作為一個鍾意香而鍾意到自己整同埋成為自己事業嘅人，我係對於香氣執著所以做香，而唔係純為賺錢鍾意製香而做。香料嘅品質同配伍係需要日積月累嘅經驗先可以識得配搭好。所以要香都係要自己做。我研究香邁向二十年，從細到大好多經驗都係比人呃過累積返來，而我買香一直都係幾狠同狼死，所以唔同地方嘅香都有買過用過。我自己嘅鼻敏感，都係因為用自己嘅香慢慢好。以前中學我係依賴白花油保心安度日，後來用左天然香就慢慢唔洗靠油。因為本身做香嘅材料大部分都係被歸納起中藥裡面，未必一定產自大陸而係世界各地。自己二十年來苦心研究。我係一個好直嘅人，有客問我啲香係咪天然，我會立即黑面，搵得我就咪問呢啲問題？信我先搵我，唔信我講多無益。我好多客人都係資深嘅外國香用家，到用左我嘅香就返唔到轉頭。唔係我有咩特別，而係我對原材料嘅執著。大自然賜比我地嘅氣味。有啲客來到，話我啲香貴，我會話你可以去返街市買嗰啲化學香夠平。我係用藥材做香，你無得同街市三十蚊嗰啲比。我好似係一家商店，不過我從來都只講求誠信同真誠。無心認識嘅，對我質疑嘅，我都唔會挽留人地sell自己。我係一個工匠性格，注重嘅係知識、工藝同誠信，唔識商人甘阿諛奉承。多謝支持

多謝今日來探我嘅客人幫我影

好難得用中藥做香

我地仲係用香港中藥做咖好多款都，香港中藥條例嚴格過大陸好多跟歐盟標準，所以我地啲香係盡可能做到最好品質～

我自己本身都鐘意食中藥調理 你都好叻 竟然中藥可研做到啲香 希望多啲人認識到

多謝支持，其實大部分香料都係中藥～我地主要係香薰用途，真係治療嗰啲就要搵醫師啦～

用靚香 祖先聞到都唔同啲

我細個嗰陣覺得屋企人燒香好臭又令我流眼水，搞到我好討厭座神台。到大個我再接觸到唔同嘅香發玩靚嘅香真係好好聞好舒服仲真係有功能。
雖然我仲未跟你學整香😂

我細個都會問屋企人點解啲香係臭跟住比人鬧🤣有時間過來索野啦

佢覺得貴，係佢唔識貨。識貨嘅覺得平。同埋有啲嘢，有錢都買唔到。

如果呢個世界個個都坦誠嘅係極樂世界。所以我都比人呃到怕。既然自己唔中意比人呃。我絕對唔會變埋佢地無左自己。