📌 係咪得我一個覺得，香
共 49 條紀錄
係咪得我一個覺得，香港嘅「預繳稅」制度係全宇宙最前衛嘅設計？🙃
講真，喺外地返嚟或者啱啱出嚟做嘢嘅朋友，收到第一張稅單真係會懷疑人生。
全世界大部分地方（英國、美國、加拿大、澳洲、甚至新加坡）都係玩 "Pay As You Earn"。簡單講，就係你每個月出糧嗰陣，公司已經幫你扣定稅交俾政府。你攞上手嘅錢，就係你實質可以使嘅錢。
偏偏香港係玩「時光機」模式：
1. 稅局會根據你今年賺幾多，「估計」你下年都賺一樣咁多。
2. 然後喺你今年張稅單度，直接加埋下年嘅「預繳稅」。
3. 結果？如果你係第一年交稅，你要一次過俾 [今年稅] + [下年預繳稅]。
個概念係幾咁痴線？即係政府預言你下年唔會失業、唔會減薪、唔會中途辭職。如果你下年真係不幸收入少咗，你仲要自己寫信去「反對」個預估。
稅務局簡直係當每個香港人都有超強現金流，或者個個都係預言家。😂
大家仲記唔記得人生第一張稅單有幾震撼？
定係你覺得咁樣「一次過交」其實好過「月月扣」？
#香港稅 #預繳稅 #ProvisionalTax #稅務局 #理財 #香港生活 #ThreadsHK #時光機稅制
😵 你真係唔識taxation
個原因好多人都講咗
香港係全世界數一數二低稅，稅務友好嘅tax heaven
竟然會覺得外國好。你去外國做一年嘢，你會發現稅後收入到手少到仆街
你諗清楚就會發現非常合理。
假設你2024年開始做嘢，2025年5月先報2024/25嘅稅，你張稅單要收：1） 2024-25嘅稅 ；2）2025-26嘅預繳稅，喺2026年1月同埋4月交
即係話2026年1月交緊嘅，其實係2025年4月-12月嘅稅。如果你2026年1月發現2025年收入少咗，寫幾句俾稅局就豁免。
你唔需要時光機先知2025年嘅收入少咗啩
Pay as you earn 係你第一個月就要交稅，香港係下年度評說後先交。你賺咗幾個月利息。仲未計外國免稅額係先收後退。
真係得你一個覺得咋😂😂😂
第一期税（2026年1月）係交緊2024年4月至25年3月嘅税 加 2025年4月至12月(即係你口中嘅預繳稅）嘅税。
第二期税 （2026年4月） 係交埋2026年1月至3月嘅所謂預繳税。
其實你係著數咗喎，拎去定期都有2%利息收下啦😂😂😂
香港稅制係英國管治時建立嘅，針對目標係由英國嚟香港搵錢嘅商人（嗰個年代本地人賺到幾多錢收到你幾多稅吖），呢啲expat隨時可以走咗去唔再返香港，預繳稅咪可以責住佢哋少少錢，等佢哋清咗稅先好返老家
佢個名係暫繳税
完全無預繳的成份係入面
當你一月份交稅果下其實已經產生左你口中講預繳的薪金
香港係「暫繳稅」、唔係「預繳稅」，你冇收過嘅錢（即係所謂未來一年嘅收入），係唔會要你俾稅。
你唔識就唔好喺度亂講一通。
用下腦，個名叫預繳，但你26年2月第一期係交緊25-26年（up to 3月底）既收入既稅，差個1.5個月，而且係第一期，有幾震撼啊？我覺得弱智既言論更震撼囉
英國預繳稅（Payment on Account, POA）是 HMRC 針對自僱人士或有未扣稅收入者（如租金、投資）的稅務安排。當上年度應繳稅款超過 £1,000，就需分兩期（1月31日、7月31日）預繳下年度各 50% 的稅款。若收入減少可申請減低預繳金額。
應該真係得你一個咁覺得。
你覺得係你講既「全世界大部分地方」交稅係咪會交得舒服啲？美國歡迎你🤗
幾年前睇有篇文講有心保留呢套
因為每年到甘上下時間，就有班人要借稅貸交稅
銀行賺返筆
