📌 公司有個年紀大的同事
共 57 條紀錄
公司有個年紀大的同事，思想好古怪，我叫佢做T，
有日佢同我講，佢自己幫趁開的茶記想頂手，同老闆傾左幾個星期，好想頂手去做。
佢同我講，呢間茶記好多熟客，位置旺，近地鐵站，附近有佢的教會，可以叫佢的教友嚟幫趁，仲話呢度咁，一日賺到一萬唔係問題，一個月就賺到30萬，越講越興奮。
我問佢，呢間茶記繁忙時間入座率有幾多，人均消費幾多，佢答唔到。
我話，你星期六，日你唔使返工，你有冇坐係度睇下幾多生意，
佢話，我點會咁得閒坐係度呀，我唔使打牌呀？霸住人地個位人地點做生意呀？
我又問佢，你認知中，你有幾多個教友會嚟呢度食飯? 佢答唔到，佢話可以要佢地嚟食飯。
我繼續問佢，你話你一日可以賺一萬，你係基於咩嘢嚟計出嚟，佢答我，咁大間舖一日會賺唔到一萬，就算一萬唔得，五千都得(你會睇到佢係會縮細銀碼)。我又繼續問，點解係一日五千，而唔係三千或者蝕錢？ 佢答我冇可能會蝕，我又問點解唔會蝕？ 佢話，咁大間舖，點會蝕錢呀？
(留言繼續)
之後佢繼續一輪咀講，我諗咗好耐㗎啦，呢間嘢淨係做午同晚市，我買咗返嚟之後要做埋早餐同埋宵夜時段，一日做夠22小時，唔好話一日賺一萬，兩萬都得啦，你仲後生，啲數你唔識計㗎啦。
我問佢，係咪真係咁如意，咁順利，佢話係呀真係好簡單㗎。
我問佢，舖租幾多，請左幾多個全職，part time? 水電煤一年支出幾多?呢間茶記拎左幾多個食肆牌? 佢淨係話轉手時會同業主續約，其他佢冇個答到，仲問返我拎咩牌
我又繼續問佢，廚房有乜設備，面積有幾大，又係答唔到。
見佢乜都答唔到，又話成日去幫趁，我問佢，有幾多個堂食座位? 佢答廿幾，之後答五十啦
我問佢，你對飲食業有乜認識，佢答我人人都要食飯，呢行好易做。
我問佢，你識唔識煮嘢？ 老闆都要頂硬上，要十項全能㗎喎，
佢答我，老闆使鬼做呀，老闆請人就得㗎啦，我買左間茶記返嚟，我啲伙記會搞掂㗎啦，我係度返工，出兩邊糧咪得囉。
我決定唔再問
仲教精佢？ 一於話有得做喎， 係買就快， 唔係好快俾人買左嘛。
哈，你有所不知，就算支持佢，佢都係做唔到，
呢幾年佢好多嘢都係得啖笑
你同佢都係一樣蠢啫，連上面位仁兄講嘅嘢係咩意思都未明。
間舖好生意，老闆做乜放出嚟？
真係好生意，放聲氣都先搵同行，
搵中介亦會做評估，
只有同行冇興趣、中介都冇興趣或者價唔到，咁先會 “水” 外行人入局。
自己外行買盤入去，點樣管伙記，入貨有冇古惑，伙記放假邊度搵替工，伙記市價幾多，全部唔識就衝入去，結果一定俾所有人當羊咁劏。
你教佢做乜，佢無頂到手然後其他人做到上市
你就係阻人發達😂😂
佢會要你賠
樓主不應該阻攔上天要拿走跟你同事的智商不配擁有的財富。
講两句唔對路就收嗲啦，每個人都有自己睇法，最重要保護好自己……嘅荷包
T 在哪兒？
人哋認真哋鳩噏
你就鳩噏地認真
佢鳩噏幾句
你打晒編文
呢個就係一世打工仔和老闆思想上的分別。
咁多野諗已經做唔到
依D都係搞笑，話說我做商場客服我地個商場算係屋村商場租務果邊唔知邊度水左個客黎租鋪，個客就開天然染髮剪髮問題個場已有一間速剪一間開左好耐髮型鋪住宅都有兩間，結果開左半年生意都係唔好隔多半年多D個客走埋，所以要認真做生意，真係要做資料搜集，唔係就蝕大本😂
最唔明點解樓主要幫佢分折
我一律會祝人好運絕不介入
咁啱識人又係雄心壯志頂左間車仔麵，半年內就身心俱疲仲老破埋
佢又係打住自己份工，諗住頂間餐廳會自動波賺多份錢
勸過佢好多次，近年經營食肆好困難
佢都係講呢啲啦…呢條街人流好旺，車仔麵有幾難丫，個個都要食飯架啦⋯⋯
佢仲拎左幾十萬裝修下，話靚啲賣貴啲
開舖啦，人手唔夠要自己落手，每日放工落舖做到半夜，星期六日從早到晚無停過，攰到pk，返工就呆呆滯滯
三個月後，佢發現八萬蚊租賣車仔麵係唔work，炒晒啲人自己做都平唔到條數，蝕到瞓唔著，日日初四咁嘅樣
第五個月，佢話：我諗通左喇！欠佢租，之後佢追就申請破產！
自此佢心情開朗，輕鬆自在，真係令我對破產有令一番體悟😅
講返轉頭，你個同事一鼓熱咁去做，係阻止唔到架，由佢啦！你記得唔好借錢比佢就得喇！
聽到1個月賺30萬已經唔想理佢
係咁好搵，而家做飲食會咁辛苦？
路過...
佢係你同事？第一條問題點解你唔問下佢：「你除咗同我講之外，仲有冇同其他同事講？」😀
又或者，你有冇思考過，一個你認為思想古怪又年紀大嘅同事，有筍嘢點解話俾你聽？
🤔返教會~但又打牌不合理:食店如果好生意都不轉手~
佢吹下水你就咪當真
入座率都答唔出仲話要去打牌就知吹水
我都無見過邊個單舖老細會咁做，或者可能做左之後我就見唔到佢間舖
信教打牌嘛，衞生麻雀當遊戲其實好少事。
但叫教友幫襯來助你增加收入就有問題了。
你煮得好食管理佳的話，唔駛靠教友也揾到錢。相反，你煮得差又管理不善，叫教友來幫襯即係揾教友笨。
你同佢好熟還是吾忍心？ 由得佢拉！ 你以后重要去佢度食, 又睇下佢幾有眼光罗！
對牛彈琴，講完佢覺得你咒佢。唔係伴侶、父母兄弟姊妹，唔洗講咁多，尤其親戚，真係祝佢哋好運，送佢一程
講咁多 佢只需要你講句話第時會幫襯佢就ok
一定係上手賺夠先搵佢頂手
佢點極都唔明😂😂
叫佢去馬
唔試唔心息
覺得一定賺
其實有時傻下傻下先賺到錢，哈哈，反而計好盡多數冇實行