於你唔識準時？想講邊個唔識準時，我以前亦冇好似大家講嘅走堂 遲到，如果你對份工上心，你就一定可以準時，但我討厭份工，因為夕陽行業，根本冇前途，人工低亦冇機會升職，因為公司細到冇職位俾你升，大家同一個rank，所以我一早就想走，只係因為唔想爛CV，唔想HR覺得我好jumpy，所以我先暫時留低，但我早已經冇心做，我有盡責做好我份工，只係冇心早起去返份冇前途嘅工，覺得好似浪費時間，加上我有時真係好攰，攰到唔想起身，所以先會遲到。我觀塘
返工，搭鐵一程廿幾蚊，搭巴士就經常塞車，咁長嘅搭車時間已經耗盡我嘅精力，雖然我搭車都係坐坐企企，但都唔知點解好攰。
至於三大就大哂？我覺得三大唔係大哂，只係三大畢業嘅人人工普遍較高，我之前啲大學同學出嚟人工亦唔錯，咁點解我咁廢？賺得嗰$17000蚊，因為我錯過咗搵工最佳時機，我2023年畢業，因為讀垃圾科，所以畢業嘅時候好迷茫，唔知可以做咩，身邊同學好多屋企有錢，直接移民升學，而我因為屋企情況唔好，冇意繼續讀，所以我只有問留港嘅同學佢哋打算點樣，但冇人願意傾。然後畢業後過一段小時間，我皮膚開始無原無故開始爛，有嚴重玫瑰痤瘡 加 濕疹，主要爛喺面，當時我心情已經好低落，再加上無原無故病咗，人生𣊬間跌落谷底，我走唔到出嚟，亦好討厭自己，埋怨自己，覺得自己對唔住曾經努力過嘅我。我開始做隱青，唔想俾人見到咁恐怖嘅我，我想睇西醫，但每次睇就會俾屋企人鬧，又貴又多副作用，覺得皮膚問題好少事，唔需要睇醫生，所以一拖再拖，皮膚繼續爛，我嘅情緒亦處於極低谷，甚至當時想死嘅心都有，但喺高處望落真係好恐怖，所以最後冇死，後來我覺得好唔甘心，我自己偷偷哋去睇醫生，亦多咗出街行，開始唔在意其他人嘅目光，呢段低
谷期由開始到完結足足佔咗兩三年時間，亦係事業上最寶貴嘅時間，所以連MT都報唔到。當我完全好返之後，我開始搵工，jobsdb 勞工處 Linkedin都有睇，但每當我apply嘅時候，對方見我CV有咁大個空白期，所以見面機會都唔俾我；有啲有面試機會，但睇到我面上嘅疤就唔請我；有啲工我已經過哂所有考試，亦過哂所有面試，但因為提供唔到referees所以最後話唔請我。又過一段時間，有份工，因為17k返六日，少人申請所以先請我，我一邊做一邊搵工，最後有日agent打嚟話有公司想見我，我一聽到17k返五日就去，就算九龍東都照去，總比返六日好，所以我先會行到而家呢步。
老實講，我自問能力冇問題，學嘢較快，如果唔係當年揀科冇揀專科，我都唔會淪落到呢個地步。我恨我自己，亦覺得對唔住屋企，更對唔住曾經嘅自己。我以前冇哂動力，但而家我冇嘢可以怕，因為我已經冇嘢可以輸，我一定會好努力追返之前嘅時間，因為我真係好想成功，如果有好嘅機會我一定咬住唔放，加油。
咪鬼睇留言啦 呢度啲人最叻就係鬧人同踩人 明白情緒低落好難先出到返嚟 你已經好叻 加油💪🏼
師兄咪理d惡意批評啦，盡左力is ok take it easy
多謝你，但睇到留言的確會有啲唔開心，不過都冇辦法，我會盡力做好自己，希望可以追返上大家嘅步伐
不用追，每個人嘅人生都係獨立嘅，你有你步伐，唔需要跟人哋
你已經做得好好👍🏻
但我好自責，亦覺得好唔甘心，覺得當初我唔係因為在意其他人嘅目光，我就可以趕上喺畢業前後搵到工，所以我怪我自己，係因為我嘅自卑，親手斷送咗自己嘅前途，有時諗返起嗰段低谷期，我都會好傷心，但又如何，時間已經返唔到轉頭，我只好有路就行，盡力希望可以追返上去
只係嗰一刻嘅你未準備好面對世界，咁又有咩錯？
對自己寬容少少，其實人生行唔同嘅路有唔同風景，個天要你有呢個經歷，總有原因，不如試吓用另一個角度諗下，喺呢件事上，自己有咩得着？
試吓寫低佢，可以幫到自己整理思想🫶🏻🫶🏻🫶🏻
萬七真係唔好浪費時間搞咁多嘢，你屋企附近文員都有呢個價，早啲走吧
我而家都打算走，17k，冇前途，仲要日日早起迫車搞到我身心都好攰，但我會努力追返上去
認真咁講，大把公司唔在意cv，你啱條件，見工又正正常常就會請你，冇咩好驚。另外三大畢業做緊文員仔搵15000多的是，唔使太在意
我大西北返將軍澳，有無say?
