係thread碌到白水個post一次就瘋狂推俾我，無諗到有咁多人討論。
仲以為有咩高見，原來嚟嚟去去得两招。
1.訴諸同情：佢咁慘分享自己苦況，就即刻俾白水指出錯處，中曬樓主講嘅嘢。
2.訴諸動機：咁多嘢唔講，喺要係原post訴苦嘅post講父權，白水一定別有動機。
我只問一句：白水個post邊句有錯？
個個避重就輕話白水咁講有錯，但無人去指出佢的論點有咩錯，呢個就係高質素嘅香港社會。
所以我覺得香港討論環境好toxic。
因為佢錯既野唔係論點
而係時機
覺得佢唔啱唔係因為訴諸同情
係因為佢冇尊重人地心靈脆弱既時候
白水講果番說話就係更加印證咗樓主所講既觀點
分清楚同情同同理呢兩樣野
樓主講既野係有錯 但人人都會有情緒低落既時候 一味輸出道理呢個係無效溝通 佢冇尊重過人地
白水自己開個po講呢段野既話肯定冇人會話佢有問題
有啲野唔係正確就大曬 要記住大家都係人 唔係機器 唔識共情既話同冇人性係冇分別
推廣哲學唔應該係建立係咁樣既前提下囉
原post將「多一根苦一生」當成人生格言算唔算危險？（當然我完全理解咁有可能只係晦氣說話）萬一有人睇到後當成真理咁點？係咪未睇過Netflix套混沌少年時？
更何況白水用咁客氣嘅話語指出佢嘅想法有問題，咁都痴Q線？
唯一可以質疑嘅係佢講呢啲嘢嘅timing ，但我認為佢唔應該俾人攻擊到咁，仲要係一堆有邏輯謬誤嘅攻擊。
無錯
佢同當年李澤楷同個狗仔隊講：「大家都係年輕人，點解唔建設呢個社會呢？」一樣無錯
成件事好簡單，就係白水以為自己冇judgement咁「幫」緊OP，實際上佢完全唔識點輔導人，只係想傾佢想傾嘅嘢。
冇錯佢嘅論點係啱，但問題係，係咪呢個情況下，剩係得呢啲論點可以拎出嚟「討論」？philosophy 範圍好廣㗎喎，「苦一生」已經可以大把existentialism嘢討論。「點樣安慰」，男女期望又可以講下identity，甚至講下philosophical counselors有咩嘢幫到男士/女士。但佢就偏偏揀咗個approach係「你咁諗唔啱」。
佢自己開live都講咗，佢覺得佢個留言可以消除到OP心入面嘅比較。事實就係唔得。
其實點解d人覺得白水唔係安慰緊佢
如果妳因為一個錯誤的理解而唔開心
有人話比妳知個理解其實係錯的
噤妳唔會開心返d咩👀❓️
E.g.媽媽唔愛我 所以我唔開心
跟住有人泥解釋媽媽其實媽媽係愛我的
一直以泥只係諗錯左鑽左牛角尖
噤個唔開心唔會至少減輕d咩🤔❓️
成件事冇對錯，只講觀感。而觀感就係香港網絡生態最倚賴嘅指標
認同樓主，啲人嘅邏輯都係好奇怪。我覺得呢邏輯學1001係應該由小學開始重新學過，冇諗過自己嘅邏輯同討論就喺度亂開文去到討論。
凡人必有一死。請你去同初為人父母講「你個仔遲早死」。
做咩香港人咁鐘意狙擊其他人有無錯😑 人生無其他野更加值得做？係都要搞到人地一係道歉一係退出