俾工人姐姐恰，點部署？！😭

是咁的，男朋友屋企個工人姐姐，真係好難頂。

平時對住我黑口黑面都算，好聲好氣問佢嘢，佢就用好惡劣嘅態度回應，又大聲又冇禮貌，好似我欠咗佢咁。🔥

尋日我同男朋友一齊煮下飯仔，食完執晒啲碗入廚房，冇洗碗，然後夜啲個工人洗洗下碗就走出嚟話我，話我疊埋膠碗，好難洗，我通常都唔同佢爭論，是但應佢兩句就算，但係佢咩態度，咁就就走過嚟話我！

同男朋友講係廢既，想問吓各位sis，你哋會點部署？有咩方法可以令佢收斂吓？求教！🙏

你男朋友連對住個工人都唔幫你出頭，萬一你同佢屋企人有咩意見不合，更加唔會幫你
早走早着呀sis

琴晚再傾，佢都有話下次叫番工人煮飯同執碗

和她說我是客人。如果你有什麼不滿，請和你的僱主反應。

估唔到除咗婆媳關係，仲有呢個關係都出現問題

我如果係佢男友一定咁諗：我幫你出頭鬧走左個係屋企做左十幾年既工人，我仲唔比成家鏟到上天花板！？當我傻的嗎？緊係唔出聲，你地自己拆掂佢