其實低form學咁多科有咩意義？去到高form先揀科，直接響低form嘅時候揀科，唔會好啲咩？即係可以早啲專注響嗰幾科度，又唔使咁辛苦，第時又唔學嘅。。
好多野要讀左先知有冇興趣，同埋初中讀嘅foundation係常識，做人要識嘅知識
所以有能力嘅人係揀三科 lor
讀落去先至知自己有冇用 有冇能力 有冇興趣再 drop 或大學點揀
低form讀咁多科，讀完只係常識既水平，基本教育黎
只要真正留意下個現實環境，你會發現而家好多時候係有科冇人教
好似起樓咁，地基唔穩，偷工減料，你估層樓最後會點？而低Form 嘅知識就係你嘅地基。
抓周都要比你摸下先知鍾意咩，一早揀左，到時後悔又出po問點解無試食
唯一值得提既係band 1學校認真左教phy chem biol econ，成功讀死中三仔
學校要你讀唔等於你要讀，想當年我啲phy chem bio係完全炒撚曬，phy係個位數嗰隻。中三係全校讀最多科嗰級，有乜可能科科兼顧到。知自己啱讀咩科，想揀咩科，一早及早抽身就係。
如果你冇讀過嗰科，你就只係靠想像或者人哋嘅評價去諗嗰一科大概係點。親自讀一定可以俾到你第一身嘅感受。
另外就係俾你有返啲常識，以history為例，至少你低form讀完之後你會知道文藝復興、啟蒙運動對後世有咩影響，又或者係一戰二戰嘅導火索係乜嘢。
因為你要讀完你先知自己有冇興趣 你乜科都唔讀到時候直接叫你揀 咁你要點揀？
咁一開始邊個決定你專注邊幾科？讀幾年，有興趣既科就揀，成績差既科就放棄。低form迫你“浪費”幾年時間知道自己做到d乜，值得。有好多人成世人“以為”自己做到好多嘢，到老一場空。
就係好似前面所講，初中係學基本知識，知道係學乜嘢同自己興趣就響高中收窄範圍讟邊幾科，入到大學就再收窄做主修邊一科，如果你再去做深造研究，就係嗰科入面某個範疇。
同埋如果初中已經揀科，每科要讟嘅內容自然會比而家更多，唔會舒服咗。
你諗得太狹窄啦，你完全可以hea讀你覺得冇必要嘅科目，志在參與，你冇必要科科叻。科目係多係少有咩所謂
意義就係讓你接觸吓，點都好過 100% 估估吓係咩學科