你哋覺唔覺
喺一個咁扭曲嘅都市，去扮一個正常人運作已經好用力，扮正常工作食飯出街，其實心裡面已經爛哂。🫠
所以盡量唔好扮正常，唔舒服就要休息，無論身體定心靈都一樣。
每個人休息嘅方法都唔同，有d人鍾意傾計，有d人鍾意一個人去旅行，有d人要鬧發洩情緒，有d人會喊，有d人好犀利可以訓一覺就忘記。
但係要搵一個自己適合嘅方法需要時間，最重要就係唔好逼自己「一定要搵到辦法」，慢慢續個續個方法試，總有一個啱自己～✨
如果話現實因素冇辦法停低休息，至少佢哋喺自己面對社會嘅時候努力了，起碼呢點值得敬佩。而當佢哋面對翻自己嘅時候，祈願佢哋可以好好休息，慢慢搵到平衡點。🙏
你講得好啱。。。
呢個扭曲社會，教到大家都要chur盡，無工返就十惡不赦咁，好_變態
真啊！我都係慢活嘅人，但係喺香港基本上冇可能…如果係有人話你唔符合社會標準，其實標準都唔知邊個定。每個人行緊嘅路，面對緊嘅嘢都唔同。你搵到你嘅節奏，生活到就已經好叻。
所以我唔後悔出生於呢個地方，我遇到d好好嘅人，佢哋比我慢慢進步，我學識咗同呢個時代「和解」嘅方法：
雖然香港好似好痴線，但係咁痴線嘅地方先睇到原來香港人嘅熱心溫暖係咁難能可貴。我喺街喊會有人遞紙巾，唔舒服講聲會有街坊借藥油、陪你去旁邊休息等等…如果慢慢觀察，其實呢個地方有好多好美好嘅嘢。
人生冇可能完全順遂，尤其呢個五濁惡世。呢個世界本身就係要我地經歷呢d，感慨一下我都理解，不過都唔洗太悲傷，因為仲有好多好嘅事值得我地讚美。✨✨
好正面嘅想法，每一個人都要識得咁睇世界，世界就會美麗好多。
多謝你