📌 其實幾時變咗哲學pa
共 49 條紀錄
其實幾時變咗哲學page 講既所有野就係正確？
現實就係 人哋諗住上網呻下做男人有幾苦
點知情感忽略哂 仲以道理架硬講到係父權引致
直接否定人哋既唔開心
咁唔係就係印證咗所謂男人feeling 冇人care?
男人呻，唔淨只冇女人care，係連男人都會自己插埋一份，轉移話題，暗示你唔開心既原因係invalid
做男人真係辛苦
唔使鬥慘
認同翻各有苦處，好難咩？
咁佢呻苦個方法講埋女人啊嘛
「多一根苦一生」錯誤地覺得比女人苦而唔係話各有苦處啊嘛，糾正返佢認知返痛苦來源，唔好令佢對女性有「你就好啦」嘅誤會間接製造對立，互相無法體諒。
父權雖然有個父字，但佢係一個現象，唔係意指男人係兇手，男人都係父權體制下受壓迫(要有經濟條件、有配偶先係成功象徵、兩性關係中要成為情感支柱etc..）。
你最多話白水淨係講道理缺少感情安慰，唔夠soft，但佢講嘅嘢冇錯唔係你講嘅夾硬。
佢明明係極重爹味嘅說教
但平時最鍾意話其他人男性說教嗰班人突然唔見晒
女人呻苦，男人唔好講道理，氹啦
男人呻苦，講道理叫佢反省，食自己
男女一樣，身為人，可以有情緒，未必有道理而唔開心，其實只渴求一個安慰就夠
不如直接話做人就係辛苦🙏🏽我親身見過一個好靚嘅女仔被人騷擾惡意攻擊到最後抑鬱。
我作為一個普通男性，男性嘅困難我自然理解到。
所以我反而認同白水係想講「做人係辛苦」唔關你嘅性別事
個分別，起碼原po樓主想講嘅係，女仔發文會有多啲attention，that's it
反而白水講咁多反而係岔開話題，講咩“搞清楚係乜嘢構成啊”？人地要追究咩？
睇圖中入面個post，個樓主只係講兩樣野：
1. 佢覺得男性（佢自己）嘅情緒被忽略，只要要展示情感上嘅軟弱，就會被人說教，或者指責不成器。
2. 佢覺得女性係呢方面就經常受到照顧，情感上嘅軟弱，往往會被其他人好言安慰。
而荼毒室係唔知回應緊啲乜😂 好似講大路嘢出嚟刷流量咁😂 （但係演算法下，都理解嘅） 佢個講法只係嘗試分析1、2 嘅來源，但圖中樓主唔係講緊呢啲野，呢個post 似呻下咁。（但呢個都幾philo ，以前讀書嘅時候不時發生。人地呻下抒發情緒，就走去同人地分析一堆野，而好多時候分析完個情況都冇好到）
咁如果整理得好啲，可能白水係想講女性都有好多困境，冇圖中樓主想像得咁開心。（即係反對2） 如果係呢個意思我都同意嘅，的確當女權越興盛，啲相關言論就越參差不齊，令到反女權、對女性反感（例如女權自助餐問題） 情況都嚴重咗，女性係網上都係處於動輒得咎嘅狀況，同男性一樣。
但咁講都唔係完全成功反對2，因為女性易受攻擊同女性易受情緒上照顧邏輯上可以並存（例如有班人特別mean，同時另有一班人特別warm）。而1 就佢反對唔到，因為佢只係分析1個情況嘅來源。
水老師，乜又係你呀？你講嘅「騷擾」通常都有一定嘅背景起後面，例如：知名度？個女仔嘅取態？而更多嘅係，一般女仔根本無你所講嘅「騷擾」。可能你作為「KOL」嘅同溫層回音壁，令你覺得女仔=被騷擾，而忽略咗你所睇到嘅可能係：知名人士=被騷擾
白水篇野如果用嚟話女人就會變左做blame the victim
哲學當然未必正確，因為有很多不同派別，但你就一定錯。
要討論/學習哲學，第一樣野就唔應該有崇拜心。但有班人不自覺地崇拜佢哋，所以覺得TDS乜都岩。例如楊俊賢相貌平平（個人覺得）都可以搞到婚外情。
