做左半年客服，頂唔順啲客，今日終於辭咗職。做客服係要有一顆強大嘅心臟（首先唔可以有高血壓，俾啲客激多兩激應該會爆血管） 仲要高EQ先頂到啲kam 客
待遇人工都唔差，個老闆開咗10幾年網店，生意好好。但係啲客真係咩人都有，
覆WhatsApp真係回覆到嘔血咁滯、千祈百趣嘅客都會有😂
最經典就係有個客成日問問問，我睇返佢個WhatsApp紀錄，由2024年一路都問，原來一路都冇落過單到 前排，佢真係想買啦，然之後 我check番件產品已經停咗產😂 之後打嚟發我脾氣 😓 大佬呀，件嘢又唔係我哋出，咁人哋唔出就唔出㗎啦，你打嚟鬧我做乜鬼。我又要唔可以鬧返佢喎
仲要有啲客，尤其上咗年紀嘅，最鍾意指指點點 教我哋點做點做，應該要咁咁咁，應該要入呢啲貨 。
做咗半年，要講所見所聞，應該講到下年😂
同埋好多客話貴咗咁多嘅～有無得平d 我廿年前買唔係呢個價㗎喎。我心諗你廿年前同依家個人工 夠爭十萬九千倍啦。你叫你老細出返20年前嘅人工俾你好唔好？
再分享一則，話說順豐最近一兩年咪改咗自提櫃取件期限得二十四小時嘅，仲將個罰款變咗$15一日。咁我哋喺網站去到俾錢前一步，會用紅色字眼提返啲客呢一樣嘢。 好啦，都會有客遲咗去拎件，就鬧我哋有罰款喎。有啲甚至話唔拎件貨，要我哋退返錢俾佢。😅
仲有，啲客呢奉旨要你秒覆人。單剔就單剔㗎啦，收咗工就係唔覆人㗎啦。而且未覆到你就係未覆到你，你不斷？？？ 都冇用。不斷？ ？？再置頂，又係變咗再遲啲覆😂😂😂
當你做份工係要對人既就會知香港地好多西客cheap客賤客無賴客
由窮到有錢既都有，最印象深刻有條友
成日打電話上嚟問野/罵人
喺度試CS個底線，有次佢發現咗公司個系統原來過咗7分鐘客人無講嘢，CS可以cut佢線
佢就識玩啦，6分幾鐘先問嘢之後又hold 6分幾鐘

好彩你d客係Whatsapp，咁都好d🤣你可以反完白眼扮曬有禮貌咁覆佢，字眼唔岩可以改
唉打電話黎仲難頂，你又唔可以cut線，又唔可以串同鬧仲要chok把有禮貌聲出黎，要陪佢玩到佢得為止🫠
但係至幣好多客打電話嚟問嘢，乜都問一餐，有時講完佢又唔明。我終於明點解有啲舖頭不設來電查詢😂
internal嘅人咪一樣，唔好得external嘅人好多架咋🙉隔山打牛，嘔曬血
我之前間公司，推左我去接熱線電話喎，1823 d fd，接得最多就係問公司system野，例如唔識reset password，唉呀，我email俾埋圖佢，圈曬d掣叫佢照住撳啦已經，隔住個電話逐個step教，整極都整唔到，又唔肯收線，問佢邊度彈error又講唔到，講到1999九唔搭八，哎吔救命呀，陪佢玩左成半個鐘🫠
後尾我頂唔順啦，我同佢講，你坐邊個office，不如你過黎我呢到，我幫你整，佢先收線
之後佢過左黎，我睇住佢整，你知唔知個問題係邊？佢根本就唔係開緊公司system，緊係整唔到啦！😅個刻真係諗，d人正常d得唔得呀
以前做網店，撞正疫情個個搶口罩
公司一入到貨就掉上網站比人搶落單，因為太多人問了
有個女人inbox屌我地唔通知佢有口罩買😂
大把有病嘅客～ 我老細話之前請咗個後生嘅覆客，佢真係頂唔順個客 鬧返佢轉頭鬧到佢冇聲出😂
我set 左WhatsApp 快速回覆其中一個叫「問問問」😆
我份工都有D CS性質 我睇法好簡單 做到 同 做唔到
做到既 幫下個客
做唔到既 解釋比個客聽
佢要發牌氣就令開個話筒 問返句請問重有咩幫到你
無就收線 完~
做左十年客服表示：好快你就會滑牙😌佢鬧你時擺低電話😌佢教你時乜都係係係、岩岩岩。
最緊要確定收左線之後自己識得抒發😌
過左呢個階段，你就會學識點樣攻擊番佢地而又唔會俾人投訴😌然後再到後期直頭唔怕俾人投訴🤣🤣🤣🤣
有邊個跑打吡,想輸㗎！打吡冠軍集天時，地利，人和！要赢夠分跑,二千米並非所有馬匹合適（會當凌輸五十個馬位）
係啊,所以話香港係投訴之都冇錯
仲有,所謂越高學歷果D,簡直高分低能
會問埋D你諗唔到既問題
我之前係對公司嘅客服，日日被罵，有啲客感覺係公司受氣就轉過來對我發爛咋一樣的無理取鬧，還說要我賠償精神損失，我把我命給客吧
我而家返緊果份係直接面對d客，直接對住香港西客真係另一個層次，覺得自己日日瞓醒身心攰到好似畀人打咗一身咁🫠