📌 係度開個分身最希望無
共 68 條紀錄
係度開個分身最希望無朋友認得出，單純搵個位抒發下
我係典型貧窮家庭屋村仔出身白手興家既小人物
又係果d讀唔房書然後好早出黎做野，16,7歲就打暑期工，20歲開始創業，30歲左右叫略有成就，收入高既話係幾百萬一年純利
可惜遇上2019年事件管理不善唔識提早止蝕cut人cut成本，直插到疫情，蝕過千萬再執埋笠，個人負債大概300萬，所有曾經合作過既單位瘋狂追數，高峰時有30幾間公司收我數，屋企附近滿地都係街招，收數公司上黎都唔驚，因為最多屌你幾句，無錢都無辦法，周街d人都爭人錢。
就算事隔幾年都未完全清債由300幾萬到而家仲有百幾萬，除左要養家仲要還債，當初唔破產係因為無乜用，有一大半係朋友借既，朋友債已經仲有幾十萬就清晒，其餘就係銀行數，每個月支出單係還錢同息已經4萬一個月唔計生活費
捱得到就仲有3-4年應該左清晒，之後好想過返適合自己既生活
雖然抑鬱同壓力越來越嚴重，但身邊近乎無人知，因為身邊所有人睇我咩都會攪得掂，唔會甘易冧，其實內心爆左好多次，而家搵個位自己舒發下，治療一下自己。😮💨
呢個社會，所有商業機構只會一沉百踩，當你好景時，佢地會化身天使貸款比你、賒數比你、年尾埋單仲會比返回扣你。
但當你稍有不順，一時三刻還唔到錢、找唔到數，佢地就會變成魔鬼起你釘、追你數、停你貨，話之你死活。
佢地寧願你鑑平鑑賤變賣家產、賤價轉讓業務、無晒啲客...，都要你比重息還錢先。就算明知你幾個月就可以重回軌道可以大家一齊繼續賺大錢都好，佢地都唔會理你，話之你妻離子散又好、家破人亡又好、破產又好...，總之就係要你還咗錢先有得傾。
呢個經歷我係19-20年經歷過晒，平時一年一千，幾百萬甘俾生意佢，一個社會加疫情，其中一個合作單位找晒數先俾出貨，要我3日內搬接近200萬出黎先俾出貨，朋友家人當時借得就借，好彩借足數，如果唔係比而家仲大獲😮💨
感激曾經幫過我既人
不過無得怪人，當時人人自危。
Respect 🫡 你捱左咁耐已經好叻！真心呀師兄，你喺我眼中而家都係一個成功人士，有時成唔成功唔係淨係睇你有幾多錢同地位，而係你就算失敗左都無放棄一步步咬緊牙關靠唔同嘅副業翻身。其實每個人都一定有負面情緒同壓力，最緊要唔好因為咁樣就否定自己，如果呢度可以俾到一個出口你去舒緩都係好事嚟。
祝你之後還晒債可以搵到一條自己想行嘅路，我相信你一定可以😌
多謝你，不過我稱唔上成功…我既失敗都係自己攞黎，人生經驗同智慧不足，所以都要盡力彌補返當初嘅失敗🤦🏼
唔怕坦白講，當初公司數已經因為找唔到要執笠，而家找既只係個人債務😅
人生流流長，每個人都會行錯一步甚至好多步棋，你叻嘅地方係肯承認自己嘅不足同埋願意去承擔責任同彌補失敗，呢樣已經叻過好多人架喇💪🏻
你好勁丫，3百幾還到得返百幾。
你真係有情有義。可以為左頭家同朋友捱左咁耐。
如果覺得攰就放日假休息下。係，第日都係要繼續。不過都休息左一日丫。
有咩唔掂就係呢度傾下，坐等東山再起的一天。
就算唔再起都可以嫁。
最緊要之後開心同健康。錢呢，夠洗多少少咪得囉。有健康先做到世界冠軍 家麻。
