📌 假設我而家搵20k人
共 62 條紀錄
假設我而家搵20k人工
我會同屋企人住 佢哋會住晚飯
水電煤有機會要我俾埋
但係平時都俾錢買嘢俾佢哋
同埋請佢哋去旅行
我母親表示我就算搵18k
都咪使旨意我剩係俾10k以下嘅家用
佢話佢並唔在乎我係咪儲到錢
我覺得我咁樣成世都單身唔使出去有任何社交
佢剩係話咁樣搵咁少就係我廢
搵得幾少都好都係要俾佢起碼10k作為家用
搬出去都要俾佢10k家用
/
題外話 我由出世到而家都係我媽負責哂我所有嘅開支
我細個嘅時候我想買乜我媽都基本上會滿足我
因為我老豆從來唔會俾錢我去買任何嘢
包括一支普通鉛筆
你要求1萬，就唔好諗我以後帶女朋友返來唔會結婚更加唔會生小朋友，你記住晚晚煮飯煮到90歲你先好停落嚟。你ok我就ok
佢話唔關佢事 但係男女朋友呢啲嘢佢又想我有
佢話佢唔理我剩低啲錢點洗
如果唔得咁係我廢
咁佢要1萬家用關你咩事？佢想要又唔係你想俾，俾5000蚊佢，唔夠洗係佢廢
本身畀家用 分擔屋企使費無問題
但如果佢咁賤格 咁寧願用 9000 出去租間屋仔
仲可以慳返 1000 暖肚 🫡
個個比意見你你都係咁駁
唔願行動咁你就繼續留係到受啦
條路自己揀，仆街唔好喊
嗰個比意見樓主都不停向反駁
有無諗過樓主可能都係群腳仔嚟
呢種男人單身好過啦咪出嚟害人
最後瀨皮～
你死都可能俾少嗰個數
你話”冇㗎喇！係得咁多，要唔要？你迫我都係俾咁多”問返阿媽，”咁老豆俾幾多錢阿嫲做家用?”
咁大個人學識反抗～
可能你乖，如果係我會同屋企人吵大鑊🤭
你學識反抗要俾佢哋知你大個已經係成年人有主見~
而家又唔係唔俾家用，只係俾唔啱嗰個數咋嘛！使唔使每個月借大耳窿俾返10000家用？！搵唔到就搵唔到㗎喇！鬼叫唔係李家誠個仔咩！怪自己投錯胎囉！係有錢俾廿萬一個月又點話～🤣
趕出街就留返啲錢俾自己好過～
其實呢個世界好多長輩都會體諒後生仔
有次喺條街聽到一對頭髮白晒嘅長者傾偈
話而家唔可以好似佢哋上一代咁迫仔女畀錢
因為真係好唔make sense
將心比己 根本冇人想做債仔咁樣俾人催還錢
同埋第時老咗 仔女分分鐘送你兩老入老人院
再唔係就幫你簽放棄急救同意書
父母到底係想要父慈子孝家庭和睦
定係想要個隨時同自己斷絕聯絡嘅債仔😅
我覺得呢啲長輩嘅思想先係正常
冇話要同父母親密度好似朋友咁
但起碼唔係PUA先囉
佢哋有好聲好氣嘅話 你都已經畀咗錢
而會唔係唔gur都擺上嚟同大家呻啦
唔正常嘅嘢本來就唔應該硬食🤲🏻
同埋搬出去一個人平平哋唔需要洗到10k
我嗰陣都係計完條數發現搬出去平啲
所以嘈交嘅時候一口氣執行李走人
而家佢就後悔啦😅
一條路，躺平一兩年去囉綜援，同你老母講，返完工最後剩返嘅零用都唔係得返好多剩，做佳仔喺屋企打ps5算啦
到佢頂唔到嘅時候咪傾減一半家用囉
樓主呢個case 正正印證咗點解窮人唔好生仔
貧窮就係咁累積，除非樓主擺脫到得兩三萬蚊一個月，直接搬出嚟住
另外樓上有人講「佢養你大，你養佢老」好大問題。養兒防老本身就係跨代貧窮嘅最大成因，打算生完有仔女養就「唔上進」，攬住份養自己都有困難嘅工結婚生小朋友，最後一出嚟就養兩代人
至於所謂嘅「孝順」問題，樓主都係處理咗自己低人工先再諗。唔好俾屋企人阻住你搵錢
