其實好細個已經一路俾人打，打到好平常淨係會驚同喊同覺得自己錯，佢哋仲會同你講唔好同人講俾人打，如果唔係爸爸媽媽就會俾人拉你就冇爸爸媽媽😅加上我個人都比較諗後果又覺得佢哋俾人拉我會更慘所以都冇反抗。
但好記得有一次我係做功課做到好夜，真係唔識做，坐喺張枱前面係咁俾人鬧，鬧到一個位佢嬲到拎衫架想打我，我直接斷咗片，再有意識嗰陣已經係第二日。然後我姑姐第二日同我講翻，嗰陣我老豆想拎個木衣架打我，但我嗰陣係冇晒反應勁恐怖。而我係一啲印象都冇，靈魂出走咗。
不過比起用衫架打，我最唔鍾意都係俾人兜巴星埋嚟，天旋地轉嗰刻真係會諗點解有父母咁憎自己啲仔女。
有次翻學俾老師發現咗，老師有問係咪成日俾人打，結果我嗰下都係驚佢哋俾人拉多啲，同老師講係我唔乖先打。
老實講嗰陣我都唔識分咩叫唔乖。喊就係唔乖嗎？唔聽佢哋嘅指令就係唔乖嗎？
打到斷片，無反應😵😵😵
你今日仲可以咁正常，真係萬幸🙏🏻🙏🏻
打之前已經冇意識斷咗片😂
我一直以為係瞓著咗，我姑姐話唔係，係擘大眼冇反應，同埋正常人俾人打點會仲瞓著😂
我又唔敢講我好正常嘅，又或者應該話個個人都多多少少有自己嘅陰影，其實可能都好平常，但總之冇變咗做變態殺人犯囉。
呢種斷片聽完都覺得好恐怖🥲🥲🥲
咁我講嘅正常of coz係無走歪到，仲肯繼續生存，仲會有感恩樂觀嗰面喇。其他性格上嘅陰影或小缺陷都已經可以忽略不計喇，或者係疤痕，或者根本人人都有喇😂
咁我老豆又唔係唔錫我嘅，但佢以前比較火爆同埋可能佢年紀比較大佢教小朋友嗰套就係以前要打要鬧嗰套，同埋好憎小朋友喊⋯⋯😅越喊打得越甘。
亞洲父母就係咁，打一巴又俾粒糖，打完又會同你搽藥，令你憎佢又唔係，愛佢又唔係。總之都叫冇穿冇爛咁大個人，對比好多真係打到重傷甚至死咗嘅，真係都應該要好感恩嘅。
其實比起直接打，有啲精神上嘅虐待我覺得仲難頂。例如做錯少少事就要罰企扭耳仔、跪土地公公，個個睇緊電視嘻嘻哈哈嗰陣我要一個人喺廚房罰坐冇得睇。
有時呢啲記憶湧上嚟嗰陣真係好難話釋懷就釋懷。
有比較有傷害
諗返轉頭真係恨不得報警拉晒佢哋
不過以前冇咁嘅舉報機制
都有得報警嘅，但我應該唔算打到真係好嚴重嗰種（冇去到生命受威脅）同埋好驚佢哋真係俾人拉，權衡利弊之後都係會覺得忍咗佢就算了吧。
又或者佢哋真正需要係「被教育」一下應該點管教仔女唔好郁啲就打，未必係真係要拉咗佢哋嘅。