其實唔明點解要紋眉
如果你永遠唔染頭髮就話啫
但成日都見到好多人頭髮好淺色
但條眉好深色就覺得好唔協調
同埋條尾深色過個頭髮其實好顯老
每日畫條眉3分鐘都唔洗
唔理解紋眉既必要性
金髮嘅人，條眉都唔會金色啦，唔一定要眉同頭髮一樣色先叫靚，審美個個唔一樣，你覺得人怪，人哋都可以覺得你怪。
唔畫眉嘅人都可以話唔理解畫眉嘅必要性，唔明點解每日要嘥三分鐘。個「必要性」咪就係每個人自己嘅需要囉。
其實唔少人後生被氹拔掉了
又話咁先靚先興
搞搞吓無晒唔紋都唔得
我係無眉，細個影身份証影相都見唔到眉，出黎做嘢由唔識畫到識，堅持唔會紋/半永久，因為可以隨時轉色轉妝轉風格；個人習慣而選擇，無對錯。
你諗你自己無需要咪得
你諗埋「人哋有無需要」
然後仲討論人哋「點解有需要」
其實你都無需要諗咁多
人哋都無需要你理解
而家（應該早十年前？）興霧眉而唔係紋眉喎⋯
霧眉大約過1-3年就會變淡色，要重新再整，方便大家隨潮流/年紀/喜好而有機會改～
紋眉時間耐咗會變藍色（紋眼線都係）但而家嗰啲唔會變藍色㗎啦！
而且如果好嘅霧眉師都會按客人要求，可以唔整咁深色，方便客人自己配合妝容再加深～
當然啦通常藝人呢啲要不停變妝嘅，就真係完全唔會郁眉毛，方便轉形象，不過一般人來來去去只係返工同日常生活，唔會有咩好大嘅妝造變化，所以大可霧眉方便自己，我覺得冇咩問題喎
可以做接近眉毛毛髮嘅顏色，中間色。
染金色就要染埋條眉先整，同埋半永久係可以調整㗎，一兩年就開始淡又可以轉色🤓
本來眉毛顏色係略深，但係其實底色係可以調整，但都比畫生硬嘅眉好睇🥹
我係天生一邊斷眉，所以半永久紋返斷嘅位置，素顏都可以有返條正常眉毛😊 P.S. 唔染髮
我係無眉娘，勁小勁疏勁淡色到好似無咁
唔整真係在家望鏡都嚇親自己
我條眉都好淡
但因為我成日染淺色
所以每日都好勤力畫完先出街