搬出去改電話斷聯啦
二萬要比一萬
嗰一萬自己租啲套房仔無咁嬲
搬出去咪一樣要照比 邊到嚟咁多錢俾租+水電煤
佢話如果係咁樣冇能力就咪出去住
咁大個人仲要阿媽講乜就做乜？你唔願意俾嘅佢又奈你唔何。
既然家用都成10k咪Cut哂啲旅行同禮物囉
搬出去一個仙都唔俾 話知佢燒屋定燒炭😂你俾佢情緒勒索左一定要俾姐
首先我唔會比人道德綁架先
搵幾多同比幾錢應該係你話事
而唔係佢決定 佢最多咪係養你廿年
但你條路仲有好長wo 😂
你之後有咩事 某程度係靠自己
你為自己鋪後路好過啦
你媽說話好涼薄～都唔洗同佢客氣
你話 我就係咁廢，自此cut家用🫰
其實你可以選擇唔俾？一萬蚊開始出去住啦，到時候一萬蚊都唔使俾，用晒喺住到，正！
我男友老母要佢俾人工一半，初畢業仲要還grant loan non mean日日食M記
後來識咗我，我教佢計完開支儲蓄之後決定可以俾幾多，最後改成1/3(男友好孝順嘅）
佢老母當然有反枱，隔冇耐仲趕佢走，咁之後搬出去就唯有直接停家用😇
幾年後關係緩和先每月俾返幾千蚊佢買嘢食
如果有咁嘅老母最緊要為自己打算
前提佢老母根本有錢唔等佢養
但我覺得10K太多了，如果你中產就話著，我識一個阿姨，佢個女係專科醫生，俾佢老母零用錢得3K一個月，聽佢老母講每個月都仲要提醒先會俾🤣
最緊要你唔好有女朋友唔好害咗人哋個女
咪唔好有下一代
如果溝通無效建議搬出去住🙂↕️一嚟佢冇尊重過你 二嚟亦冇體諒過你嘅難處
唔清楚樓主同屋企人關係點 但如果一講到錢佢地就反面 你亦都唔洗再做好人角色啦😞 10k出面租屋都好多選擇 買到自己自由同快樂係值得嘅🙂↕️🙏🏻
睇樓主啲回應其實都唔洗勸，當聽左個令人好炆既故事算，佢自己已經綁住左自己冇諗過要解決😂
10k包吃喝食住其實合理，一旦你搬出去住都已經6000up
呢筆生活成本就算晤比家用都喺比咗其他人
20k黎講，確實喺低，試下唔好去旅行？
儲錢黎講，確實喺剩餘太少無儲錢享受複利的價值，不如去賺多啲
你媽仲有冇番工？你估佢性格會唔會係一萬入面 其實幫你儲左2-5k? 日後比番你？
借財仔, 跟著無錢還, 等人上門淋紅油, 然後同亞媽講因為無錢比家用, 所以借財仔, 寫亞媽做擔保人, 叫財仔搵亞媽還錢
假設你搵得9000，佢都要你借1000比夠1萬，不如話自己破產算
咁咪搬出去唔好比，反正唔係一齊住都迫唔到幾多。我都係20k頭，搬咗出去成日同阿媽擤窮，佢見我咁慘比家用佢都唔收😂
我諗樓主係想
比少啲錢let say 5000咁啦
有屋住+水電全包+有飯+有人執屋etc
再儲15k
但唔想出去 比15k 但要自己處理家頭細務
然後儲5k
最低工資都唔止一萬啦而家
況且講一萬人工佢會叫我攞9k作為家用
佢話冇得傾 唔使旨意剩係俾得5k
因為佢身邊啲c9朋友啲仔女都俾10k
甚至全部上交都有😅
佢有冇收入先？冇收入的話，年紀又大，你係要養佢㗎喇。冇計呀，佢養你大，你養佢老。問題不在10k家用，係在於揾的少。家庭問題，其實冇必要po出來問，每個人的家庭氛圍唔同，陌生人比唔到任何有價值的意見比你。
你問佢一句 以為交幾多家用養佢老母
現今呢代真戰後嬰兒 壓力極大 你老母吾會明 佢好大機會有幾兄弟姊妹 分分鐘你阿婆未到七十都回歸左