佢講既 "女仔一個眼神一個神情一張story一堆噓寒問暖" ，完全無考慮過人地係有問題/難關先會有個個眼神神情Story etc(當然唔排除有啲都係求關注先扮有問題)，個人覺得好多女仔會寧願無噓寒問暖黎換取無個啲問題🤣
其實已經充分顯示咗佢只係單純想求關注啫~ 不過可惜佢唔係車銀優~ 車銀優既話應該會收到過百萬個噓寒問暖🤡
其實如果多一根苦一生既話，咁除咗佢咪唔會苦一生囉💀👌
我覺得佢係提供緊其他角度比原po
好多時人唔開心係取決於睇事情既角度
樓主唔開心 同時覺得其他人比自己輕鬆
白水就點出其實其他人沒有更輕鬆
同埋樓主會因為覺得其他人比佢輕鬆 而更唔開心
白水就講返比佢知 你唔開心唔係因為其他人睇落輕鬆舒服過你 係因為你自己都迎合緊某啲social norms而令自己鑽牛角尖
知道自己唔開心好易 但真正知道自己唔開心既原因係難 好多時人都會blame左去啲以為係唔開心既由來 察覺唔到背後真正原因 白水講既野不無道理
其實某啲學術term真係要解釋，例如「父權社會」唔係好多人諗咁解法
你嘅推論都係invalid，佢冇暗示過唔可以唔開心，呢個係你假設。你可以唔開心件事，但唔好因為唔開心就開始比較女人就好男人就慘。同樣女人一樣，對事唔對性別，佢係想表達呢樣，你再重新讀下最後一句。認同咗對方困境，無否定對方嘅唔開心
"但要搞清楚係乜野構成啊."
原po 要 認同白水 既理論, 緊要過原po 個人感受.
🤷♂️ 咁樣算係認同咗對方?
照原文咁寫返一句:
"Ok 我明你講乜. 但你要睇真啲啊"
下面咪已經有一堆男人認同佢care佢囉！佢最大問題係嗰句「多一根苦一生」，講到女人就整體上過得好過男人咁。
白水？邊撚個嚟？😂
無端端死入去放低父權兩隻字，咩意思？想表達原post樓主要開心就要做啲嘢推翻父權？
Btw除咗父權，我就覺得中港台嗰種雙重標準嘅女權都好toxic
真的沒有必要事無大小都扯到父權
退一萬步說，男人都是有情緒的血肉之軀而已
渾水塔哥好耐之前已經開過佢地波，講過佢哋好有問題，我是認同的
佢又冇話佢個情感係假嘅，問題係佢講「做男真係好慘」同女人就有安慰
的確可以各有苦處，但佢根本唔明個苦處係喺邊度嚟，最尾係比較因為佢係男人就慘「多一根苦一生」，女性就爽。搞唔清個問題喺邊
樓主已經係鬥緊慘，冇認同各有苦處啦，做咩強加觀點落人哋到
佢回覆正正印證原po 講嘅嘢，一開口即刻女權八股說教撻埋去。
欸 作為情感教練
我見到你講嘅情緒被忽略 真係好心酸
35歲前我都係單身 搞唔掂關係
而家過去4個月 走向歐洲婚禮
而家想幫100位35+女生脫單 有需要可以聯繫我
女性同男性都係被塑造出來嘅社會形象。
基本上一想將兩者比較 + 指控，就會大回響加通常出事。呻下當然可以，我見都不乏有人認真咁聽緊，唔會覺得佢廢，亦有人會話其實男性都有好多人 supportive , 會唔會只係圈子唔啱呢？
我會覺得，導返啱啲方向都同樣緊要，始終佢出發點本來就來自對異性有唔太啱嘅認知。只係時機唔應該係一黎就劈頭咁解。
先處理心情再處理事情。
