其實我個人冇乜大志
如果可以嘅話我會想打份Hea工 準時返工放工冇乜壓力 搵萬幾蚊一個月 平淡過世咁
但又驚俾人覺得我冇用…
香港最缺嘅唔係成功人士，係「快樂嘅普通人」。如果你做到，你先係嗰個 1%。
大志呢啲嘢，留返畀想做特首嘅人啦。 我哋平民百姓，大志就係今晚食乜好。
我依家就係過緊你所講嘅生活
但前提係你要預咗成世單身
唔好有家庭負擔先
生活中已經感覺到唔係人人都有善意，惡意嘅評價已經好傷人。
人愈大，愈堅強面對可以係一個選擇。
忽視都係一個選擇。
活好自己係人生最大嘅成就。
但我由細到大接受到嘅社會風氣就係只有做到頂尖或高於平均先可以被稱得上有用…
問題係萬幾蚊夠唔夠平淡過世
同埋萬幾蚊嘅工都唔見得一定係hea....
唔負債已經好了不起，其他人唔係你老闆，唔需要理，除非有錢俾你
你唔擔心被淘汰，反而擔心人點睇你，你啲思考方式都幾獨特
我都追求緊呢個生活，已經實踐中，好開心係threads見到呢個post同埋遇到同路人☺️
其實我依家都係做緊呢樣野… 父母供我去外國讀大學 讀完之後一直都係咁換工 搵得果少少 比到家用 交到保險 夠自己洗 去旅行 就好心滿意足… 呢幾年我都焦慮過好多次 每次好耐冇見嘅朋友/新識嘅人問我做乜 我都好心虛 但後來我身邊嘅朋友都同我講 佢哋好羨慕我 因為我有得任性咁選擇自己想要嘅生活 但佢哋冇 所以 唔洗理咁多人哋… 自己過好自己 食飽飯 身心健康 就已經贏好多人
點解做人一定要有用呢
生命係你嘅 你絕對可以用自己覺得舒服嘅方法生活
我都係🙆🏻♀️
沒有出息沒關係，還有氣息已經不錯了😮💨
份糧養活到自己就得，唔洗理人眼光，因為點都會比下去，無論搵十萬一個月都好
支持，啲人成日話要向上游
我就係唔想向上游，根本冇咁既責任同能力，游乜鬼野啫
我而家已經係咁，搵萬零蚊。但萬零蚊既工唔一定輕鬆。上司一樣迫你做好多野。pua你。做唔到叫你自己辭職。
然後望住身邊嘅人，個個搵三四萬一個月就會覺得自己好廢
自己人生 使鬼理人
果啲上位爭權奪利 買樓樓奴 拍拖結婚生仔我全部唔要 壓力少就係自己身體
你嘅大志係穩定 亂世中求穩 並唔係冇大志 創業嘅人唔成功就負債乞食 你分分鐘過得好過佢哋
我覺得咁先啱
有份吊命工 輕鬆同穩定就可以
但係工餘自創品牌
滾雪球式建立生意
咁樣先係最佳人生路向
😂但目前都係純粹諗
我成日都覺得 人一定要有自己生意
否則退休後 或者冇左份工
就會乜都冇哂 一籌莫展咁
女仔會覺得你冇上進心，上司同同事會覺得你累人累物，總之全細界班人就係要制造競爭力
你已經好好，起碼你知自己想點，目標清晰
好過我有d同事一方面想躺平返hea工，咩都都唔洗負責
但又日日呻自己冇得升職人工低
有咩所謂，我都係打份萬幾兩萬既工，全屋賺得最少既係我，痴屋企住，但我本身個人慳，從來唔會問屋企拎錢，得閒幫手做下家務陪下屋企人出街
我講到明唔想出人頭地唔想成家立室
佢地咪又係鐘意我多過賺四五萬但一D都唔痴家既細佬
講緊我，只不過唔係萬幾蚊，多啲啲only， 佢唔炒我就做過世嗰隻
緊係唔得，成世痴老豆老母咩，出去租樓都要萬幾蚊，唔洗食？ 俾啲目標自己！ 要過正常生活都要3-4 萬先夠，起碼做個中層level 。 仲有個就係謬誤人工低唔代表份工hea，係香港人工低連老豆老母都睇你唔起。
自己搞掂自己又開心咪得
點解要理人地點睇 關佢地咩事呢
你係女就可以咁諗 仔既就算數啦 呢個社會既期望壓力大到你冇得咁諗
大把人本來都無大志，d大志去哂業主度，得萬幾銀點夠住，成世住劏房都舒服唔起la。🤒想過得舒服係好難，仲有越低人工既工就越辛苦，。除非有家底，根本好多人被逼有大志。