以後都係等熱潮過左先去食ಥ_ಥ

同朋友2:45左右到 大概等左九個字入去 入到去5分鐘左右落左單
等左一陣server行過黎話湯賣晒煲緊新既要等多半個鐘
最後4:20左右有得食
中間出左燒賣既 都叫墊下個胃

燒賣：冇咩特別 但係出餐快
雞翼：食完都唔記得係嗌左南乳味 似普通炸雞翼
湯：好淡 淡到我覺得唔係拎出黎賣會有既味 聽到隔離枱要鹽
麵：幼米線好食既 但係佢冇味 似係用水煮完放落啲湯到
配料：menu寫話會跟韭菜芽菜同腐皮 但係我啲芽菜少+好細粒 好似用剩最後痴係袋邊邊啲碎咁
奶茶：係好濃好味既 對我黎講濃左少少 朋友鐘意
量：我好細食我係會食唔晒既 朋友男仔就覺得完全唔夠（我比左一半麵佢啱啱好） 如果料可以再多就更好
service：冇話好與壞啦 但係server們係有禮貌既
價錢：原價$15.99 會有更加好既米線選擇

in general 我覺得啲野食唔夠味之餘 佢每樣味都分開晒 
我自己覺得最差既係 佢地前幾日都試過sold out提早閂門 但係湯底依然預得唔夠 個人覺得唔應該煲湯見底先煮新一煲

我覺得可能係我地太主張將佢同譚仔比較 未必有下次

食蒙自源好過

蒙自源係化學嘢，間唔時一次半次就好啦傷身

老實講，喺列治文呢個價可以唔使做🥶

呢個價呢個份量，呢個味道，真係啲「香港人」先湧去試，願者上鈎。
我都係其中一位😆

咁可以慳返😅睇咗好多又話食到痾又剩，好多話個湯無味好似水咁，依個價又細碗，可以過主

我有食到胃帶 但係我係慣犯 同埋成日冇食過野等左好耐

鹿丸同蒙自源秒殺！

有冇其他米線店好推介🙏🏻

食開鹿園🤣

真，等啲人試渾先考慮！另外借問聲$15.99有咩更好米線選擇呀？我mark低有機會試試

我平時都係食開鹿園 價錢貴少少但係個份量大好多 鐘意佢個擔擔湯底勁rich

排九個字，就基本上唔使去

去之前睇過其他review 都預左既 可能地方細+出餐慢 等既人唔算多但等一枱走都等好耐

佢一直唔改嘅話， Richmond競爭咁大，好快就可以執笠

戴返頭盔有可能係我嚴格得濟 但係我見佢個女仔server係茶記d人咁理應佢地唔應該對出餐prep野陌生？

唔係你嚴格得滯，我身邊都有幾個女性朋友都係講僅僅夠飽。

Richmond咁多選擇，咁多food court。真係唔使揀佢。