其實我不太理解點解有啲人係鍾意不斷地去認識一大堆人
而唔係去維繫現有嘅友誼/只深入認識投契嘅人
對我嚟講兩者嘅分別就好似
前者係周街亂執毫子 後者係拎到張500蚊紙
我暫時唔係好明一味地不斷認識新人去豐富自己嘅社交生活有乜咁開心
啫係類似我會希望填滿我銀包嘅係500蚊紙
而唔係一堆又重又冇用嘅毫子
個比喻可能唔太好但總之我係咁諗
其實都可以理解嘅 可能前者追求嘅只係新鮮感
但只靠新鮮感真係滿足到人類尋求嘅嗰種 人與人之間嘅深層連結咩
我唔太明白
可能人哋冇覺得有投契嘅人所以先識多啲人啫 講真人不停變 好多現有嘅友誼其實過多一段時間就未必適合 可能價值觀唔同咗 可能生活節奏唔同咗 講真值得維繫有得維繫有邊個唔想維繫 識新嘅人都係想搵返同自己而家狀態契合嘅人
的確 可能我身邊嘅好多人都係一直冇變過 或者係變得越來越好越來越投契 所以我比較先入為主咗
我是會維繫現有友誼同時亦會認識新朋友的人
有時候不是不想維擊現有友誼
但現有友誼總是有很多變數
朋友移民，有另一半，結婚生子，衝事業
或者再沒有以前的動力，變宅了
可能大家都會見面，會聊天
但頻率沒有以前的多
（朋友自己都有生活，也未必能花太多時間跟你聯繫）
（不願意做你銀包的500蚊紙）
新朋友事實上也不是那麼容易認識
認識之後也是要花時間聯繫才可以維繫
除了少部份真是很投契、新認識的朋友大多數都是活動朋友
但一起玩也輕鬆，不用想那麼多
開心就算
對不少人黎講，表面上受到好多人喜歡係好重要既虛榮感，人生經驗而言不建議同個D人深交
目標唔同，有人覺得多D 係代表到某種嘢；有人覺得朋友既質量係代表到某種嘢。
冇絕對嘅，只有相對。
一個人嘅面向太多，唔係所有現有嘅友誼都適合你唔同嘅面向
唔知其他人嘅情況係點 我嘅情況係好想識到
兩三個投契嘅 然後可以好close咁維繫 但硬係
識唔到 就唯有好努力咁嘗試周圍識 其實好煎熬
我都係雙線進行 只係我感覺上好多人結嘅根本唔係良緣而係豬朋狗友。。
識還識
唔一定要長keep嘅
但係當刻fd咗感覺都快樂啲啊
我覺得唔係所有嘢都要咁有目的性嘅
係夾嘅自然會keep到㗎啦
理解的 單純我個人角度係
本身去識人已經好花費精力時間 我會寧願攞呢啲精力去同本身已經投契嘅朋友來往
咁樣人與人之間真係有唔同嘅
冇必要去做比較嘅🤣
我都唔明白點解有啲人傾偈嘅時候咁拘謹
有啲人重質
有啲人重量
有啲人覺得朋友多=人緣好/多人鍾意
其實 明嘅就會明
單買一隻股佢冧左咪慘，要分散投資下。而且有時要out of comfort zone 同你d你完全搞唔掂既人相處下
我都唔明
仲要炫耀自己識好多人
究竟知心既 共患難既又有幾多個?
因為個銀包窮到連毫子都冇🥹
再唔執多幾個就飯都冇錢開啦