傑志唔需要爭標組都可以封王
失去咗份懸念或多或少會影響到入場人數
所以突然間有個cls嘅諗法喺我個腦入面彈出嚟
不如cut咗爭標組搞個季後賽format嘅盃賽啦💀
聯賽第一名入季後賽嘅會有優勢
大家入到去最後階段統一50分起步
但係根據聯賽成績起步有加成
Eg
傑 58
理 56
北 54
大 52
東 50
.
呢個諗法都係建基於”有懸念先至可以保持入場人數”呢個定律
唔係假話過去兩年嘅title decider都唔會咁叫座
9up 完畢 聽日旺角場見
應該有卡派
籃總嘅配分制已經話咗俾我知
問題唔係制度
而係球隊有冇好嘅quality
今季甲一榜尾係輸到傻咁降班
7-10位單循環配分制都係無用
少少愚見，其實入到爭標/挑戰組，全部分數入波失波重設到零由頭開始已經可以好刺激
其實唔關事，如果好似上季咁鬥到剎科，你就唔會咁講
問題唔係個賽制而係各隊差距真係咁大
東、大受亞洲賽影響（本身都唔穩定）
理例牌on9自爆
北係新貴但欠爭冠經驗
其實傑志各方面穩定強勢，拉開差距係佢哋本事
你玩清零起步既季後賽，實力懸殊既一樣會有冷場，只係唔會集中季尾咁解，但對d穩定表現既球隊絕對唔公平
唔建議郁個聯賽，咁樣對傑志非常唔公平，佢發揮好，佢穩定可以提早封王，應該獎勵。
可以做嘅係足總帶頭做到個額外獎金或者賽制嘅邀請賽，平衡返個球巿。
其實講黎講去最有效既制度就係加碼
加大個誘因令d老闆爭
重賞之下必有勇夫，咩形式既賽制影響唔係咁大
當然香港環境係極難
認同啊，賽程本身有空間，就算有海外比賽嘅球會都好，你本土賽事玩法多啲，都可以俾多啲因為要應付多條戰線而屯嘅兵有落場機會。
想要新人有表現機會，多啲賽事都係一個方法，同時多啲獎俾唔同隊爭下，老闆可以預期有機會有回報嘅方向多咗。
領先十幾分然後去到呢個階段無晒優勢，對榜首嗰隊都好唔公平
一早就應該雙循環 開多個盃啦
老細們都係想有嘢落袋 多個盃咪多個機會
🤷🏿♂️🤷🏿♂️
問題係AFC定左一季聯賽加盃賽最少有25場
先可以參加亞冠2亞挑
cut左最後半個循環就唔夠場次
如果要加多個盃賽
就應該搞上季菁英盃玩法
打單循環再4強決賽
南華快譯通年代嘅爭標組係帶落嚟嘅分數除2 咁就會接近好多同確保唔會變例行公事
聯賽一直存在排名獎金呢樣東西
只係個amount唔大
下年又搞爭標組同挑戰組，
不如考慮下將首循環分數/2，
先開始兩組比賽，
咁應該會接近啲