📌 其實我係咪無病呻吟，
共 82 條紀錄
其實我係咪無病呻吟，明明應該好開心但係覺得人生無意義🥲
3x 歲有穩定伴侶拍拖8年大家都無結婚打算
兩個人工差唔多，加埋月入搵15萬左右
大公司唔洗驚比人炒
夾租左個地方但weekend長假先一齊住
一年去4-5次旅行，最少一次長旅行（eg歐洲、澳洲）
本身屋企人有樓，每個月被動收入多過我人工
呢一兩年唔知係咪做野入咗comfort zone
定係人生過得太順利
開始覺得唔知人生有咩意義
有無人都係咁？
因為你所有念頭都放在。吃喝玩樂 （全部都是自身利益着想。）
其實當一個人有能力
嘗試真真正正 在這個世界做多一點 可以幫助他人事
（除了交稅）
今世做人絕不是只是貪吃 貪玩 認識異性甘簡單的
試試發掘自己可以幫助這個世界多一點吧
當然要視乎自己能力。
我相信你一定可以做到
那份喜悅，到時你會明白的😄
人生唔需要咩特別意義 更加唔需要咩答案 繼續探索就好
唔知樓主有冇睇過 靈魂奇遇記
有時人生唔需要有咩特別意義 或者有啲咩里程碑成就一定要achieve
好好享受每一日就愛錫自己嘅表現
「火花是活著的熱情，不是活著的目的」、「我不清楚會怎樣過人生，但我知道我會好好過每一分鐘」
呢套係我幾鍾意嘅電影，無論你有冇睇過，都推介大家可以睇睇，唔同時間唔同年紀睇嘅感受又會唔一樣🫰🏻
你列出嘅所有嘢
收入、旅行、穩定關係、資產
全部都係「減少痛苦」嘅條件，
唔係「產生意義」嘅條件。
舒適同意義係兩條完全唔同嘅軸線。
人生有意義嘅時刻，
通常都帶住一啲痛苦、掙扎、甚至恐懼，
因為你正在做一件對你嚟講真正重要嘅事。
你而家嘅狀態唔係「無病呻吟」，
係你條命終於舒服到逼你面對一條一直避開嘅問題：「咁我到底想為咩而活？」
呢個問題冇標準答案，
但開始問嗰個moment，
本身就係出路。
俾啲時間自己沉澱下～
又或者唔抗拒睇書嘅話可以試下喺書本搵答案
希望幫到你
中年NPC 廢佬四大活動幫到你: 1）跑步2）Hyrox 3) Pickelball 4) 滑雪
有時間去做義工幫吓本地老人家，你會搵到意義，無時間捐吓小錢都好
唔買樓，有無想過老左住邊？ 如果你是獨生女就容易處理，有兄弟姊妹同你爭就唔好咁淡定。
固有生活無風無浪，容易有惰性、變得冇目標，唔知為咩而活；除咗返工，搵下個人興趣，或新嘢去學，唔了解嘅事物，嘗試搵資料研究下，用嚟kill time都好
多謝你🥺
本身有做gym嚟緊會學網球
time其實唔係好多剩但係只係覺得重複又重複
我走去學靜態嘢，法式刺繡，繡一行線接近一個鐘，響屋企都唔會悶🤭
你想搵幸福感嘅
咪望吓我哋呢啲
長期病患，殘疾人士
生活幾艱難
受盡人嘅白眼
生病痛苦
你比較吓
就會覺得幸福
絕對唔係無病呻吟，解決左底層經濟，可以追求文明或精神層面。可以讀下書做研究、或者為世界做點事，唔一定好宏大，作下曲寫下文，練下毛筆字，幫下人派下飯，人有目標就有人生意義😀
因為人無乜其他煩惱塞住你個腦個陣
其實最常就係開始諗哲學野/自己未來係點
由諗人生意義 去到諗世界走向 世界會向好走定向壞走 等等等
睇你講嘅可能係人生無咩大目標/目標一一達成 進入迷惘期都好正常🥹！
你覺得好啱呀
唔係咩偉人但係最少好似生活算過得唔錯
想買想去嘅地方未去到垂手可得但好似大部分都achieve到
術數師傅路過：
君今所困，非福薄也，乃福厚至極，反生虛無。五色令人目盲，五音令人耳聾。你正正五色齊備、五味俱全——事業安穩、伴侶在側、錢財不憂、遠遊成常。外福滿溢，內福始問：「生為何事？」此非矯情，實福德宮為流年所觸，虛靈不昧，故生此問。
有三條路，你可以試吓：
一曰佈施
唔係叫你捐晒啲錢出去，而係將你多咗嘅資源——無論係時間、能力，定係嗰份「得閒」——流向有需要嘅人。施比受更有福，呢句老土，但真係有用。你幫人嘅時候，你就會知道自己原來咁有用。
二曰學習
搵一樣你完全唔識、同你份工冇關、同賺錢冇關嘅嘢，從頭學起。學書法又好、學整麵包又好。重點唔係學識啲咩，而係重拾「初學者」嗰種謙卑。當你發現自己原來可以咁蠢，你就會發現自己原來都可以咁專注。生命需有一些坡度
三曰承擔
呢個最難，亦最重要。人生意義，往往唔係嚟自「得到幾多」，而係嚟自「背負幾多」。搵一樣值得你負責嘅事，不論大小——可能係照顧一個長期病患嘅長輩，可能係搞一個社區計劃，可能係湊大一個小朋友…
證明你講嘅所有嘢，都唔係你真正想要嘅嘢，你要問自己想追求啲乜
不是。
