📌 個女人有啲年纪吓🫣
共 60 條紀錄
呢度真喺好多病態
可能擺嘅人只喺展示
但呢啲有可能損人哋嘅內容最好唔好擺咁多
好似搞到啲香港人嘅形象
個個好似影果條友咁
淨喺鍾意揭啲人哋唔想示眾嘅嘢
即喺萬一你唔想俾人哋見到嘅
無啦啦俾個三唔識七嘅搵到擺上網
然後你唔知情嘅情況下突然網上出咗名
當你朋友話俾你知你啲嘢俾人擺咗上嚟
你又有咩感覺
啲留言可以針對佢亦可能有一日
會變成你同我
俾啲同埋心諗吓影唔影響到現實先擺
雖然你喺有話事權選擇點樣操作
但同樣你分分鐘要接受段片引起
一大堆唔好聽嘅留言
我覺得佢做自己想做嘅造型真係好勇敢，同埋好Fashion，好 Visual Rock，啲衫同埋個頭睇得出悉心打扮左好耐，而且係自己喜歡的，衣服裙擺嘅位置，白色都好乾淨，而且有燙過嘅跡象，證明佢咁多年來都係好有毅力恆心，冇放棄過自己，而且好禮讓好有禮貌識得尊重別人，起碼暫時真係好少人類會好似佢咁樣呢個世界上做到真正自己想做的模樣！好過好多外表斯斯文文但假情假意衰衰格格嘅人⋯
小學戈時成日係佳景頭浦，佢以前住係街景後門直通麻子街戈條巷，戈度仲有塊爛地，啲人唔係係度踢波就係開片，內不內都會見到佢拖住個小朋友出入。事格成廿年，直到上年先再次係氹仔見返佢係街出現，見到佢健健康康都係好事。世界各地都好多奇人係社會生活，其實佢地故事好應該被記錄下來，是澳門人的共同回憶。我相信好多澳門人都好想了解多啲，但只係怕打擾/影響到佢既生活。
呢個婆婆已經好多年（起碼廿年），我細細個已經見過佢，真土生土長澳門人唔會唔識佢（澳門有幾大先得ga！？），佢以前仲成日拖住個仔，佢個仔而家都應該好大個，以前細個唔知佢ge故事，係呢十年8年見有人喺fb講先知佢因咩事搞成咁，佢咁多年只係打扮比較奇怪、一直都冇奇異行為又或者傷害人，真澳門人係唔會笑佢
佢唔會搞人的
係第一次見會嚇一下
之後職業病上身真係會擔心佢條腰仲得唔得
澳門人一直都包容係因為由好耐以前就有好多唔同文化種族嘅人一齊生活
環境上都係 廟隔離可以係教堂 教堂隔離可以係廟
管好自己 人地又冇搞人就咪搞人
可以學下觀察下先再出聲
有無可能係因為澳門人所以先咁講？但第一次見到嘅唔一定咁諗？就好似如果你嚟香港睇到奇怪嘢 你影一影 之後香港人話，我哋香港先唔會覺得奇怪呢d…係你哋澳門人先咁見怪不怪？，所以有時可能衹係兩地文化差異
天水圍都有個類似 叫花姐 成個頭係夾好多髮夾
住得天水圍既都知佢既存在 連我唔係住天水圍既都知 但佢本人本身冇咩野 唔騷擾佢就完全冇問題
唔知道或者第一次見到佢就會覺得奇怪 影佢相之類
又係傳聞當年比男人呃 搞到精神有啲問題
有咩好影，好多澳門人都見過佢，我90年代初，第一次見到佢，你計下幾十年前佢都係澳門咁嘅打扮出街，散散步，從來唔會打攪任何人。你未見過佢，不能怪你，下次你見到佢，請不要再影，請不要再放她上網。
各位冷靜啲
之前係Facebook睇有人話佢個遭遇都幾慘先會變成咁（雖然大家都冇講咩事，我都唔知），但出街見過佢幾次都只係買下嘢咁，冇傷害過任何人，既然佢冇騷擾到人嘅希望大家可以口下留情
頭幾次喺街經過撞見係有啲驚嘅，但佢冇騷擾其他人或者做出啲影響其他人嘅行為
之後見慣咗，係嘅視覺觀感係會見到覺得唔舒服，咁我咪自己選擇望去第二度唔好望到佢，遠離佢囉就咁簡單
🇲🇴 可能大家第一眼會嚇一嚇
但澳門本地ge人 其實習慣左
唔係我地聖母撚要去習慣，只係大家都係普通人
更何況哥位姐姐都係做自己同時都冇去刻意影響人
我要扣你地d衰人50分！！
廿幾年前我住沙梨頭，以前石牆街田螺石級斜對面嗰個空地係公園，我見過佢都係差唔多咁嘅打扮，佢有個小朋友同我一齊踩單車，估唔到佢仲健在，希望佢身體健康
我記得佢當時無踩高蹺，但我當時細個一個人行都真係驚
By the way 真的好懷念以前一個佰佰帶帽，著到成個紳士，帶好多襟章，通常都會係紅街市或者連勝馬路一帶，有慶與他有過接觸～以前澳門的確好有人情味🇲🇴
啲人好仆街 佢又無害人 做媽咪又唔好咁講嘢 唔係同個子女講唔使驚 係應該解釋俾佢聽 姨姨無害人純粹打扮奇怪啲咪得囉！ 做乜要驚 佢聽到會好難受
所以地球人係唔會見到宇宙文明既生命。
因為乜野都因外在產生「驚訝」與「奇怪」。
