佢有幾隻唱腔 80年代 90年代已經好唔同，你會唔會誤會左以為係翻唱😂
但都唔會認唔同哥哥把聲喎
播緊歌錄唔到音，比唔到你聽
佢好犀利，幾個時期唱腔都唔同
唔似有d人一種腔照足幾廿年
野，唔好笑我啦！我知我錯！下次唔會架啦🙇🏼♀️🙇🏼♀️
唔係笑啦😂 我當初入坑嘅時候同樣百思不得其解，唔同時期、唔同live嘅聲線，真係relate唔到係同一個人。
一年前，我叫老公上網搵張國榮嘅歌，聽完，我同佢講：你播嘅係假嘅張國榮，張國榮把聲唔係咁嘅。 後來，我終於知道，後期嘅歌真係完全第二把聲。 一年後嘅今日，後期嘅歌可能先係真正嘅張國榮。 請試聽：熱情演唱會大碟
佢初出道個唱腔都唔同，初頭俾人鬧佢雞仔聲，可以聽I like dreamin‘嗰隻碟，係佢第一隻唱片，中文碟就係情人箭（麻麻地啦😂）Monica嗰隻碟就係開始轉唱腔，最後嗰首《一盞小明燈》都仲未轉得晒個腔
我成日以為佢把聲會係金枝玉葉果把聲，點知聽出嚟都唔一樣，冇咁出，所以我先以為有問題
今生今世，有心人，路過蜻蜓，這些年來，玻璃之情嗰隻style已經係好後期。
所以你聽咩共同度過，風繼續吹嗰啲以為係另一個人唔出奇。
羅文喺90年代開始都變咗唱法。
哥哥換過好多唱腔，差不多時期的熱情演唱會和大熱專輯就差好多了
其實Leslie 喺大概2000 年有胃酸倒流所以影響到佢後期唱歌把聲係唔同嘅。
其實你由風繼續吹嗰隻碟開始聽，你都會聽到唔同嘅感覺，但係我最鍾意係佢新藝寶時期即係無心睡眠嗰時！到到佢再復出出返嚟「追」追嗰時已經係另外一個唱法。
其實我都有喺iTunes買依啲碟，其實把聲的確係哥哥，只係佢嘅聲線喺每個時期都唔同，等於人長大咗，聲線都會越成熟，加上佢初期既歌都比較舊式母帶錄音，聽出黎感覺唔同係正常，喺寶記、華星到新藝寶，可能唱得較濃情蜜蜜啲，去到滾石同環球時期，經過復出，都比較唱得響亮，反而我覺得《Miss You Much 》精選碟，可能當中有對白，音質比其他碟遜色，但無論如何，哥哥嘅歌都係唱得好聽。
係正版 串流播放有時冇版權會有啲改動 例如有啲廣東歌變咗國語版
你指邊張碟？我直頭有佢啲實體 CD，係唱腔唔同咗，由回歸樂壇開始寵愛隻碟最明顯
我成日諗住金枝玉葉既聲，所以覺得好唔同，先有咁既誤會
我成日記住佢係金枝玉葉把聲，所以有咁既錯覺😵💫😵💫