俾人呃左10萬蚊，點解要向一個單親媽媽落手！妳欺騙我金錢，欺騙埋我感情，你話你公司有事我無條件幫你，原來你一直講大話，而家可以點做？報警有用嗎？
單親媽媽，即係你有仔女要養，有仔女要養都夠膽俾d血汗錢人地？🫠
虛寒問暖黨
人都未見就過數
都係自己小心d啦
報警都係拎唔返錢
只係得張報案紙
通常俾人呃嘅人都係因為起咗貪念。邊有咁大隻咩咩隨街跳啊？百億總裁愛上離異帶仔嘅你？諗下都覺得唔現實啦。記住啊，街尾嗰個劏豬佬先至係你最啱選擇。
咁似呢條友會做既野，佢依加改左名叫kingsley
呢個時代太多騙子，你單身就會用你嘅空虛同寂寞去著手欺騙你
佢唔係存心欺騙你一個，你好可能只係受騙的其中一個
警照報，但數好難追啦，10萬唔算太多，當買個貴教訓，日後唔好諗扣唔實際嘅嘢啦，好嘢點會咁好彩比你遇到呀
先撫心自問有無貪念？貪圖對方係創業者，諗住借錢俾佢當作投資，貪圖他朝您有機會入主其中？
報警都要識得報
純粹虛寒問暖你自願比
差佬都幫你唔到 只可以記錄
你要話佢詐騙 騙左你乜乜先可以做野
比人“呃”左10萬但你仲未報警既話
呢d真係唔係蠢咁簡單
以後要小心啲啦，一個愛你錫你嘅男人係唔會問你攞錢嘅！有良心就唔會使單親媽媽嘅錢自己死掂佢
報警，無用都要報，然後乖乖地搵錢，10萬買個教訓都唔係太大獲姐
我調番轉 好驚俾個單親媽呃…點算…借左俾佢錢多過你
sorry, 我成日都話。
小時被厄3000 好d
交友app 對方icon長相唔差 有車 開公司 🙂↔️🙂↔️