（利申女人同睇開荼毒室）兩性的確係各有個人苦處。至於幾千年來父權社會喺政治經濟就業上, 制度性系統性地傾側於男性（因為呢啲歷史原因，我明點解白水想需要澄清），但呢啲討論可能另外搵一個時間場合講會啱啲，始終個 post 係樓主紓發個人感受。男人如果開始去問”怎麼天生不是女人”，正正係睇到兩性都有被性別定型扭曲。平權都係希望大家都可以做返自己。
好多女權主義者只會重視父權社會下對女性不公平的地方，對於男性所受的影響，佢哋只會話「要怪就怪父權而唔係怪女性」或者「咁你咪自己去爭取囉」
原因係所謂女權主義者佢哋都唔想失去父權社會下獲得的紅利，簡單啲講就係輸打贏要
結論在前，其實好小事。
1. 發現原來係2個男人，
簡單啦，其實大家冇嘢喎
2. 白水離題，
For 白水老師，人哋個重點係，
佢自己不開心，（可能由於性格、家人、社會經驗？或者純粹一時感慨or any reason else)
唔係講女人多人理，
3. For 周bro, 本身會聽人講嘢嘅人唔多，你唯有明白受衆好少，
接受order既人反而比較多。
有興趣嘅話，可以讀下16型人格嘅心理學，
- 人哋都比唔到其他野你 ，男人只有一句，噓寒問暖到2句，人哋都會被人少似女人。
- 男人只可以關心女人，都係社會某部份現象嘅反映；
- （將心比己）、冇計啦、
- 睇多啲書個人會堅強d，
- 我幾中意睇書，好多見解，原來大學都有研究，可以好好學習。
- 做男人不嬲慘，是但啦，大家咁話。
4. For 其他人：
白水先生用左個「你」字，
佢係回應緊當時人，
不是開個新房，
佢係在房間內回覆，
5. Back to the topic,
白老師只係回覆錯方向，
使唔使死？
大家記唔記得數A1幾多分？
其實都只係96/100，
有邊個人係每一次都岩哂？
原來係冇架喎、
離題姐，一次姐。
哲學 = 狡辯，政治 = 利益
係香港人先咁迷戀
咁長嘅留言都係冇安慰樓主
算唔算mansplaining
直情轉咗去另一個戰場
樓主情緒留在原地
白水開個新房
大家都衝哂入去
男人女人的確係唔同嘅，男人係咁㗎啦，你可以選擇做一個冇咁男人嘅男人，我尊重嘅，但其他男人唔會變成女人去就你
真係
其實樓主都係想要返啲支持
白卡水 直接衝出嚟教你做人
你睇到嘅係一個情緒受困擾，措辭唔完善但情感需要被validate嘅人
佢睇到嘅係一個言論傷害到女性 (不論有心定無意) 嘅男人，比起佢呢刻嘅感受，佢更需要被洞悉父權結構嘅知識份子教育
(曲線)
嗱佢依啲就係用心良苦 捨身成仁
用自己既論點去加改樓主既文章意思
完全表現到多一根 苦一生 😂
但個男人唔止呻苦咁簡單，佢講緊女人活動輕鬆過佢，你要咁講，人地米分析你聽。你真係情感上需要就唔係咁講野
我完全同意你，哲學唔應該否定人，亦唔係用黎批評人哋陷入其情緒時候來分析對與錯，定義人家正確與否工具。顯得哲學是蠻不講理。適當時候做適當嘅嘢。唉～
想呻嘅時候
會有白水呢啲撚樣出嚟阻住你呻
男人最慘就係咁
多謝白水示範父權迫害
佢岩曬咁又點姐？佢留言動機係突顯自己幾咁勁分析解釋，唔係出於好意，見到樓主咁灰情緒，再踩多幾腳。樓主見到世界玩法係咁，亦係第一身感受先會直接表達，其實係無問題，佢又唔係想攻擊女性。我自己係女仔，都覺得男人係華人社會文化下，的確背負好多定型和期望，呢個亦係事實。
佢自己要攞男女做對比黎訴苦 咁咪認真同佢講番男女義題😂佢唔講做女人easy mode淨係講呢個社會唔允許男性軟弱咪冇人同佢說教😂