如果有宇宙有各種文明，佢地都唔會俾地球人見到
雖然唔知佢有啲咩故事經歷過啲咩，但一定有佢嘅原因，如果冇搞到人就由得佢，留返啲空間俾人btw 澳門人把口好善良👍👍👍
唔好再影佢擺上網，佢由我細個20幾年前係白鴿巢返學已經係呢個打扮，人哋鐘意呢個打扮係人嘅自由，唔好咩都擺上網製造話題啦
作為香港人嘅我，睇完澳門人嘅留言，再一次感到你地嘅善良包容高質素同有教養👍🏻 希望大家都可以好好過日子，生活愉快！
大家唔好聖母上身住，唔知佢咩慘事攪到咁，但痴還痴，可唔可以唔好攪到自己2米幾高加兩袋購物袋掛係前面，好能哈佬喂feel。
你理解能力出左乜野問題？
我從來無對你發表意見既時機同原因作討論
我問既係「唔好搞到自己兩米幾高同加兩袋購物袋係前面」
係咪打擾到你？ 任何人都有穿衣自由，幾時到你去指點？
我有唔比自由佢穿搭？佢有穿搭自由，我無言論自由？雙標L唔夠人講就撻一句：理解力有問題🤣佢照樣可以唔理我繼續咁著，我照樣可以評論佢衣著，關你能事？聖母上身。
我就香港人
雖然我唔知呢個係乜水
不過其實就算佢係咩人都好
咪又係一個普通人🙄
人哋又唔係惹到你，佢嘅嘢關你春事咩🙄
假設佢真係安靜做自己冇騷擾到人
大家話比啲空間佢
都要比人叫聖母咁好笑？
話人聖母個班受開咩教育 唔知以為佢又偷又搶
請不要放佢上網
佢因為年紀大而行動慢
而且有特別外型及打扮而矣
這樣影佢
真係有少少欺凌的味道
佢都唔會有力影番轉頭
香港人睇到唔會歧視佢！但係覺得澳門人留言質素比起香港人好多倍！而家香港人見到啲post有人死都會笑哈哈簡直不知所謂
我吾覺得呢段片有咩特別，亦吾好笑，真正澳門人會保護佢，而吾係偷拍佢，放佢上網公審佢，呢個行為好討厭
得罪講句如果真係見到真係會驚,尤其是夜晚.其實佢咁老仲要踩咁高嘅鞋一跌親好大鑊.希望佢平平安安生活快樂
小朋友感覺真最實，好多人口話無野扮善良，其實內心極度不安，講真感覺又話你涼薄口賤，其實好撚偽善。
好似話澳門人個個都見慣佢呀嘛，之前有人見到佢帶住兩隻狗仔睇落照顧得幾好
佢對鞋係咪勁高？😂😂😂
我10歲時已經見過佢，第一，二次見係有D驚，但又真係30年來佢都安安靜靜咁，無大呼小叫，仲好有禮貌
個造型好靚，但原來已經20幾年，咩年紀？擔心佢啲骨頭及仲有冇力，企咁高行住都要返啲功夫
佢年紀起碼過50 手腳仲可以咁纖細都keep得幾勁
前排係氹仔下午時間會成日見佢出沒
推住架車仔安安靜靜咁散步
澳門人都已經習以為常 唔好搞人喇
好心你地啦
人地都冇做乜野影響人
你地就咪搞人啦
佢口味獨特也好
有精神病也好
關你地鬼事咩
無聊當有趣🥱 公眾人物就話被你做下流量 普通人又要攞出黎俾大家笑下？ 2026仲意識倒退到咁啊🤭
我上個月先經過白鴿巢佢以前住嗰到，之後諗起佢，原來佢仲生存緊！咁多年嚟都咁中意粉紅色😂
人地點打扮係佢自由嚟
你可以覺得佢咁樣奇怪
但唔應該po人地上網公審人地
大家生活都唔容易
澳門有非法錄制罪，建議你刪片！人家一點也沒有影響你，請你也不要未經人同意下偷拍！
佢在澳門好多年啦，佢又無傷害人，佢鍾意點着衫係個人喜好，雖然不理解，但專重。
其實佢咁打扮幾得意，唔識點形容，係creepy但好有卡通人物感，幾有心機，Tim Burton feel
聽到似有媽媽帶住小朋友，而個小朋友見到怪物好驚🫢，佢媽咪話佢知「唔洗驚」
咁大家要屌個小朋友先係，咁撚驚做咩啊…人哋係澳門人
由細睇到佢大，真係無必要放上網拎呢啲流量。人哋活得自在俾個寧靜俾人好無？
以前讀書見過，當時第一次見係會有啲震驚
之後就會覺得冇乜野
希望佢身體健康
好心啦。如果係真正澳門人，根本就唔會覺得奇怪。 大家可唔可以再唔好偷影？
以前係快子基哥頭，拖住個仔，無而家咁誇張，淨係塞大某處，而家行埋高橋
其實佢係咩國籍嘅人？葡萄牙人？本地澳門人？佢本身得幾高？因為我未見過
啲留言 感覺到澳門人真係好善良團結 但對鞋好高 希望佢小心唔好整親自己
其實好多澳門人都知佢故事，所以最好唔好騷擾當時人，張中一下 C兄🫡。
咪擺人上網啦 佢又冇乜嘢 咁多年都係咁 同埋影人樣喺澳門好似係犯法架！
話冇見過呢個啊姨嘅唔係新移民都應該係平時返開大陸住嘅新澳門人🤔🤔
已經好多年 相安無事 大家都默認的相處方式。總有自以為是的物種放上網