📌 俾工人姐姐恰，點部署
共 46 條紀錄
俾工人姐姐恰，點部署？！😭
是咁的，男朋友屋企個工人姐姐，真係好難頂。
平時對住我黑口黑面都算，好聲好氣問佢嘢，佢就用好惡劣嘅態度回應，又大聲又冇禮貌，好似我欠咗佢咁。🔥
尋日我同男朋友一齊煮下飯仔，食完執晒啲碗入廚房，冇洗碗，然後夜啲個工人洗洗下碗就走出嚟話我，話我疊埋膠碗，好難洗，我通常都唔同佢爭論，是但應佢兩句就算，但係佢咩態度，咁就就走過嚟話我！
同男朋友講係廢既，想問吓各位sis，你哋會點部署？有咩方法可以令佢收斂吓？求教！🙏
你係咩身份都好。你上去係客人。工人嘅工作就係清潔，洗碗 。佢幫你執手尾無問題的。不過你要求佢對你有禮貌，要感覺到佢尊重你，就多佐了，建議你5好理佢就算。😂
So far 由細到大遇到咁多個工人，都好Nice，笑口噬噬，都會以禮相待，我都好體諒佢哋離鄉別井打工，但今次呢個真係搞唔掂，態度奇差，唔講仲以為佢係女主人🫠，真係唔識應對！求分享！求救！
你男朋友連對住個工人都唔幫你出頭，萬一你同佢屋企人有咩意見不合，更加唔會幫你
早走早着呀sis
一日未解決都唔好上你男朋友屋企，無啦啦比人黑面都中上去咩
工人唔係你請，佢唔需要俾面你，依家佢重要湊多一個人，硬係唔鐘意，你咪得閒買野氹下佢
兩個都唔知自己咩身份 😂
一個唔記得自己係工人 洗碗就好閒
一個唔記得自己仲未係女主人 已經要人地屋企個工人收斂下
打和啦 super
點解食完飯唔清潔？姐姐放假，放完假返屋企，仍然未過12點，即係仍然放緊假，要洗碗，等於超時工作，有無俾加班費？姐姐態度唔好，關你乜事，佢又唔係你聘請，又唔係你出糧，作為外人，咁多齮齕，檢討吓。公主癌。
煮完攪到廚房亂晒又無洗碗，仲話個工人態度有問題？
工人唔係你請，屋企又唔係你嘅，男朋友又未娶你，想問吓你用咩身份不滿？
初階高級大人路過
1. 你男朋友要換，工人姐姐都搞唔掂，婆媳關係肯定唔使旨意佢
2. 你唔係傭主，但又令佢多咗嘢做，佢唔高興先正常
3. 雖然工人姐姐人工係你男朋友父母比，但係佢對你男朋友講嘅說話不為所動，應該本身同你男朋友都唔多妥
4. 工人姐姐都係人，佢有權表達自己嘅不滿
5. 由居住角度嚟講，你先係入侵者...
6. 由於你唔係傭主，工人姐姐又真係可以唔需要尊重你...
餐飯係個老細同個客人一齊煮，一齊食
佢有不滿應該同老細講唔係同個客講
啲留言發生咩事？
點解會有人叫樓主要洗埋碗😱
嚴格來說
姐姐會叫你男朋友係boss/ sir ,但不會叫你boss/Mum…
而且係你要煮飯仔，唔係人地工人唔煮
so far 我接觸過唔係自己屋企嘅工人姐姐
都冇乜妹仔大過主人婆嘅問題，冇禮貌嘅都冇遇過…最多做錯野 唔夠醒，或者唔想social咪唔講野🥹
但人地到最尾都不是serve 你
如果你男朋友覺得工人姐姐有問題 自然唔同佢績約，你唔駛太放在心
人地離開別井真係打份工㗎咋
又唔係你洗，可能真係好難洗呢。
工人姐姐只係講返好難洗，表達下意見都唔得？你當人奴隸咩……
覺得有問題咪同男朋友又或者未來老爺奶奶講，佢哋都見到有個問題的話自然會去同姐姐講啦。否則，其實係咪真係好小事呢….？
但講真，你目前都只係客人一個，工人姐姐幾時輪到你去管。
男朋友唔出聲，好難幫到你，但老實講咁嘅男朋友要黎有咩用？
無得拆，宜家請工人好麻煩，比完錢做一兩個月搏炒既大把。你男友工人做咗10幾年，即係留佢好過請過個。我自己工人（46歲）用咗6年，到宜家叫佢做嘢都會黑口黑面，有時做咗啲嘢唔啱佢心水佢都會話我。但佢事實做足本分，只係態度差，請過個就算唔玩嘢都未必做到佢既本分，唯有硬食，佢話我我就唔應機左耳入右耳出🤷🏻♀️
