📌 做業餘運動員真係好能
共 33 條紀錄
做業餘運動員真係好能慘
由細到大no one fking cares你感受同情緒
比賽無好成積都比人覺得你廢
默默耕耘都想搵資源R support冇人想聽你廢up
全職運動員一個眼神一個神情一張story教練即刻噓寒問暖
追一夢要捱窮已經成為我人生格言
首先，感謝各位鼓勵！
其實全職、半職、業餘運動員及各運動產業嘅持份者都各有自己面對嘅困境。
我上面貼文只喺模仿其他發文演繹風格，無意比較全職與業餘運動選手待遇，本人所投入嘅運動項目雖然無任何形式資助，但乃喺個人興趣且開支均是生活預算之內，所以在還未達標進入香港代表隊及取得更高成積水平(如精英運動員資助計劃)之前，本人一切訓練開支及器材都是樂於、自發性及自願支付，過去及現在都暫無需要資助協助。
若貼文造成誤會向大家致歉。同時請各界繼續支持本地運動員發展，不論喺青少年、學界、業餘、全職、半職。
香港嘅運動產業需要各方各界參與做大塊餅，咁先可以一齊贏，而唔喺只在乎獎牌。大家加油。
Ching
我好認真咁對待你呢個感言
如果原來你個感言係諗住派膠
好似被你欺騙咗感情咁
希望你原文唔係全部純粹玩膠啦
對不起無心欺騙你感情，如我兩段文字所講， 不論係對呢份追夢嘅火同呢個運動嘅熱愛、業餘運動員面對嘅困境，都係真實。而你嘅安慰同支持我都感受到，並無白費。
白水:
1. 其實全職運動員除咗你所謂嘅「萬千寵愛」，仲會因為長期處於高壓競爭同被商品化嘅體育精英主義之中，好多時佢哋作為勞動力嘅剩餘價值都被忽略，有啲就係你所講嘅「噓寒問暖」。
2. 「業餘運動員注定要捱窮同被無視」就係精英主義同資源高度集中嘅禍害，要怪嘅係嗰套只以獎牌論成敗、視體育為投資回報率嘅官僚體制。
3. 你覺得搵資源 R support 係廢up 係點解，嚟自邊到？咪又係因為社會對「非職業」夢想嘅極端刻薄，以及對體育產業化嘅極致功利。如果咁樣係唔公平，係乜嘢造就？
1、2、3問題嘅來源都係扭曲嘅體育生態同階級森嚴嘅資助制度。我明白你係有你嘅困境，但要搞清楚係乜嘢構成啊。
白水：
其實除咗你所謂嘅「做業餘運動員真係好慘」，全球範圍內每日都有無數第三世界勞動階層喺更極端嘅全球資本主義結構性壓迫下被徹底忽略，嗰啲先係真正被忽略嘅階級剝削傷痕。你依家所謂嘅「好慘」，喺歷史唯物主義嘅宏觀學術視角下，其實係一種對「新自由主義個體成就神話」過度沉溺嘅中產階級焦慮。
「做業餘運動員真係好慘」就係晚期資本主義對身體資本進行規訓嘅必然代價。要怪嘅係消費主義歷史慣性，令你產生咗一種「個人努力失敗敘事」嘅認知偏誤，而唔係怪所謂嘅業餘運動環境。
做業餘運動員好慘呢個現象係點樣嚟？嚟自邊到？咪又係源於全球權力不對等下嘅商品化意識形態。如果咁樣係唔公平，係乜嘢造就？咪就係成個病態嘅「晚期資本主義」結構。
呢個問題嘅來源都係晚期資本主義宏大敘事。我明白你有你嘅困境，但要搞清楚係乜嘢結構構成你依家呢種「做業餘運動員真係好慘」嘅主觀感受啊。
競技體育世界，其實教練都要有成績返先有飯開，無幾多個運動可以教練無成績都長期唔洗換人
讓大家誤會抱歉，大家加油努力，喺唔同嘅持份做大塊餅連結一齊贏🔥💪🏽
業餘有樣好處是：唔需要跑所謂的業績～
只管做好自己想要的時間就夠，無太多壓力
要做大塊餅(運體產業)，至少做運動又有益又符合halal
自己選擇黎，人做乜野都係要自己滿足行先，唔需要太在乎其他人，運動員又好藝術家又好，自己要享受左先，加油
靚抽，但好多人唔知你暗諷某哲學人。象牙塔既人會話你地唔係理性討論 情緒行先 造成對立
你慢慢會發現根本呢個世界就no one fking cares 你感受同情緒（除左你父母）。同你係咪業餘運動員無關
你冇料邊個理你？冇人有責任要去幫你 如果你冇價值 幫你做乜 未做過全職你又唔知全職嘅困難喺邊度
Sorry for causing misunderstanding, Please read second comment 🙏🏽
做運動員呢條路注定坎坷
但係正正係難先有做的意義
至少係追夢嘅過程會感到「活著」
試吓大膽啲表達自己對專項運動嘅熱愛💪
總有人會睇到你的努力💪💪💪
共勉之，同路人上
做運動其實都好似習武，個人修行，鍛煉「道」與「術」。
只要肯堅持，任何嘅學習都可以去到極致🔥🔥🔥
一齊努力！
有啲人甚至覺得業餘唔應該自稱運動員，
但我唔理啦，人生有太多嘢好玩，
人地講咩已經唔重要。
我從來唔在乎光環，it was a joke, 不過就引證咗有你呢啲人冷熱嘲諷。
業餘即係可以有其他收入啦，但全職真係要靠成績，否則都唔會富貴得去邊啦。
而且比賽無好成績俾人覺得廢就全世界都一樣，唔係淨係香港，運動比賽就係成王敗寇。
啱，其實全職、半職、業餘運動員都各有自己面對嘅困境。
我上面只喺模仿其他發文演繹風格，勿太認真。
香港嘅運動產業需要各方各界參與做大塊餅，咁先可以一齊贏，而唔喺只在乎獎牌。