不過講真我都慣左香港果套
Pay as you earn你每個月賺的錢唔同扣的錢都唔同
最on9係可能你本身交開20%tax rate
但你7月突然OT多左，稅局估你之後都係甘多，計你再高一個稅階（40%）
之後你幾個月都硬食40%
以上識真人真事，有同事同稅局拗過
新加坡每個月扣咗嘅只係公積金
每年三月會收到稅單炸彈，俾上個日曆年份嘅稅。收稅單後可以揀一炮過或者分期 12 個月。
但新加坡最好嘅就係所有政府機構 database 真係連住晒，個人唔需要再浪費時間報稅。
預繳稅交果陣係你已經全部收撚哂, 並唔存在「預言」, 你就算反對都係反對緊已成事實既野
真正見識過歐洲高税+萬稅就會覺得香港好好😌 （利申荷蘭7年）
澳洲都有預繳稅仲會有多因為forecast你一年好過一年，每三個月上繳，仲有個個quarter 既GST
一d都唔係樓主你講咁爽
香港稅真係低，望自足
香港如果每年份工都出大bouns 同加唔少人工，個預繳係好高得好誇張，而且預繳係會assume出年財爺咩免稅額都唔比
當你今年實比2萬，預繳可以照開你8萬
Cashflow 上唔係特別低稅
只係本年度課稅真係平絕全世界
你可以申請hold over provisional bonus 果part
利伸，年年都咁做
中慘個D 上年加下年，加埋可以俾10W 真係好慘
定係要學外國咁出糧即扣幾成
自己諗
路過...
好多comments都話香港係暫繳稅，唔係預繳稅，英文應該係provisional salaries tax, 字眼唔同，但意思都係要employee 預先交或者提早交下一稅務年度嘅薪俸稅，分兩期繳付，比例係75%：25%
我有冇理解錯？咁帖主講嘅其實有乜問題？
純粹討論。
真係得你一個覺得！香港冇預繳稅制度,但有暫繳稅制度。一般來說，你在繳交第一期稅款時，已賺取了有關年度的至少九個月入息，才須繳付同年度75%的暫繳稅；餘下的25%則在賺取全年入息後（即四月時）才須繳付。假設你於本年度的入息無變（和上一年度比較），則套用俗語來說，繳交暫繳稅便不是年頭交年尾稅，亦非今年交明年稅。
你個納稅限期實際上已經到下一年末端時間，所以無提早收你稅
要講邏輯已經有人覆左 我淨係想講睇你呢個post我真心笑左（唔係嘲笑）🙂
新加坡，配偶免稅額，一千；仔女免稅額，四千！香港個人免稅額已經好慷慨
錯左，係暫繳唔係預繳，你第一年交稅係交緊係前年收左既人工加上年收左既人工，冇預先交到架全部都已經落晒袋
讀下書先啦，最多都係差個半月，全世界月月扣，就算有免稅一樣扣撚左先，退果時仲要冇息
你轉PAYE 連低息稅貸都無埋，變personal loan 你預加息
1. 外國係出糧即扣, 香港比你拖10個月到一年時間
2. 你鍾意可以交外國稅率
3. 正常人係會積極搵工，務求維持生活水平，所以人工好少同上年差好多
4. 假如你係唔正常人，如繳稅都可以暫緩。你最多咪一年寫信搞一次，你去外國唔止一年去一次政府機關
總結：你係井底蛙
有得俾你用左一年錢再交仲想點？ 淨係拎舊錢做定期你都有得賺
你試吓係外國生活再講🙂↔️
佢地出糧先收起係因為啲人on9 真係會洗哂份糧之後無錢交稅
係外國
你每個月收到糧單會好震憾
每日消費都俾緊稅
澳洲是發薪已扣了稅
然後你報稅報扣稅，然後就稅局回水給你🫣
上次講移民已經覺得你好柒
點解硬係有呢種移民撚咁鍾意搵啲野踩香港 仲要錯晒concept
不如好好地喺外國生活啦。。🙏🏻
咩都屌㗎啦，歐洲嗰啲稅制歐洲同樣地任何一個人都屌
每一個人都諗盡辦法逃稅