返工放工，預左2個鐘
返工坐鐵，不作其他考慮
地鐵有delay一定有notification, 最少自保有證明
車費，有全月通 （以前後生時沙田返港島，咪一鳩樣，仲要無車費優惠）
返工準時，係尊重你份工，國有國法家有家規，你公司係咁既規矩就咁，知道規矩係咁就要識做
業績no2, 系統上數字睇到，代表你無條件出去做，真…我見到係呢樣
怕你去見工？ 你估你走左，公司會唔會執？
你老細計數精過你啦，佢梗係怕你走啦，邊度搵到個咁既人工又做到野既人？
唔想比HR覺得你jumpy? Who fucking care? 請你果個係老細唔係HR，你讀三大？ 我估你CU
唔好侮辱另外2間出黎既人同個朵
我都係住屯門番觀塘 通常番我都早2個鐘出門口 預8點番到公司 ，多左D時間就食下早餐 ， 係辛苦D 但一定唔會遲先
都幾好笑，合約有寫明而唔係無啦啦扣，有咩問題？你唔滿意個行業、職位、公司架構，係兩回事黎🐒
份工冇合約，我覺得自己好似俾agent呃咗入去，因為我都係入到去先知，sick leave都要我問先俾兩日我
其實咩人咪𢭃咩人工囉，係醒係勁嘅就轉工走咗啦！使鬼喺度呻吟咩！
你無表達不滿？
你成個threads都表達緊不滿喎
怨人工少怨地點遠怨工作多怨星期六要返怨同事排擠怨點解無好工怨自己，自怨自艾，你唔覺得有問題？
以為三大畢業天之驕子，畢業起薪就要有三萬以上？呢支歌仔已經唔興好耐喇，份份工都睇唔起，份份工都唔上心，份份工都做唔長
HR會問你點解之前啲工做唔長，你諗住點答？同佢講我唔鍾意做，份工無前途無意思？改改你嘅心態啦，你自己都講有個空白期，經驗都未夠仲要咁玩，邊個幫到你，最叻叫你份份工都轉嗰啲人？
份份工都玩投票，由外人決定你嘅前程，揀完又唔滿意，繼續怨天怨地怨份工，轉工唔係我決定嘅，都係啲外人叫我轉啫，你究竟有冇批判性思考呀？
好多公司係唔在意cv，但係你繼續咁嘅態度就去到邊都係咁嘅結果，呢個世界無話無咗邊個唔得，唔好睇到自己咁大
只得萬柒仲要冇前途？早啲劈炮咪浪費青春喇！
其實唔係好明點解遲到10分鐘要扣錢 ？咁遲放工有冇加翻錢？咁嘅19公司做唔做都罷！
睇行業
唔係下下 你OT 返就有用
不過只能說應該 / 自我感覺良好的 啫
Top2，得萬7冇野分，份工冇合約，跟住話因為討厭份工所以吾上心吾準時。所以你咪三大得萬7。你之後去第二D公司照直講睇下人地請吾請你。
係有料自己開檔啦，15000真係叫3-4次雞都冇左
其實網上野你都可以睇到咁火滾，會唔會活番多 d 係現實世界適合你多 d？睇到你都辛苦，要同空氣解釋自己。我諗你去睇醫生好，睇睇自己係咪有病（情緒）。😅
我冇火滾呀，相比起啲留言，我只係好平和咁解釋我嘅諗法，同點解會搞成咁 😅
唔火滾就好。其實花時間心機諗下點進步同改進，好過用咁多時間打咁多字去解釋自己俾班花生佬聽。贈你 8 字真言：關你 L 事，關我 L 事。
如果你真係業績Top2但17000人工，我建議你轉工唔好鳩搞
加油呀 ！ 儲多啲工作經驗
如果你唔介紹可以再去睇下政府有冇工作適合你做
有濕疹都可以好返，我相信無野難到你。
如果你份約寫住係17000人工，扣到得返15xxx，就勞工處見，其他野唔駛講
我明既 所以我都係會簡返呢邊既工返 反正又唔係特別多錢