其實宜家批判父權係批判緊d咩，過緊父權溝現代平權元素既我明明生活得唔差，同屋企人另一半關係好，工作上都無咩問題，照顧長輩，幾乎每日接送女朋友，屋企家務都係我做埋，覺得好多野都係自己責任所以去做，點解上Threads會好似比人公審緊我呢種父權既生活方式，話我壓害緊女性，女朋友明顯係享受我做主導照顧佢，又願意生互相磨合組織家庭既想法，依賴我的陪伴同埋比建議支持佢。點解你地過得唔好又關我事？
首先批評父權唔等於對於所有男性個人既批評，分返開先，你唔攬上身的確係唔關你事，so 無謂依家攬上身
做好自己咪得 你好ok你女朋友又ok 唔需要對號入座
我期待咗呢一日好耐，十幾年前香港只有大學會講呢啲，其實呢啲嘢根本應該要由全個社會討論先有價值。期待個熱潮唔好停！
望周知 你乜都無做
生存係父權社會已經迫害梗女人
👌
如果你由細到大都好少感受到容貌焦慮，出街從未被性騷擾跟蹤偷拍，升職加人工時從未被質疑過係靠姿色上位，呢d都係父權社會帶俾你嘅privilege黎架。過得好唔好嘅女仔包括你女朋友都會受到呢d社會壓力囉，你問下佢就知
你控制得到嘅部分係：1）如果結婚生仔唔好默認家務湊仔只係女人嘅責任 2） 要明白男人出軌係好嚴重好hurt對方嘅過失，唔好淡化做「個個男人都會犯嘅錯」 3）嘗試用一個平等嘅角度看待你女朋友嘅內在，尊重佢嘅諗法，唔好將佢太多嘅價值建立係外表/青春上。
我覺得你有d上腦，睇野比父權女權果套世界觀框死左。做人邊度黎無焦慮，身材樣貌衣著我以前細個唔識打扮都有人講兩句，甚至可以用柒頭形容，但個底算好間唔中都有老師或者女同學話我其實係靚仔，大個自己有番能力處理番咪執番正，其他條件無我好既男人會被人笑矮，但係可以靠後天努力去健身同飲食去盡自己能力彌補。出街我一樣會感受到有唔同危險會保持一定警覺，個世界又唔係淨係存在針對女性或者性別方面的犯罪或者不幸。番工做人講名利外貌家境人脈人事性格認知經驗口材咁多野可以講，我出身好都會有人話唔係靠個人努力，個樣好睇加上初時講野唔叻都會比人得個樣。自己唔夠自信時都困擾人地係咪咁睇我。但唔通咁就氣餒咩，都要繼續頂住壓力去克服困難去做上去比人見到進步建立認可，人地可能永遠都唔認可你咁你都要對自己的努力有自信繼續行落去啊。
你最尾果d我無咩興詳細睇啦做左三十幾年人善惡黑白冷暖是非人事利害人性弱點社會醜陋都見唔少學識左要睇開d唔好定咁多規條綁死自己個可能性，錫到身邊人咪錫，主動同人磨合，被人玩識保護自己，面對失敗情緒點處理，自己行父權都要盡量開明跟上時代做人行正軌。
Bro首先你sure你知道咩叫父權嗎？二你自己唔衝出嚟無人想批判你無人識你😔
批評父權
其實係批評你（父權男）+你女朋友（父權女）
所以你同你女朋友都應該被女權鞭撻
所以就好笑啦
人地兩個人都生活得開心
女權咁重視平等
做咩又輕視別人過得開心既權利？
因為讓步只會有0次同無限次。
你讓得步就會食住上，得寸進尺永不滿足。
現實就係有班孤寒佬無能力做真男人就想全部男人都要好似佢哋咁loser一齊仇女同埋自己無人錫所以唔想女仔有人錫
女拳癲起上嚟連女人都攻擊啦😂
早排走去侮辱已婚女性係敵方座騎，生小朋友直程罪加一等
好多女拳根本就已經走火入魔，同啲破壞文物嘅環保撚、阻人食肉嘅素食撚一樣，大家和平共處唔得，係要日日上嚟撩事鬥非
如果你生活得好，又唔會用你嘅“好”作為唯一標準去批判其他人就冇問題
宜家係d人生活唔好就用佢既唔好做標準批判我d想走向規範好男人既，唔通要我降低自己個標準去遷就呢d人去達至”公平平等”消除差異分歧？
父權其實批判緊 應該係你女朋友接送你，佢做下家務，分擔支出，社會唔應該剝奪女性自強既權利，唔應該將佢當成弱者要比人照顧，將男性主導既角色剔除，大家應該機會平等，唔係刻板印象咁付出
所以你主導照顧佢係唔岩，最少最少都一人一半，最好佢供番架車比埋油錢考埋牌互相車下，咁樣先係平權
成班manipulators用語言偽術pua男人，做好自己就得，唔使理佢哋。
ching 你生活過得好好，就請你遠離thread 呢個污染地區
thread呢個泥漿摔角，每日總有一d社會主義宗教信仰同懷才不遇既美術生哲學系既人發起網路聖戰
但願你每日都同你親友過得平安喜樂 祝君安好
因為網絡唔使出名，咁班癲佬咪可以大聲，批左批右，再加上演算法嘅推波助瀾，同溫層更強，而現實生活過得好 充實嘅人根本冇需要咁做。
如果你睇social media去到有一刻係影響咗自己心情，咁應該要break off一陣
lol 批到最後都係情緒發洩😂 最後都係get a life 算