📌 低級成年人想問高級成
共 58 條紀錄
低級成年人想問高級成年人嘅意見
00後，無父母幹
近2年做少少生意搵到少少錢
暫時目標未來兩年嚟香港買樓
手頭上都已經有足夠首期
但係諗緊要借錢定係直接儲多兩年full pay
公屋出身，對買樓嘅Details係完全冇概念
身邊都冇人可以比到意見我
想問咁多位高級成年人～
買樓有啲咩注意嘅事項🥹
新樓或者樓花可唔可以講價🥲full pay 嘅話有冇得平啲
回傭係大概幾時要傾，同埋幾多percent左右先係合理🥲
有冇話要預多幾多左右？
買新樓嘅話係咪直接買傢俬就OK ？
收樓驗樓有冇啲咩要注意？
真心請教，各位成年人請出招🙏🏻
就算有fullpay 既錢都借。手頭有多d cash 做其他野（無有錢人係唔借錢）
另外
可以睇洗版youtube 講買樓
有兩個點好少人講
1. 樓既建築期係咪經濟好既時候
2. 邊個發展商（頭幾年無乜分別，但一耐就浮上面）
另外賣下廣告
作為學過下風水既，我買樓理性分析完，就一定買間屋既風水。有興趣可以pm. 風水屋，唔係靠擺d 咩，係一揀屋個下最大影響
對理性揀樓or 風水都可以pm (岩岩朋友買樓，之前睇左好多個月youtube 同睇左幾個月樓，真係經驗分享）
我係迷信L🤣但呢啲使唔使睇埋自己條命先買？🙏🏻同埋聽人講係咪坐向都有影響～
1. 俾首期，慢慢供，用剩番既錢繼續做生意，首期成數最好做到5成，因為你做生意，係會有風險，當留條後路俾自己
2.新樓樓花跟價單，實際價錢要減埋回傭，最少咬佢一半，一開始講明免得最後嘈
3.新樓多數包家電包裝修，買少少傢俬係可以拎包入住，當然最好係全屋訂做，啲位偷盡啲好用好多
4.新樓收樓驗樓你請個多好評既驗樓師上嚟驗，有咩defect你call發展商既執收樓，新盤一定會備班人係個屋苑做埋啲手尾佢，唔洗業主俾錢的
一定係俾首期好 
你本身做緊生意 留多啲流動資金比較好
同時你嘅利潤亦都夠冚銀行利息
講價方便唔太熟 只能夠話新樓/樓花跟價單
買新樓嘅話多數會包咗廚具同廁所
基本上買床 櫃 枱 梳化/枱已經夠基本需要
新樓驗樓嗰陣搵返個相關專業人士幫你睇
買賣合約寫明指定時間前會由承建商處理
到時記得驗好晒先
我都係低級成人，但你提及出公屋出身，要注意你公屋有冇名，因為如果有名，你資產（full pay)好大機會已過左。一到富戶。好大機會影響埋屋主，甘就係急買。如果唔急（無結婚需要）另外除了私樓就可以諗下其他選撰，因政府已未來會不斷起新居屋
新樓樓花無價講，但通常樓花期full pay 左會平（即供），價錢你按揭定係一炮過都係一樣，但可以傾回佣
層層樓個佣金都唔同，一般最多可以傾到回佣金嘅50-90%
新樓自己裝修/買傢俬都得
記得驗樓
買樓應該放到最後， 你咁年輕應該以增值資產為主， 仲有你有公司可以用公司買， 然後當公司住宿， 又可以扣減成本， 改善稅務 （ 合法節省稅務） ， 公司盤數做靚仲可以低息貸款
路過，咁啱有同齡人買樓
同行者吹過兩句，講啲生意上嘅野
買樓呢個係大投資，even 自住都好，個金額都大，望住自己啲 cash flow 得唔得先
Cash flow 唔得，點都唔好買
多謝提醒！我自己都係諗住儲多兩年錢先，雖然係做生意，但我自問承受風險嘅能力係比較低。
所以無論係借錢定係full pay，手頭上都會鬆動、有穩定現金資金嘅情況下先會買～
唔係資金，係資金流
