其實成件事就係源自於三月九號有一日食完飯我哋一齊去行文具店㗎啦，有一位朋友就去買筆，我就見到其餘兩個出咗去，我以為佢哋想走，於是我就同佢哋一齊行出去。去到門口嗰陣，佢哋見到我繼續行，佢哋又跟住行，跟住我哋就走咗。

之後我話可以「訓練下佢嘅獨立能力」，返到去又覺得唔係幾好，就同大家解釋話我哋走先，係因為見佢哋兩個行出去，以為佢哋想走先。我話想獨立啲，其實都係為佢哋兩個講好說話，等佢哋心裡面舒服啲。

點知最後第二個人去問返佢哋兩個件事係唔係咁，佢哋就話梗係唔係，話係我自己想行先。明明只係一場誤會，佢哋又唔即刻講清楚，反而覺得係我屈佢哋。直至到而家接近一個月後先同我講。

由嗰件事開始到而家，佢哋一直避開我，三個圍埋一齊不知做乜，同我好似唔係好朋友咁。我好似要睇佢面色，佢哋扭扭擰擰唔知做咩，無啦啦喺度笑

前排約咗琴日去玩，點知去到嗰陣，佢哋三個成日望住個電話，喺佢哋自己個群組度自己傾自己嘅嘢，（最衰係我一睇就知佢哋三個傾緊嘢）我同佢玩，佢又好似唔想理我。中間仲發生咗一件事，佢同我講真相，話唔再做朋友，鬧完我之後又醒覺，話對唔住、請我原諒，但又話要「保持距離」。

到琴日我同佢玩啦，咁我就好似之前咁對返去好似之前咁，傾吓偈講吓笑咁，因為我唔想大家都好似唔開心，唔講嘢。
跟住佢之後又話我哋玩得太close，又要保持距離喎。
最衰係佢哋呃我話佢哋又要補習又要返屋企做功課，玩到兩點就走咗。
點知佢哋三個去咗食刨冰，又去圖書館做一齊做功課，仲要鋪埋story驚死我唔知
咁我就問佢做乜要咁啦，「你知唔知你係搞緊小圈子排斥緊我？」
跟住佢仲話佢唔係搞小圈子，只係唔想同我玩。（唔想同我玩同其他三個玩咪就係搞小圈子囉。）
你又講賣晒，一堆玩俾我哋又要保持距離🙂‍↕️
我決定以後都唔再睇佢面色，夾硬同佢一齊玩。
有時自己一個食吓嘢都幾自由幾開心呀，或者可以識吓其他真心friend。
就算佢笑我自己一個孤單，我都唔使理佢，我鍾意點就點囉唔關佢事

之前當佢真心friend，估唔到佢會咁樣做。

其實中間，佢話咩好難面對我，將佢個Account俾咗第二條八婆，睇晒我啲chat。
我之前又以為第二條八婆勁好人，同佢訴苦，點知佢全部講晒被第一條八婆知。DKLM三條友夾攻我，有一個無知嘅人，俾佢玩到死。

而家真係要同佢斷絕來往