其實喺呢件事上面，你又真係冇資格做任何嘢喎
你又唔係僱主，佢冇欠你
你同你男朋友講，你男朋友都唔理你嘅，咁我諗一係你就自己唔好再上去，唔好再自己衝出嚟俾人黑你面就得啦
簡單少少 你點對人 人點對你
如果佢都係一樣態度咁對你男朋友
咁就係可能老細（男朋友父母） 要求自己的事自己做
不過又咁講 有d姐姐你對佢幾好都無用 你唔鬧返佢佢只會得寸進尺 你應該話返佢做咩唔出黎執 做咩唔做野
Btw 你個post會俾人屌係因為你要擺返清自己位置 有d咩部署都好
應該係你男朋友做 唔係你可以解決到
你只係一個過客
Well,通常做工人打狗會睇主人,睇嚟你只不過係你男朋友其中一個失寵嘅妃子
其實你可唔可以煮完飯執一執手尾？工人雖然係屋企嘅家務助理，但你又唔係佢合約入面嘅對象，有時你自己都要識得體諒對方。有句話叫「一個巴掌拍唔響」，尊重係雙向嘅，唔係你一味覺得人哋唔尊重你。
你唔係佢Boss，個工人姐姐有權睇你唔起，最有效嘅方法係擦佢鞋買嘢氹佢😎
你同工人姐姐身份冇分別，工人可以換，女朋友都可以換🤣🤣
做主人被傭人欺負，喧賓奪主，無前途！盡快離開這個人這個家庭！
嚟都識講係人哋嘅工人姐姐 做咗10幾年，人哋份糧又唔係你出 你冇得講咩㗎 同埋你都真係唔係佢老闆 。其實佢唔聽你講嘢都好正常
至於人哋屋企人覺得係咪黑面就係人哋屋企人嘅事
你又何必要咁樣計？
你以為自己咩身份呀？你唔係出糧比佢嗰個，你只係「女朋友」，而呢個身份係可以有好多個，使咩比面你？
易地而處你工作環境入面有一個並非你公司嘅人，當係你老闆嘅屋企人無啦啦拎啲嘢返嚟俾你做，加重你嘅負擔，你心裏都好唔忿氣
至於態度呢方面，睇吓邊個驚冇咗邊個多啲囉，可能佢疊埋心水想返鄉下嘅話，到時屋企啲家務就要男朋友屋企自己做晒，即刻請個新嘅人都要時間，仲要由頭再夾過
好明顯佢唔係你男朋友個工人 係你男朋友父母嘅工人
you no stake
有咩好部署，工人唔係你請，你又未嫁入去，人地屋企人都未出聲，真係唔鍾意咪唯有唔上去囉，唔係你想點
以佢嘅年資同付出，佢絕對係覺得你未夠班去“使用”佢，所以你上來就好似無啦啦要服侍多一個人，多左野，條氣唔順咁樣！
啲人真係好奇怪，雖然工人唔係服侍其他人，但屬於嗰間屋既家務佢就要做架啦。
同理，你唔係佢僱主，佢可以惡你，你亦唔係佢僱主，叫佢有咩投訴搵返佢老細。
自己洗番，如果係夜係工人休息時間，好多唔會做家務，你被咗本身家庭額外工作被佢，再加上你又唔係出糧畀佢，你係外人。之前有睇過有啲識做啲嘅人，如果係常去人哋家，要識比利是，或主人有代畀利是唔該佢幫手照顧埋親戚常來家中食飯
睇嚟男友阿媽應該唔係好鍾意你
都唔使部署 老闆鍾意你唔會係咁樣 我個仔如果同女朋友返嚟 我鍾意嘅，請多個工人招呼招呼佢有咩所謂？
同埋你應該冇課金 如果百幾蚊都唔識課比工人 咁都驚用多咗錢嘅
冇俾錢人哋做咩要對你態度好？我對住自己個工人 都要不斷課金
人地屋企工人 ，你外人免費使人覺得有問題，仲想教工人？😳😳
可能係人哋父母或屋企人都未必鍾意你
男朋友屋企個工人姐姐喺邊個出錢請㗎？其實都唔到你管/調教喎，不過明你覺得佢冇禮貌，要睇佢面色，所以條氣唔順。
你唔應該percept左佢係一個工人，你同佢只係關係對等ge 陌生人
但男朋友冇同理到你個問題 先係一個問題
冇點，分手
雖然同你單野唔同性質，但我朋友就係比男友工人恰，工人偷咗佢送比我朋友嘅戎指丟落垃圾桶然後扮無辜
攤出嚟講佢男友唔信最後分咗手
枉佢男友供個工人個仔讀書
呢類工人同僱主已經係半個家人嘅家庭搞唔掂，細嘅驚死老細有另一半爭寵咁
老工人好多係好L串的
你男友屋企人有份縱成咁佢哋問題最大