仲有呢一篇,希望廣大脆友們可以指出我嘅不足之處🙏🏿
題目：以「看到此情此景，我更加肯定這決定是正確的。」為末句收結全文。

啲字體寫得幾靚

嘩你真係好偉大啊，做得幾好呀，最緊要係人生裏面做我鍾意做嘅嘢
因為真係要付出好大嘅勇氣啊

可能多一點點心理描寫同埋詳寫嘅畫面會更好🤔 如係寫同父母講離職嘅一段 寫下佢哋嘅反應係點 同埋內心嘅掙扎 追夢的慾望只係僅僅大過家庭給予嘅壓力 雖然做咗決定 but仍然有啲動搖 猶豫不決or估去到發現唔係好鍾意 然後後面再寫係義教過程搵到人生嘅樂趣or意義 再同返職場環境做對比 明白到自己嘅決定係正確嘅 同埋適合自己嘅

如果咁寫會更加扣到個‘更加 btw行文流暢 字體端正

另一不專業睇法：
題目《我更加肯定這決定是正確的》，其實係一個循序漸進嘅過程，由我未去做義教之前，我已經覺得做義教係一件正確嘅事，而去到之後我更肯定呢件事係正確嘅，但整篇文章少咗一步一步揭開洋蔥嘅感覺。我建議你可以再拓展多少少自己點解想做義教 ，佢所帶俾你嘅意義有幾咁非凡，如果唔係，你嘅初心就會顯得格外單薄。同時，文章嘅開首你曾經提過一份體面嘅工作，唔需要奔波吃苦，但後面其實你並冇好深入咁講過自己做義教嘅辛苦同唔習慣。如果可以更好，我建議你可以寫一寫義教嘅山村其實除咗美麗嘅山河，更加多嘅，係貧窮帶嚟嘅不得已，不得已放棄讀書嘅小朋友，不得已放棄更好前程嘅好學生，而你可以做嘅，係用最原始嘅粉筆、冇冷氣下浸出嘅汗水去拉起一個又一個佢哋。
希望同樣可以幫到你。