📌 你有冇遇過一種同事—
共 50 條紀錄
你有冇遇過一種同事——佢準時返工、準時 lunch、準時收工，一分鐘唔會早到，一分鐘唔會遲走？🕔
我公司就有一個。
你叫佢做咩，佢就做咩。唔多唔少，啱啱好。你問佢：「你對呢個 project 有咩睇法？」佢話：「冇咩睇法，你話事。」🤷
你問佢：「你覺得點樣可以做得更好？」佢話：「而家都 ok 啦。」
有次我忍唔住，叫佢入房傾。
「你對自己嘅工作有冇咩目標？」我問。
佢諗咗一陣：「冇咩特別目標，出糧準時就得。」
我呆咗。😶
「你唔想學多啲嘢？唔想升職？唔想加人工？」
佢好平靜咁答：「夠用就得啦，咁辛苦做咩？」
我望住佢，心入面好唔舒服。
佢冇做錯事——佢做足本分，交足功課，從來唔麻煩人。但佢亦都唔會多做一分，唔會主動諗嘢，唔會諗點樣進步。
我問自己：一個冇目標嘅員工，我應唔應該留？
之後幾日，我成日諗呢個問題。炒佢？佢冇做錯嘢。由得佢？但佢嘅「平淡」會唔會影響其他人？
後來我諗通咗——佢嘅目標，就係「冇目標」。佢唔想搞咁多嘢，唔想搏，唔想爭，只係想安安穩穩打份工，夠食夠住就算。🏠
只要佢唔影響其他人，唔拖慢進度，佢有權選擇「平淡」。
之後我冇再迫佢。冇再問佢「有冇目標」，冇再叫佢「諗多啲」。佢到今日仲喺度，仲係做緊同樣嘅嘢，仲係準時返工、準時收工。
有次我見到佢教新同事用個 system，教得好詳細，好有耐性。我企喺度睇咗一陣，心諗：原來佢都有佢嘅價值。😌
你唔需要每個同事都有火，但你需要佢哋都做到嘢。🔥
要諗下你份工有無本錢叫員工做beyond and above
好多叫員工做多，人工又無加，升職永遠唔到。
所以2020開始大趨勢就係做好本份
我就係d咁嘅同事，響多間不同嘅公司做appraisal，全部上司對我評價一樣：唔做多唔做少，啱啱好，但你明明有能力做更多，只要你肯做更多，升職加人工一d問題都冇；我一向同d上司都fd，就如上面脆友咁回應上司：阿姐，我拿捏得咁精準都有難度架🤭😝
po主所講咩咩目標，sorry我只係打工賺份糧糊口，同埋跟同事相處有講有笑一齊去lunch，我都好enjoy呢種社交；其他公事，你俾幾多$，我做幾多嘢，我唔會欠你，我亦都唔想你佔我便宜，我個人有冇目標與你無關，況且我嘅目標唔係你公司，我嘅未來並沒有你🙂↔️🙂↔️
呢啲員工先至可以做得耐
有理想嘅員工
學識哂就跳糟，你就要從頭教過個新
我寧願我嘅下屬係呢類人
出幾多糧就做幾多野
你想人哋做多啲，咁佢人工應該要多啲
On9 有衝勁好醒目有理想嗰啲都唔幫你打工啦 你又唔係俾緊5萬一個月 仲咁多要求 男人嚟講你都真係麻撚煩
好L煩你呢D老板，真係你老板！睇到就覺得忟！
D員工返工唔準時你就想佢準時
到準時，你又想佢做嘢唔好錯
到做嘢冇錯，你又想佢做嘢做得足
到做得足啦，你又想佢態度唔好差
都態度唔差，你仲想要求人哋態度上進啊！？？
人哋表現已經咁好都冇要求你升職加人工啦，你俾到啲咩人啊？🤷🏻♂️
你咁煩惱，咁祝你請啲員工永遠都唔係佢呢啲員工
又係宜啲垃圾 AI 文，將自己既舊思想放係現代人身上 😂
呢啲人先會同公司行得長時間，只要公司要求唔過分，準時出糧，佢都可以確保你公司有穩定發展
你無得逼每一個下屬都aggressive
如果你想鼓勵下屬take up 多d野，咁咪幫佢fight for 高d花紅／加薪幅度，等大家知道你個標準係咩
如果員工都係想準時返放工，寧願唔要多d錢，呢d個人選擇你只可以尊重
其實明嘅，每一個上司都想班下屬主動d，學多d野，一來大家做野唔使咁辛苦，二來教到個下屬可以獨當一面，個師傅都會自豪
你比幾錢人呀。個個都要有在偉大宏志先做到？每人既人生目標都唔同，佢又無攞你著數做錯野！最憎你呢啲以為真是老闆既老闆！寫篇ai都寫得衰那過人
你有冇試過做一份工，好盡責，解決咗好多問題，唔介意OT，明知上面無位升職都做好每一項工作，見到有問題會提出同建議解決辦法，但上司唔睇你就係唔睇你，仲覺得你提出有問題就係你嘅問題，你點努力落力盡力就算得到其他人嘅稱讚都係徒然嘅，上司依然雞蛋裏挑骨頭，說話難聽日日搵嘢鬧，甚至設局朝令夕改令你做錯嘢，搵盡辦法令你走？就係因為你太做得嘢佢覺得會威脅到佢，仲問返你知唔知邊個係老細？
我諗有啲人經歷過以上嘅嘢都會變得只求返工準時出糧無鑊爆就夠！
其實做好份內事已經好夠，而且佢嗰part越熟就越無問題，點解要迫人表現到好有目標咁aggressive?
