📌 作為傳統JUPAS制
共 36 條紀錄
作為傳統JUPAS制度出身嘅人，好想八卦一下：兆基創意書院、體藝、APA、CU Fine Art、BU VA嘅特色，喺香港係咪超異數嘅存在
我係APA畢業 apa係一間好癲嘅學校 你交完portfolio佢唔一定會比面試你 我當年好多朋友一齊交 都會有好多朋友面試機會都冇 就純粹睇老師覺得你啲野得唔得
面試之後 佢唔會為左收唔收夠人而收人 佢真係要揀佢覺得ok嘅 每科每班只係最多六個人 如果個年佢覺得啲人唔得 佢寧願收兩三個算
Apa同其他大學完全兩回事 我地係超小班教學 咩都落手做 做記錄
0800-1600係上堂嘅時間 1600-2300係跟show嘅時間(大家都要跟) 2300後先屬於你自己做功課嘅時間(重有好多文件,上堂嘅畫要畫)
你交唔到功課 老師唔會體諒你去左跟show而係不停覺得你冇做好時間管理
四年都一樣 而你更加會每一年增加更多工作量
出面嘅show有超大團後台一齊搞 但apa嘅show係由每科個三四隻小貓一齊砌出嚟(所以希望大家多啲支持apa嘅show )
CU又係jupas制，你夠成績先會見你，唔夠成績就冇得in
BU我就覺得正常人都入到，太多位製造失業😂同埋預晒俾asso 嗰啲人升上去
兆基創意書院應該唔會有人入到CU Fine Arts，口碑就係，入邊同班學生好friend嘅老師，到畢業叫老師介紹吓工嚟做，老師本人都覺得唔介紹好過😂
體藝只係口號嚟，最後都係想谷住保持Band one嘅成績，體育有得加入學分，但其實視藝Stream嗰邊應該都係睇成績行先，CU fine arts一年都未必有一個
兆基畢業 > BU AVA asso > CU Fine Art > 畢業後作為藝術家及藝術工作者生存中的例子在此～
創意書院其實係收頂唔順主流學校既學生同老師，如果純粹係想搞藝術而去，或諗住乖乖地讀書，咁就要了解多d先去。
好地方尼既，老師都係好既，但如果係好乖果種人就可能水土不服。
作為創意書院畢業生家長, 我認為書院的確係香港属於超異數嘅中學, 係家長嘅角度, 書院嘅教學態度不論係功課, 操行及思想上都係鼓勵大於懲罰, 用校規做個例子, 係一般嘅中學, 可能校規會好嚴格咁執行, 係書院唔係話唔執行校規, 而係會鼓勵學生主動溝通, 盡量化化干戈為玉帛, 避免用懲罰去解決問題, 鼓勵學生面對及表達自己真實嘅感受, 呢種可能要花大量時間才見到效果嘅循循善友嘅方法好唔好,就真係好見人見智, 但我認為呢種取向亦有助學生們創作, 唔怕錯都係一種力量, 但如何達至平衡就真係要睇環境執生
好多年前去你哋最早嘅紅磡校舍，見到幅牆有好多人像畫，睇真啲原來係同學無按時還書，啲老師畫嘅通緝嚟。嗰次之後就對你哋學校好有好感。
早幾年, 學校開放日係民主牆貼左隻書院canteen用過未洗嘅餐碟🤣🤣🤣, 隔離有段內字, 內容大慨係一位睇唔過眼嘅學生寫比隻碟嘅最後使用者, 叫對方要有公德心, 要多站在別人嘅角度顧及下別人嘅感受, 唔好咁自私。(因為書院canteen買野食係可以拎去其他地方食, 但要自律守規矩還返啲餐具去canteen, 不過有時啲學生冇手尾, 食完求其周圍放, 咁書院又會有啲學生係好熱心, 好主動幫canteen收返啲碗碟)
一間學校係開放日呢啲日子, 冇清洗太平地, 讓家長入內感受真真正正嘅書院生活, 我個人就好鐘意呢一套
係呀講少咗呢一點，我覺得啲同學嘅自主性全部都好高！連學校管理制度都會想討論同介入。
兆基第一屆畢業生嗰陣，我都已經讀緊大學，後來識到唔同書院出嚟嘅人，我普遍都幾喜歡
兆基人要好難好自律先有機會入到CU fine art，好多人會升台灣啲藝術大學，e.g蔡思韻 aka 劉俊謙老婆，Marf 、曾樂彤就直接去做藝人
其實仲有City嘅SCM。但想問，你心目中咩為之超異數嘅存在？
🙂讀完出嚟九成都做同art 冇關嘅工作
有關嗰個係不幸事件🙃
制度上嚟講
只存在 創意書院 同其他普通學校
我體藝再轉兆基 差在未畢業冇得入apa 讀粵劇 其實冇咩特別 利申而家全職做緊粵劇工作😆
體藝
理想：學校想你係咁交畫又讀到書
現實：大部份學生唔夠時間讀+唔夠時間畫
好處：同人講讀band 1 專修藝術，未出黎做野就有5年OT經驗，睇得明英文
咁實則除咗visual art要讀咩科？
同喺傳統學校有報dse visual art嘅學生有冇分別？
當年一星期有9堂
有攝影曬菲林房，電陶瓷爐...一大堆
我兩個仔喺兆基讀緊，未來唔知點（考DCA instead of DSE），但你問係咪異數，我覺得係。我喺填鴨教育制度長大，冇話邊種好啲，但我都好想有機會讀兆基，有好多空間資源去俾小朋友成長同吸收，吸幾多就睇你有幾自律同open mind，但返學真係好開心。🙂↕️ 我都睇住個仔進步，如果佢讀local，我哋應該會抑鬱。
兆基嘅第二屆初中，而家讀緊中四，有啲難就咁就講到有咩特色，不如反問返你有咩問題想問？
點解會揀兆基？
上堂有咩固定課程？
係咪九成人唔會報DSE？
兆基畢業生路過🤣兜兜轉轉最後喺韓國完成學位
再繼續喺韓國讀上去，科目都係Media
創意書院畢業數年，用面試講吓有幾異數
當年中文筆試考題係「點解想讀呢間學校」，我裏面有2/3嘅篇幅係抱怨當時嘅學校有幾辛苦
面試我淨係拎咗本興趣畫簿同老師簡單講自己嘅諗法
當時準備室住人哋超多作品集睇落去好Pro好擔心自己入唔到，結果有收到錄取通知
BU VA第二屆路過
VA相對學科比較少，感覺可以試的媒介比較多。讀完做野係窄窄地，但諗野做野方式一生受用。
如果目光得嗰一磚三瓦地嘅學位嘅話，咁就唔好搞咁多嘢好好地讀返Jupas
體藝 -> Apa dance sku 永遠朝9跳到晚6 break就攞張墊瞓走廊地下 Year1見到year2要打招呼嗌師姐如果唔係呢四年你就仆街啦
創意書院第一屆路過👋🏽
（資訊唔update 擔櫈仔睇吓cm)
係咪好鍾意藝術嘅先啱讀？小朋友係好有創意，中文麻麻地，英文讀寫聽說都好嘅學生適合嗎？
事實上，聽過好多讀體藝嘅因為係甘要交畫之後變得好討厭畫畫