做男真係好能慘
由細到大no one fking cares你感受同情緒
脆弱少少都比人覺得你廢
有問題有心事冇人想聽你廢up
女仔一個眼神一個神情一張story一堆噓寒問暖
多一根苦一生已經成為我人生格言
我係白水，我覺得有必要再澄清多次，希望大家可以睇晒：
1. 我可以不諱言咁講，樓主呢種講法其實有啲危險，表達緊女性生活（例如喺獲得關注方面）係輕鬆得多，男人就好艱苦。咁講容易製造男女對立，令人覺得女性生活係所謂嘅「easy mode」，得到啲唔應該得到嘅資源，好唔公平，值得敵視。所以我先會話一嚟事實並唔係咁樣，女性都會面對好多騷擾等等等等，生活並唔容易，二嚟亦先想強調唔係女性問題，個問題係嚟自父權社會。亦係咁，我回覆嘅補充先會話「唔係想話樓主或者剩係話樓主」，我係想針對呢種講法會產生嘅效果去講，*如果*睇完段字（或者無睇但都有）有呢種想法，咁我想同你講返。
2. 可能有人會話，咁你即係鬥慘啫，人哋出嚟講自己痛苦，你又係要提女性都好痛苦，有咩意思啫？我係想講，如果佢嘅痛苦其中一部分係源於覺得「唔公平」，覺得「多一根苦一生」，咁可能釐清返一啲事實會說明到其實無佢想像中咁唔公平，所以我先會話要搞清問題根源。
下續：
危險？
完全只係讀書人既幻想。
原Po就無講過女人有咩錯。只係一種事實陳述。事實有幾正確，可以斟酌，但原本無人打算要挑起男女對立。
係白水既貼文 上綱上線打稻草人。將一個男人訴苦既心聲同個人感受 夾硬套入去社會理論，夾硬將佢變成一種兩性對立。
依家被人鬧，就黎滑坡理論，一見到人講女人，就變成一定係社會危機。
完全係 on9.
作為一個男人，只需要講一句：
"唔係啊Bro，我都關心男人架。有乜唔開心，可以Message我"
已經完全消化咗上文所謂既 "危險"。
唔好扮哂正義。
讀書唔係為咗乜野都批判。係為咗明白其他人既思想同痛苦。
講咁撚多社會，擔心乜鬼野危險，你有無關心過原Po吖？
係。但唔須要將啲野放大黎講。
就好似我講一句 做窮人真係一世辛苦，佢就講，咁有啲危險，支持共產主義。
如果係冷戰時期，可能咁講真係有人支持。
依家社會就係咬住呢一句半句唔放。其實係有好厚重既時代背景。
早廿年，或者遲廿年睇返，成件事可能係好荒謬。
原Po講既野，其實只係一種訴苦，一種好個人既感受。點解一定要咁政治正確？
就算錯都好啦，輕輕講一句 "女人都唔容易" 就完啦。或者串啲，叫佢去一轉泰國都得。
何必將件事當成一個政治議題，甚至係社會危機咁誇張？
（如果樓主真係駁嘴話社會唔公平，女人就係輕鬆，咁我都會讚成大家大力啲屌）
而且批判父權本來就係建基於人文關懷。只有批判而無關懷，咁樣係自打嘴巴。
作為男人，可以只需要講一句。
作為哲普團體，佢應該亦需要講更多。
睇返白水的回應，佢亦有提到，明白po主的痛苦，但同時佢希望po主可以理解，男同女不是對立，po主的痛苦可能有部份來自父權結構，同時父權不等於全部都係男人的錯。
你可以argue白水講得唔好，但無理據可以argue佢扮正義or打稻草人。
你先係打稻草人嗰一個