加油啊兄弟其實你已經好勁 你可能真係之後彈返起身就可以記得返你啲friend 可能係阿爸阿媽嗰啲年代借錢係好簡單 但係呢你喺而家呢個時代仲可以借到錢就真係真朋友 屋企人都唔一定借，但係朋友借俾你你就知咩料 可能你都係對佢哋好好，但係呢份友情真係要珍惜
你份人真係好好，我都借咗錢俾兩個朋友周轉，一個300,000一個400,000，借咗幾年都未還，終於到今年我忍唔住追佢哋，跟住就係一堆唔同嘅藉口。你肯主動還錢證明你係一個負責嘅人👍 真心欣賞你
如果你講嘅係抑鬱嘅話，我可以俾你一個方法就係 你要真正放低錢對你嘅壓力 你太明白錢對你有幾重要 而你嘅角色又對你身邊嘅人有幾重要 可能你需要依賴一下身邊可以俾你依賴嘅人
你真係好叻好強還咗咁多債！試下放低手頭所有嘢一個人去有山有水嘅地方住上半個月，避世又好，放空自己，俾自己心理同情緒有舒緩放開嘅機會。休息調整~為了行更遠嘅路。
已經去左，然後返左黎幾日，突然覺得成個世界好似無晒感覺，唔係有個阿媽要照顧，我可能已經睇唔開，所以有時負擔都有價值。
路過送句2024車公靈籤比你
簽文：斧斤持以入山林，未得之時那處尋；損了良材失卻力，勸君留住待春臨。
狠人去到邊都係狠人，忍住道氣等待春天來臨再搏殺過，祝你東山再起
多謝你既贈言，疫情前我只專注一行工作，未來充滿不穩定，所以而家我一項主業三項副業甘做，都多謝身邊既朋友俾機會我🫡
你謙虛又心態好好，yes, 最重要係精神情緒健康，明白你現在心情，多和朋友家人傾訴來舒發一下就會好好多，之後就會有動力努力工作，和東山再起，相信你一定得，加油💪
我就係盡量唔想俾朋友同屋企人知，所以開個分身抒發下😅
咁學識錫自己～真係太攰 就去下海邊吹下風～食自己鍾意食嘅野～
同埋 可以搵一個 真係可以依靠～傾到計嘅人 陪下你～
唔好將所有野都攬哂上身～
要明白～有福同享 當然係好值得開心嘅事～但我相信 當你 心有鬱結 想搵人傾下計～佢地可以成為幫輕到你少少嘅存在～佢地都會覺得開心～
點都好啦 辛苦你喇
你其實已經好好！！
真！
你會搏命去還錢，甚至你有去還錢嘅心，證明你係個有借有還真君子！
（我係俾兩個「朋友」有借無還，然後叫佢還錢仲要被人鬧同 block的人🫠）
你好犀利！好叻！好多時唔係生意做到幾大賺到幾多錢就係叻，叻嘅係點樣喺充滿困難同挫折嘅逆境情況下，仍然殺出血路，你信念好堅強，一定冇嘢難到你👏🏻
多謝你，叻既人香港大有人在，見識過世界，我都只係普通凡夫俗子，現在還是努力掙扎求存😂
呢位朋友，好明白你嘅處境已經處理得好好，相信呢個困難關口會令你成為更加厲害嘅人都唔定，人生就會有不停嘅高低起跌，祝你一切順利！
其實每段時間都會為自己覆盤,其實好多野都處理得唔好,唔成熟,唔會再強求自己成為更厲害既人,生活求既係精神自由,同埋唔好攪到其他人
加油努力💪你已經完成左三分二，仲有三份一啫，將一切交俾神，佢會帶領你點行去光明嘅路，黑暗嘅盡頭就係黎明，加油，願主祝福你，阿門🙏🙏🙏
