做咗幾十年濕疹調理，我發現一樣嘢：
好多濕疹唔係治唔好，係你每日都喺度「養緊佢」。
呢10種生活習慣你以為係改善緊，其實係慢慢破壞皮膚屏障。
1️⃣ 越痕越沖熱水
呢個係最多人中招。
沖完嗰一刻好爽，但其實熱水會：刺激血管、加重發炎、抽走皮膚油脂
2️⃣ 沖涼沖太耐
好多人成日沖20-30分鐘。
但對濕疹皮膚嚟講：沖得越耐 = 皮膚越乾
因為保護層已經被洗走。
3️⃣ 用好香／好乾淨感嘅沖涼產品
起泡多、香味重 ≠ 對皮膚好。呢類產品通常清潔力強，會令濕疹皮膚更加敏感。
4️⃣ 成日忍唔住抓
你以為抓係釋放，其實係加重！！！
因為會形成：痕 → 抓 → 發炎 → 更痕
呢個叫「濕疹無限循環」🙏🏻
5️⃣ 熬夜
好多人忽略呢一點。
但臨床上我見到：夜瞓＝濕疹一定難好
因為：皮膚修復時間係夜晚、熬夜會影響免疫、發炎更難退！
6️⃣ 長期壓力大
好多客人都係：個排一壓力大就爆濕疹！
中醫角度係：肝氣鬱 → 化火 → 皮膚發炎🔥
7️⃣ 天氣熱＋焗住
濕疹最怕：熱 + 濕 + 焗
避免穿太緊身、長期出汗唔擦乾、被焗住！都會令痕癢加劇
8️⃣ 皮膚長期乾
皮膚乾唔只係外觀問題，會令神經更敏感
所以你會覺得愈乾愈痕！
9️⃣ 飲食亂 + 腸胃差
好多濕疹客人都有：肚脹、食完好納、大便黏
脾胃差 → 濕氣重 → 皮膚出事
🔟 亂用產品（見乾就補、見紅就亂清）
濕疹其實分：
• 濕熱型（紅、熱、滲）
• 乾燥型（甩皮、夜痕）
但好多人：一律狂保濕／狂清，結果就係越整越亂..
濕疹最可怕唔係發作，而係你每日嘅習慣，不停幫佢續命。
真正要改嘅唔只係搽咩，而係你既「作息、情緒、腸胃、生活習慣」
你可以由3方面入手：
1️⃣ 外在保護：沖涼用溫水（唔好太熱），時間唔好太長，沖完3分鐘內做保濕，幫皮膚鎖水。
2️⃣ 減少刺激：避免香味重、清潔力強嘅產品，因為會令皮膚更加乾同敏感。
3️⃣ 內在調理：如果長期乾＋夜晚痕，有機會同氣血不足或皮膚失養有關，可以考慮用針灸幫身體調返氣血循環。
建議可以預約一次面診睇下體質，因為有啲人係乾燥型，有啲其實係濕熱夾乾，方向會完全唔同。🙏🏻