買樓點解要借而唔 full pay
大程度上都係資金流
做mortgage個息都比較低，會有個mortgage link acc
你夠錢打爆個mortageg link 上限收活期息，可以抵銷到你供樓一半利息
會更加抵
詳情可以問下銀行職員聽多啲意見
多謝你！我研究吓先～🥹🥹窮人屋企真係唔會識呢啲….🥲
我屋企人都唔識
當時都係靠問朋友，然後搵職員問
自己再上網fact check下
新樓對新手比較容易，因為樓契同裝修方面冇二手樓咁多古惑野
入票之前抽時間睇下示範單位同售樓書
樓價升緊的時候你儲多兩年錢就full pay唔到你今年想買的野，如果你筆首期要繼續創業用可以有更大的錢生錢效益的話就不要買
full pay無得平d，因為對發展商無影響，純粹你唔洗借錢還少左利息，成交價根據幾多日成交最平，通常90日成交係最抵
就算李嘉誠買樓都唔會full pay 
好多人就算夠晒錢買
點都做按揭係因為可以免費儲張樓契喺銀行度到
可能個問題好白痴，但係想知點解張契擺喺銀行度會好啲🙏🏻
做生意既話一定係借按揭唔好full pay! 利申做銀行
但係你要借mortgage記住係計報稅嗰份糧，報幾多計幾多
之前我都係第一次買新樓，個經紀都幾好，帶我周圍睇盤，好均真傾好回幾多，有需要可以介紹
個撚個full pay 班經紀食乜？銀行食乜？有錢就解釋清楚來源，批到會就開個供樓戶口做底息優惠
我有點意外，無父母幹的人能full pay? 太令人羨慕了。
請問你打算買那個地方？
諗好買邊間的時候就簽先傾回幾多，通常佢的營業額最多一半
嗱 呢啲就真係搵到錢
世界係唔會有人講賺夠想比人賺下😌
記得問問兩老意見
話唔定直接加入「父幹派」
😂😂😂
屌。。。見到你呢個留言即刻想覆你🥲
靠屋企真係前途一片黑暗😂細個因為窮真係太多件事令我好自卑，大概8-10年前到，零用錢一個月剩係得$200，佢哋仲要覺得好夠😊。。。
而屋企人因為已經習慣咗喺呢個溫層，所以覺得自己已經好幸福，唔會同任何人比較，可能咁樣係真係開心好多，但佢哋反而會覺得我因為呢啲嘢自卑或者唔開心係不切實際、好高騖遠，所有我15歲啱啱夠生日就出嚟返PT
30歲未夠，不用父母幫，靠自己買樓，已經好叻，讚讚讚
請問做咩可以full pay到層樓🙏🏻🙏🏻真心想學 謝謝你
勁呀4年可以full pay一層
(尤其當大量畢業生失業嘅時候)
做生意full pay買樓既話，你睇下盤生意有冇漏稅先😂
想問多少少，係咪通常咁大舊錢嘅話，通常會俾稅局查？如果諗住買5-6百萬嘅樓，一般係需要提供啲咩資料去證明資金來源～🙏🏻🥹如果現金嘅話可以點算🙏🏻🥲
你自己睇下盤生意有冇報600萬利潤，你自己都圍唔到條數既話稅局好難唔查
Btw聽啲長輩教落買物業點都要同銀行借少少
多謝你提我，的確冇諗到呢樣嘢，會注意下，萬分感謝！！！！！
睇咩息口
你有信心你賺得多過佢個息口就仲mortgages
你儲多兩年就可以full pay買樓
咁唔使問我哋啦🫡
有錢都未必需要full pay，借少少，樓契放銀行都ok
原意絕對唔係想曬命，我都唔覺得有咩好晒🤣😅小薯嚟。
首先如果有父幹我就冇問大家嘅必要🤣都唔會開post，其次打工同埋創業嘅本質就有唔同，所以我都好多謝上面有啲師兄師姐提醒我要留返啲資金，又或者係要注意漏稅嘅問題，呢啲大部份都係打工唔會出現嘅問題，而我的確未必諗到咁具體或者詳盡