你好叻👍又有情有義，借咗朋友錢，唔會一走了之，還盡力還返俾佢哋。你係一個有擔當的人，以後的日子慢慢過。 雨過一定會天晴的，加油💪💪💪
🫂🫂🫂🫂🫂🫂 你無登出努力生活落去！已經成功～
人生有高低，你不知不覺去返高既地方～曬多啲太陽！
💪🏻💪🏻💪🏻💪🏻💪🏻
曾經有本事搵到幾百萬一年
就一定有本事東山再起
因為你有好強大嘅心態同埋好強嘅責任心
真金不怕紅爐火，咬緊牙關一定有轉機
加油啊
其他人蝕左幾百萬一早放棄，你頂到咁耐重還左百幾萬已經好西利，壓力既野唔好死頂，有需要就揾心理輔導傾下。
要多啲排解自己嘅抑鬱同傷心, 先顧好自己心情再努力生活, 只要有條命喺度咩都解決到，一定可以捱得過💪💪💪
你已經好好，仲還朋友啲數！係好人一個！
我有數都追唔反，仲要比借我錢嗰個話反轉頭，癡9線🤔🤔🤔
果d朋友曾經係我人生邊緣救返我，我已經咩都無晒，隨時還唔到都肯借，除非死果日，如果唔係都會盡力還。
辛苦你喇～你做得好好架喇～
難行嘅泥濘路 好快就會過去🥹等緊你嘅 就係花路喇～🍀🤍
好快會無事～
都還左一大半
見岸了
加油💪
其實你無逃避無放棄已經好叻
再俾多啲信心自己
好快可以過你想過嘅生活
好勁，還咗過百萬，請問做咩工作，我做咗好多年嘢，都係儲得少少錢，所以你已經好叻👍🏻
因為疫情，影響真係好大
我都係屋邨仔做生意，所以好明！
加油，一日未死，隻Game都未完🔥
我逢星期日都會返611靈糧堂教會，早上10:30，之後12:30至2:00有小組活動，分享生命！Amen
感謝你，星期日要照顧家人走不開，而且我最好的朋友都是有信仰的，的確有改變到我
師兄，朋友肯借，即係身邊啲人都支持你，保重，唔好辜負，韜光養晦，捲土重來🫂
捱過就好嫁啦 加油啊
想喊就喊 呢到無人知你邊個 想講咩就講出黎 好多人支持你
你係個有道義嘅人，快捱過喇。。。咁快靠自己翻身，好快再東山再起，加油
有冇覺得成世人唔知做乜9，當初揾錢為左今日還錢，仲衰過當初乜9都唔做。
你好有義氣，咁辛苦都捱得住唔破產，希望你將來如願過好自己💪🏻💪🏻
咁多朋友肯借錢比你，都印證左你係有誠信嘅人
加油，黑暗過會是晨曦🌅
無一走了之仲肯還朋友嘅錢就已經人品好
加油啊過多幾年又一條好漢💪
師兄就到終點啦，捱埋就一天光哂，加油！有咩吾開心係到講！
多謝晒，因為真實生活唔方便講負面野，估唔到係度自己抒發吓會有人支持😂
明白，有時有啲野屈住係個心到又吾可以同人講，個人會好頹，所以師兄係度講完繼續行埋去過終點！！
明白你的辛酸，請你多加油，希望你前面嘅路變得平坦！！
同你有類似經歷，不過冇你咁成功
最近仲要失業，好不安
我都係！！
1個8千（廿幾年前，我成份糧借晒俾佢呀！）
另一個成5萬幾6萬，當時同佢拍緊拖，佢實牙實齒話搵到嘢做「實」還，結果⋯⋯⋯⋯
我都試過借錢俾男朋友，果陣讀緊大學，其實都幾驚，我做partime先得幾千，儲左幾萬蚊，借左萬幾俾佢屋企還賭債🥺係我差唔多4 份1 身家
分手之後2 年先還清俾我，都知佢好努力儲錢還俾我😭
https://www.faithealth.org.hk/individual-counselling