📌 其實係咪好多女仔都冇
共 64 條紀錄
其實係咪好多女仔都冇俾家用屋企？
仲要屋企唔係有錢但食屋企住屋企，
反而聽親係男仔一定有比，
個社會係男仔窮養，女仔富養？
吓，我以前就有個fd屋企重男輕女，佢係家姐，讀大學要自己借grant loan，但出來搵錢就要供細佬去台灣讀書，但個細佬太垃圾連去台灣讀都畢唔到業，返到香港一直無業唔搵嘢做，問老母要錢同女朋友吃喝玩樂去迪士尼又去日本旅行，咁事實上當然就係家姐俾錢🤌🏻老母嘅理由係細佬要傳宗接代😂而我fd本人非常唔情願，但十幾年來仍然不停供養仆街嘅屋企人，最後我頂唔順佢源源不絕嘅負面能量遠離左佢
明明一個女仔讀書勁、工作又出色，就係被咁差嘅屋企人拖後腿。應該係自小太缺愛，太想討好屋企人，可惜呢種甘於受苦嘅人係無辦法被拯救
下，我身邊嘅掉轉喎，除咗家境好之外，中下嘅全部女仔有俾，仲有勁多細佬結婚要幫手俾首期，一係就屋企有樓優先俾仔
吓 師兄邊個宇宙？
我阿哥讀到中三冇讀，但完全唔使做嘢唔使俾錢屋企，日日唔係打機就係瞓覺
因為屋企極窮，我考緊DES開始已經要出嚟做嘢養屋企+養埋阿哥，基本上係一出糧就成份糧俾哂佢哋
你真係以為華人社會重男輕女係講玩？
利申：已逃
你特登調撚轉D嘢嚟講，果然9upper is you
我係女， 一出黎做野就俾家用，俾左差唔多十年夾埋起碼幾十萬⋯
吓，你系咪掉轉左啊，我身邊系女仔好多都比家用，反而男仔唔比。而我屋企都系得我比，我細佬唔比🙂↔️
基本上小康以上嘅家庭係仔女都唔使俾。但係草根階層嘅就係吸個女嘅血，然後拎去供養個仔。
我男，唔洗比家用，屋企會比錢喔洗
我個妹一個月要比7萬家用，因為佢性別係女
我私底下會比返5萬佢
咁就唔會淨係得女仔唔洗比 我90後 身邊不分男女都比緊
反而新黎既00後同事 就好多都唔洗比
😂我嘅世界入面都係女仔比好多 有人比一萬蚊
男仔有嘅 但做咗嘢好耐可能先$3000😂
如果屋企父母本身有錢自己有儲錢投資嗰啲應該唔洗俾嘅🤔冇嘅話父母啲錢邊度變出嚟😳
我都想知點樣變出嚟，屋企本身唔係有錢，但又要食屋企住屋企， 義務上就應該畀返啲啦
我呀哥從來都冇俾
我喺女，有返工後一直俾，屋企所有開支都喺我叫呀哥出一半佢先俾，連老豆份保險都喺我供，佢改左plan 唔話我知，我要供到佢死果日我先唔駛供
呀媽唔會煮飯，日用品都要自己買
最恐怖喺自己對屋企付出左咁多，一d 怨言都冇，應該喺細細個已經做所以習慣左
不過我呢家醒左了✌🏻
乜野叫「畀家用屋企」先
但我媽、老公住緊喺我屋企
我老公幫手交電費同去超市買野
其他賬單、大型開支（例如買車、買電器、買傢俬、買樓⋯都係入我數）
我媽冇畀錢我
我老公都冇畀錢我
身邊男仔多數無比，感覺啲父母錫仔多過女，仔永遠都未長大咁
俾唔俾家用我覺得都冇問題，只要父母子女雙方都ok咪得，呢個都唔係男仔窮養女仔富養嘅問題
平行時空？我冇聽講過女仔唔使俾家用。😂我識有啲屋企有錢就真係唔使俾啦。
結左婚都俾 ，仲加左家用，新年仲會 double play家用 !
身邊全部同父母住既女都有俾，男既就幾個同父母住都唔俾，有件仲要差屋企人幾十萬唔還
永遠唔好低估華人社會重男輕女嘅程度 而且父母去到最尾樣樣唔掂好多時都係掉畀女照顧
我係女，冇比但我唔係富裕家庭
純粹係小康之家，叫做屋企有層物業
冇要求，佢地叫我唔使比，佢地自己搞得掂
不過我童年比較窮，好多簡單野都無法滿足
所以佢地可能先同我講唔洗比
男女都聽過要俾家用
我就屋企唔洗我俾家用 仲驚我同老婆唔夠洗成日俾返零用我哋
呢啲要睇屋企背景
識過有啲重男輕女嘅家庭 個女要俾好多家用 因為屋企有個細佬要養🌚
我有比，反而我細佬冇比，但我細佬一有事 屋企人就出錢幫佢☺️
身邊全部女仔friend包括我自己都有比
我男朋友反而冇俾 well..
有我細妹都有畀兩個細妹都有畀家用 屋企嘅男人畀多啲女仔畀少啲
男
啱啱出嚟做嘢就已經要比5000🙂↔️
失緊業欠緊債都一樣要比
每個月會比$3000有時候如果有多啲錢就會比4000
身邊大部份男仔/女仔都有俾家用，搬左出黎自住嘅就會唔俾/俾少d咁。都聽過有男仔/女仔無俾家用屋企人，有個男仔住屋企食屋企，層樓又會留返俾佢$2000都唔願意俾😂，有個女仔又比較大洗仲要問返屋企人拎$😂。但認識嘅朋友只要與家人同住，都會俾家用屋企人的
相反喎，我個年代，大卻份係男不比家用，女仔比，我身邊好多朋友都係，包括我表哥，有同事話佢8歲個仔和女(龍鳳)，個女送母親節禮物比媽咪，個仔話媽咪我儲$結婚，吾會比$買野比你，我聽完笑左，到底同事平事點教仔
應係屋企情況。而非男女，但同一家景，多會係女的俾家用多d
我揾14000 每個月2500家用 租金同我阿妹aa俾 食嘢自己俾wor
梗係唔洗比，男女都好，我屋企個個都係食上一代，有啲分咗一千萬，有啲就攞錢移民，有啲就攞咗間屋，有啲就食屋企喺度養尊處優 ，上一代個個都8位數字身家，比條毛咩
我冇，一嚟屋企人唔識理財，二嚟窮人先會咁。屋企人要求養得掂自己就得。
我係女，屋企人叫我唔駛俾錢住先喎，所以暫時家用都係由家姐比俾住先
我十八歲出嚟做嘢俾到現在，咁多年差唔多俾左成球左右！
唔俾：）
細個冇俾過任何資源我仲想我俾家用真係諗多左：）
有咩問返啲寶貝仔
我屋企以前係我俾我家姐冇俾😗
基本上屋企最好既資源都係俾左佢先，我連教科書都係執佢既用，就算版本對唔上。
然後佢一儲夠錢就搬走左，可能在佢角度我地屋企都係重男輕女🤷🏻♂️