件事重點唔係樓主本身講乜，因為佢係一個宣洩情緒嘅表達，本身唔需要有學術嚴謹（當然都唔代表一定係啱曬，但佢都唔係絕對錯，所以本身就唔係一個定義清晰嘅議題，而係情緒表達）

所以追究樓主有冇講錯啱唔啱本身就錯咗focus同「用說教凌駕同理」嘅issue，而令件事咁大迴響，正因為白水「用學術教育一個情緒表達」而且連少少同理包裝都冇，直接踩中樓主所refer嘅現象，同父權被認為嘅一個面向，加上白水作為公眾人物自命用哲學人，又一黎就拋書包將件事由情緒提升到社會性，自然會被人用學術框架同本來嘅情緒context去judge。只不過turn out白水提埋父權加某程度上blame the victim先摑多自己兩巴咁解。

而其中又因為父權本身定義就太寬，大眾自動會將樓主係男性所以父權係包含樓主，加埋白水說教式回應同父權成日包含嘅man explaining 配合埋，反父權但做父權行為，結果成件事荒謬到難以置信。

樓主講嘅係咪真相，定白水講嘅先係真相都唔係重點，重點係個互動出曬事

@chunghinchow 原來講自己性別慘啲，第二個性別舒服啲，就叫拖人哋落水呀？

咁其實按照相同邏輯，女人完全唔應該投訴自己有m痛，完全唔應該講自己有咩生育風險，唔應該投訴畀人針對，畀人性騷擾喎。男人又生唔到仔，你咁樣即係暗示緊係所有男人都有份令到你咁辛苦，係全部男人對你唔公平，總之做男人最舒服啦？只要一個男人唔覺得，呢段說話就係拖無辜人落水喎，不如你又分享下我咁樣諗有冇錯吖。

想「按照相同邏輯」就請諗仔細d。
每個女性「情緒表達」你呢一堆例子時, *如實*講返*自身實際體驗*點點點, 係冇問題。
如果加插「男人乜乜乜就點啦」就十分突兀。
1. 當然冇人知道哂世上全部男人生活係點, 噉點解要用「男人」呢個泛指整個群體嘅名詞去描述?
2. 假設呢一個描述真係被證實係「事實」, 點解一個情緒表達嘅文章會突然出現一個同自身體驗冇關係嘅客觀事實?

比多個情境你諗,
母: 我餵奶真係好辛苦
父: 冇計, 對奶又唔響我度
你認為呢個情境內, 父嘅「客觀事實」係咩作用?

所以我會話你噉樣諗講唔上係啱。(已修飾)

我就唔係好關心你覺得我啱唔啱,但我絕對有見過大量女人話自己好慘，然後話如果自己係男人就一定會點點點，起碼唔使咁辛苦先啦云云。

我唔知你有冇見過啦，同埋無論有冇都好，如果我聽到呢啲說話，我會覺得佢係抱怨緊佢呢一刻嘅情緒好辛苦，或者純粹係佢唔想忍受某啲嘢，所以佢去講嗰啲情緒性嘅說話，我亦都唔會去怪佢或者覺得佢覺得男人in general就係好舒服，因為痛嗰個係佢，就算我覺得唔啱聽都唔代表我需要即刻反駁，除非佢跟住就開始講男人點樣點樣好，點樣點樣唔公平，所以搞到女人咁慘，呢個時候我先會覺得我唔需要為一啲莫須有嘅指控而 suffer，但anthony chow完全冇咁樣講過，我亦都唔認為一個情緒發洩嘅po，需要用你嗰把尺去量度。

最後，你個例子入邊，個老公講嘅嘢係Dismissive,即係對奶唔係生喺我度，我感受唔到你嘅痛苦，所以你嘅痛苦對我唔算數，聽清楚，係唔算數。

但anthony chow係expressive,即係男人慘，女人喺我覺得自己慘嗰件事上面相對冇咁慘，冇否定過女人其他嘢上面係有乜嘢嘅處境。

一般而言係唔需要學術嚴謹, 但樓主宣洩之餘扯埋其他無辜人落水鬧, 噉就唔再係一般處理。

你好，你點睇班右男唔疏導樓主嘅情緒？班右男不斷鬧、不斷說教，你又點睇？班右男係咪雙標？

支持你繼續鬧白水，咁你會唔會一視同仁開post鬧返班右男？你會幫幫樓主嗎？🥲

想知關本來嘅樓主同被炎上嘅白水咩事？😂
首先右男點定義？佢哋自稱？同埋想知班「右男」係咩自稱哲學人嘅公眾人物？

白水衰在唔識疏導樓主情緒呀麻，咁你開post指責佢都啱嘅。咁另一位樓主都係呻下，又被攻擊、又被說教，兩件事性質不是相同嗎？咁我問閣下會否伸出緩手，還是袖手旁觀？😅

還是只要不是公眾人士，一般網民就可以不疏導想呻嘅樓主嘅情緒？就可以對樓主說教？是否不存在雙標？😅

你係咪誤會咗啲咩，個context一直都講緊自稱哲學人抛書包但fail，唔係講緊單純有冇疏導情緒

最好你哩個係主要🤭
btw，總之唔係公眾人物，其他人就可以對呻情緒嘅人隨意攻擊、隨意說教。