我如妳差不多年紀時，與太太(拍拖10多年的初戀）月入更多、於世界不同城市有物業、經常旅行及一起business trip（一年住超過200晚酒店)，但更想知道人生是有什麼意義。
建議妳開始了解佛法，不用去什麼團體組織、也不要聽YouTube的，自己買書有空看看就好。
🙏🏽
意義其實虛無縹緲 訓教感受下床褥嘅軟熟 食飯細味下味道同質感 行公園聽下流水聲雀仔聲 望望花束樹葉嘅晃動 望望行人返工族嘅面龐同肢體語言 聯想到每人嘅性格同故事 相信從中你會搵到想做同熱愛之事 放慢感受不同於資本主義帶嚟嘅短期多巴胺刺激 共勉之
PS.再唔係睇集「葬送的芙莉蓮」😂👍🏻✨
我有朋友同你差不多情況，讀書拔尖入大學，好快有高人工但2夫妻的覺得無咩意思，結果40歲左右一齊移民咗去台灣做農夫開民宿過番自己想過的生活。 直係好爽，但都要好有勇氣。
個人認為人生其實係phasings
我0係職場最輝煌嘅時候選擇咗退落嚟玩花藝，就係因為Global team head都做埋….當年覺得遙不可及，做到嘅時候開始覺得悶
或者你都諗諗有咩challenge 可以試下？～
做到global team head好叻！
我呢啲係高不成低不就
就好似中學讀過人生的意義篇文章咁，當人類滿足到基本生活所需，就會慢慢追求精神上既滿足。你覺察到自己感受都好好呀，再慢慢揾令自己覺得有意義既事情吧🙌🏻
呢個都係我最近經常諗嘅問題🥹 有想趁後生試下去第二個國家旅居 但目前又未財自到可以放棄份工
😭😭😭
我發覺去到某個年紀就會稔呢啲
身邊有小朋友嘅就會話忙到無時間稔野
係聖經有一位人物，名叫所羅門，太陽之下無新事就係佢寫出黎。
所羅門富可敵國s，發現萬物都走向生老病死，人的興起衰落，發現唯有上帝的國係永無窮盡，因為神是活神。
睇黎你係時候要尋求信仰
明白，因為宗教系統多數是為人去建立，甚少是為真理與生命🫠
人生不一定需要有意義
希望你只係太悶無病呻吟，試吓唔好用人哋定義的方式去生活（即係一年去幾次旅行果啲
我永遠鼓勵人追夢，想做rock star就去學結他，做藝術去學畫畫，學唔好最少都學識如何欣賞，世界咁大，等你探索的嘢有好多
音樂藝術都唔係專長
不過都會試吓搵自己有興趣嘅野去做🫶🏻
如果被動收入多過我人工 我應該會直接辭職去讀course增值自己🤣時間同精力真係好寶貴 現時我淨係返ft 收工剪下片 已經完全做唔到其他嘢🥹
有幾大
只要你讀傳統名校/三大唔差嘅科
身邊大把人都係
你需要搵一樣自己中意嘅興趣，咁你就唔會有咁嘅諗法，因為我前幾年都係咁 😂
兩個人搵15萬你都要覺得無意義….
咁我諗信問題係你條仔唔肯同你結婚到
我當佢搵六你四、我有呢份人工、我即刻同我而家鍾意個女仔表白、佢肯我即刻同佢結婚
但你地既收份係我七八倍、我係唔係要問下自己唔死有冇用？
大家都無特別想結婚
同埋人生意義唔應該喺結唔結婚同搵幾多錢度？
問題係你地搵咁多已經達成左好多人既人生意義、唔係話要同人比較
但世上咁多有意義既野可以做、你地得到幾乎一切就係到問自己「係唔係無病呻吟」
會唔會有啲過份身在福中不知福？
要知道、我咁既中產家庭單身狗無感情無人陪、付出努力無回報、付出感情被無視鄙視、都比人串話我唔知自己有幾幸運
可能我本身覺得個意義唔喺錢度所以先咁迷惘🥲
我知自己身在福中架
所以覺得大家講得好啱可以去做多啲義工幫下人起碼時間用得有意義啲
你都加油呀！
你識諗就梗係好啦
亦唔係唔明你心情
我都身在福中、但太多野唔到自己作主
你身邊有個人同你同步、係一件好難得既事
雖然你話同男友大家無諗住結婚既打算、結婚亦只係婚書一份、同感情深淺沒直接關係、不過你提得出黎、可能已代表你在乎
我係
但想了解下有冇差唔多情況嘅人都係有呢個感受😭
係咪ai文？😂
你想挑戰既可以創業
你想刺激既可以換左條仔佢
你要知人生唔會咁幸運
一定有ups and downs
一場大病可以拎走曬你所有野
仲要病呢啲野無人會知幾時來
所以好好珍惜當下
唔好無病呻吟啦
點解我會咁講 因為我同你都似
生活富足 無憂無慮 但我會成日諗
呢種幸運真係唔知幾時會突然無左
所以我會好珍惜我既每一日
而且會盡量做曬啲自己想做既野
知道！
心存感恩同珍惜
就算真係有咩ups and downs都係試煉嘅一種🫶🏻
太順風順水嘅時候小心俾人呃/利用
（純粹提醒，唔係咒你🙈）
有買下名牌
算係有啲多餘錢
不過未有錢到唔知點用啦
身在褔中要惜福，試試如果有時間，就去做做義工，幫下其他人。