📌 其實愛回家每集啲故仔
共 63 條紀錄
其實愛回家每集啲故仔寫成咁, 真係浪費哂啲演員既時間同青春, 不如俾佢地接多啲其他既劇集增加暴光率好過啦!
拍處境劇不知幾好，固定有工開，長期有曝光，工時穩定過拍其他劇，幾多人恨都恨唔到😂
而家拍愛回家嗰啲演員就好似返緊regular工一樣，你keep住有集出就有錢收，但係如果你真係對演戲有熱誠嘅話，我諗你就唔使諗喇🫠拍得處境劇都好少有機會去拍正劇，除非你係金城安朱ling嗰啲小生
呢套嘢由金城安20歲拍到30歲, 長腳蟹有錢養個仔都係靠佢咋
philip仔應該都大學畢業喇😑
大吉利是講句, 可能要等到劉丹瓜咗, 套劇先至完
張景淳好underrated 💔 啲人淨係識家明同埋龔燁 cls大台俾其他機會佢啦
後生唔知，但好顯老嗰班想要嘅係穩定，夠膽講問劉丹同長腳蟹嘅話，佢哋寧願留響愛回家就算。你估班演員唔知啲劇情膠咩？班後生一定知，但講出嚟肯定俾珍姐雪。
同埋而家TVB開劇少到一個點，你唔係拍開嗰個馬房嘅監製（除非係世界仔或有後台），根本就輪唔到你。以前啲處景劇，後生嘅只會拍拍吓走咗出去拍正劇，邊會周嘉洛咁要返轉頭。
而家咁少開劇，有得拍愛回家已經好好，至少每週收視唔係頭三位都頭五位，劇本差但暴光率已經算高
梗係啦，好似「侯賽因」呢啲主線演員，你當佢一個星期有三晚有份出鏡，即係有3個shows，一個月就12個shows，一年就144個shows。照咁計爆shows已經爆到九彩，加埋佢喺TVB嘅年資，份糧隨時重好pay過台慶企C位嗰班男一
呢幾日睇到好似係滕麗明話
佢真係就係靠拍「愛回家」開飯
所以呢套劇嘅主要作用
就係養活演員...
一套戲令好多演員你唔知佢真名 但喺街見到佢唔使諗就嗡得出咗戲名
送水輝 食屎陳師奶 陳生 Rebecca 鐵面陳 朱淩淩
潮生 Andy 風少 二太 雷公 賈名媛 Terry
之前睇過個訪問，唔記得邊個
話拍處景劇好搵到你唔信
爆哂show
其實係大家都愛拍處境劇，固定工，長期曝光，劇情輕鬆冇乜稿背。TVB 嘅話長約藝人，電視劇同處境劇 “人工一樣”，湊夠 30 騷就 full quota，藝員部就會優先讓俾其他未夠 quota 嘅人。
即係一小時不論咩劇，都係計 2 騷。愛回家求其出一鏡都 0.25-0.5。做背景做夠 120 集都夠數。即係 6 個禮拜就搞掂。拍電視劇 6 個禮拜都未必得。
處境劇碎片騷，拍攝時間穩定，嗰排冇你嘅 scene 就可以出去登台賺錢搞生意。呢個先係正職。
電視劇萬一 touch wood 唔收得慘過冇工開。😕
少年你太年輕了，以前寫得好啲編劇炒曬/走曬啦，有時間可以google 返以前嘅新聞。
據說需要穩定收入嘅演員，就會安排入愛回家劇組。
要抱不平之前你不如睇睇每年TVB 仲有幾多劇開先。
你掉轉來講，應該係俾其他無乜工作嘅演員入愛回家增加曝光率
舖頭收工後冇人陪我會開住愛回家聽聲一路執貨清潔，但我從來都唔會開其他劇🙂↔️
我老豆老母唔睇電視都記得佢地個角色叫咩名
點會冇曝光率
意思係佢會係我唯一既選擇，唔係代表好似其他劇咁眼尾都唔望😑
佢哋好搵, 咁觀眾呢? 都唔可以拍啲垃圾hea我哋啲觀眾
希望收視下跌的情況，比TBB高層知道而家嘅愛回家真係好唔得，受歡迎嘅演員角色又調走，都10年啦，係時候開過第二套處境劇
你見我見大家都見到呢啲問題，但係呢啲都係某國下達指令吧，否則點會搞到咁，你睇吓之後嘅時段不斷咁播大陸劇，播吾夠同整埋Ai 劇、大陸短劇⋯⋯咁邊度仲有錢拍本土劇，仲邊度有新人接班、不斷的拍攝訓練機會？你睇吓韓劇就會見到他們能夠劇接劇同埋好多新演員人才濟濟，彈甩香港吾係無原因嘅，呢啲問題亦唔擴散到香港的其他行業上
成個台路徑依賴好嚴重，呢套嘢自己都有一集經呀編劇大家姐把口講一味拍續集會拍到個IP爛晒，不過而家電視又係愈來愈難做，連Netflix嗰類曾經好hit嘅網上平台都有啲熄火
6，7年前嗰陣好睇好多，大小姐、Jenny、供水線、曹總、譚道德、Terry同舅父。
愛回家一直都咁垃圾都有人睇，咁證明左目標觀眾就係睇呢啲
好多人話唔睇，但係仍然有一班人睇。
如果冇咗呢套戲，好多演員會冇飯開。
所以電視台繼續拍落去，形成咗呢個怪圈。
好多好恨拍！之後出下show，登台！唔知幾和味
你睇吓成日出鏡嗰啲幾容光煥發
最可惜係好多情侣檔冇晒
洪三魚直頭冇做無線家不成家
最唔明做乜要島大班人畢業
反正個世界同銀魂一樣永不向前
造作中女被飛出愛回家之後，打曬開口牌話想拍返，啲粉死講爛講都一樣無得拍