喺公司搞事嘅永遠都係過份aggressive 意見多多嘅人！
公司唔係自己嘅話，返工，都係求出糧啫！
其實工作唔係咁緊要，點解仲講到升職等如人生目標咁…
正如管理一支軍隊
無可能要求每個士兵都能英勇善戰
個個都幫你殺敵 幫你捉俘虜卦
你總要分工合作 一啲士兵負責洗衫煮飯 一啲士兵負責做探子 一啲士兵負責管理馬匹 這才能事半功倍
世上萬能又積極上進的員工好少
能遇到係你好彩
作為一個管理層的角色 知人善任好重要 所以每次開口鬧及責怪下屬前 請思考一下
感恩🙏🏻
好複雜嘅⋯⋯我就係你同事嗰類人
無目標？
係，無錯！
點解？
其實又未必真係無目標⋯⋯
只係
從你上文下中所提及嘅目標
實際只係商業或者勞動巿場所定義嘅目標
我所定義嘅人生目標，唔需要同商業、勞動巿場嘅定義一樣呱？
仲有
若叫我就向住人生目標進發
喂
嗰個人生目標
係一定搵唔到食喎⋯⋯
咁為咗維持我嘅人生目標
咁咪將就吓順應巿場需求
睇下可以出到幾少力
都吊得住條命囉
我都曾經進取過
不過依家平淡了
我志不在工作
被動收入夠我輕鬆生活
打工單純打發時間、繼續接觸人群～
志不在此，打份工維持生活就夠，你理得人，咁中意你咪自己做夠佢
可能你想佢上進 係你想幫佢啫
但人生唔係淨係返工既
你睇重既野 同其他人睇重既野唔同
唔洗將你嘅諗法加落人地度
你唔去搞佢 佢過得仲舒服
去處理一啲更加想要上進嘅人
平淡是福！啱嘅人放啱嘅位，各司其職！唔係人人都要咁ambitious
好過有D 人太ambitious 為自己搞到烏煙瘴氣。專心工作，交到水準，consistently deliver 到，已經係好好嘅員工。
一個漁翁在釣魚，每天賺著微薄的收入。
一個年輕商人看到他每天這麼辛苦，所以想要幫助他。
「你應該要先貸款，購買漁船和漁網，然後僱用幾名漁夫，讓他們替你出海打魚。賺到錢之後自己開海產餐廳，包攬企業的上中下游，這樣子才能夠發財致富啊！」
漁翁：「發財致富之後要幹嘛？」
年輕商人：「你就可以盡情做你喜歡做的事啊！」
漁翁：「我現在就是在做我喜歡做的事情啊。」
我相信大部分人一踏入社會都會有團火、有目標，慢慢因為各種經歷而交足功課就算。
想進步但有d公司唔容許同事有自己思想，咁久而久之就會學識”生存之道”就係低調、唔好俾咁多意見🥹
講真啦，有幾多人接受到多過一種意見？個project都決定咗要行，講完意見都唔會有改變 (可能risk management會用多咗budget/resources)，咁都唔會改變原有計劃，講嚟冇意思，咪標準答案 「冇咩睇法、而家都ok」🥲
好明顯你果間唔係好公司，物以類聚，問題唔係員工身上，係老闆問題。
我遇到嘅同事，係公然遲到又早走。剛剛大學畢業嘅 Gen Z，工作枱佈置到好似睡房咁，每日最關心係下一餐食乜，出糧盤算去中日韓玩，係辦公室亂掉蕉皮惹蚊滋，做錯嘢又唔改善，埋堆抹黑監視同事 ……。
你就好似啲馬主咁，想隻馬幫你跑比賽，打藥谷佢勁啲，到佢骨折就搵屠宰場賣走。
馬主係從來都冇諗過upgrade馬嘅糧食同環境、將來退休生活。隻馬食幾多糧咪跑幾多步囉，隻馬知你會好好尊重佢照顧佢嘅，自動波用多兩分力跑個獎返黎架啦。
對馬尚且係咁，對牛更加刻薄，睇吓幾多僱主一個月開萬三萬四請人就知，俾得租都唔知夠唔夠食用
你應該慶幸你有個咁有智慧嘅同事，呢啲人生態度先長命，他朝有日守得住間公司可能都係靠呢份啱啱好嘅智慧同能耐。你估啱啱好咁易架？難過死衝死搏好多架
一開始表達，底層邏輯：唔鍾意人準時收工！
呢啲方式，係香港好舊嘅老細做生意嘅人管理文化
有冇諗過
點解要 定立工作時間？！
做唔到準時，係老闆失職？！ 請唔夠人手？！
最搞嘢係你嘅表達
公司ot，唔重要，甚至從來唔需要
可能你內在鍾意人哋用ot嘅方式擦鞋，內心先代表好員工
或者你知唔知
工作/工種/職位與不同人性格及佢出現嘅溝通方式，有幾多種組合，公司點解需要呢啲不同組合？
試下接觸多啲外國公司文化
認真睇呢度嘅留言
認真思考：一隻手係拍唔響
千祈唔好做大時代嘅丁蟹
希望你員工幸福美滿
睇晒你講嘅野.....要珍惜這員工....起碼唔會衰咗,管理層都唔知衰乜~
準時番工準時收工準時出糧有咩問題？做野無出錯，準時交到功課，唔搞事唔比屎你執，你已經煩少好多野啦 ！