你哋會唔會為咗維持朋友關係
而選擇去道歉一件你認為冇錯嘅事？
即係大家價值觀唔同所認為錯嘅事
唔會，我會堅持自己原則同埋解釋比佢聽我點睇，如果因為你唔道歉就會冇左依個朋友咁要唔要都罷🙂↕️遲早又會因為大家觀點唔同又嘈交
其實我都好矛盾😮💨😮💨 我而家就係同一個價值觀成日唔同，但係又勁 friend 嘅人冷戰咗成年，到而家都未好返。佢係唯一一個我可以喺佢面前做返最真實嘅自己，唔使夾硬搵話題，唔怕靜咗會尷尬。但就係因為咁，因為一啲小事（類似佢對我做唔好嘅事，我又對返佢做好嘅嘢，然後串下佢話你睇我對你幾好，跟住佢就嬲咗鬧返我使唔使捉住呢點）。我成日都諗，如果我當時忍一忍口，唔講咁多就好啦。我其實真係好唔想失去佢，但又唔想明明冇錯都要去道歉。宜家搞到我成日夢到佢，都唔知有冇十次以上。夢入面我哋和好咗一齊玩，佢會同我講我終於肯睬佢喇，其實真係好開心。跟住一醒，發現其實咩都冇變過，每一次都好空虛。😮💨😮💨
唔明點解依家咁多人非黑即白 當正自己嘅價值觀好似世界真理咁
大家唔同出身唔同見識 有唔同價值觀係好正常嘅事
真係朋友嘅咪嘗試理解 磨合下
話唔定你理解完佢個觀點 你都有得著呢
你咁都道歉呢段關係就唔係朋友關係啦，會變咗從屬關係咁。
No ，如果價值觀唔同，無論呢個朋友我有幾鍾意，我都會慢慢疏遠佢
有啲嘢，勉強都冇辦法，唔啱channel 真係行唔落去，朋友係，戀人都係
為咗維持關係而道歉，唔係包容，係自我否定🤨 價值觀唔同唔係錯，錯係你為咗「唔想失去」而委屈自己。真正嘅朋友，唔會要你改變自己去迎合佢。問題唔係「應唔應該道歉」，係「你可唔可以接受：有啲關係，就算結束，都好過委屈自己」？今晚問自己：你係真係想維持呢段友情，定係你驚面對「就算你做咗朋友，你都唔係你自己」呢個真相？
不會
這樣做是維持不到朋友關係的
君子和而不同… 小人同而不和…
我都唔會道歉
但！
佢值唔值得我skip咗依件事的對錯，放下唔傾，去維持友誼
如果佢都係: 我哋之間不用分對錯
咁我都會
如果係我表達方式令佢感到不快我會道歉，但一定唔會認錯
啱就係啱錯就係錯，唔會因為人嘅關係而改變
同埋如果要繼續做朋友，就協議以後唔講呢個話題，費事又嘈
最大讓步就係為有任何得罪不快道歉
但係原則 冇做錯嘅事 一定唔會道歉/讓步
最多大家以後唔提呢件事
咁都唔肯妥協讓步就算鳩數 唔駛再見
No xD
或者就係因為價值觀唔同
所以先唔可以繼續做朋友
未必會道歉、但會選擇主動break the ice破冰
唔會，道不同不相為謀。如果自己係錯，當然要認。無錯的話，又唔夾，何必浪費時間做朋友？
唔會
無錯點解要道歉，多你一個唔多小你一個唔小
大家唔同價值觀都唔好辛苦自己辛苦大家
唔會，
除非你說服到我其實係我錯左
說服唔到就只係觀點角度問題
點解要認錯
唔會，但我願意主動提議 let's put this behind us
唔係好明價值觀唔同所認為錯嘅事會有咩具體例子。。但如果唔係成日要見面嗰啲中學同班關係的話我覺得冇必要認
視乎對方喺我心目中嘅地位係咩程度。
有時有啲嘢唔需要真係分得咁清楚
視乎係咩
有啲諗法可能係世俗意義上唔啱 我又多口講咗出嚟嘅話可能會
但只係價值觀上唔同就唔會
要具體啲嘅情況先講到...
一般情況係唔駛道歉
當無嘢就算啦...