其實我唔明點解東鐵綫列車同月台咁大條罅？？
我仲記得好細個搭地鐵（唔係東鐵綫）嗰陣時見到條罅入面有個小朋友隻鞋我就已經開始有種恐懼💀，仲記得好耐以前喺新聞有個阿婆跌咗入東鐵綫條罅度。。
直至到我而家18歲琴日搭東鐵綫落車我個朋友已經行咗，我唔小心向下望咗一眼條罅。條罅大到我唔知點解開始驚，有種坐過山車準備衝落去嘅嗰種恐懼感，我猶豫咗一下我先鼓起勇氣行咗過去，我feel到準備上車嗰啲人都喺度望住我心諗我做乜咁耐先行，但係我真係好驚💩
我係驚到會好用力捉晒部手機，一嚟驚自己弱智跣手跌咗落去，二來係真係唔知點解好驚🤡
我琴日就係大學站嗰度落車，我就見到好大之後好驚但以前34 cm咁誇張？？😱
師姐喺羅湖 大學定係旺角東😀
呢幾個站個月台係弧形嘅，但架車就直嘅，所以一定有啲位係架車遠離個月台
其實而家用新車已經算好
再加上裝咗門軌
東鐵綫嘅月臺空隙以前仲嚴重
試過大學站可以有31cm
東鐵前身係火車
再加上佢都有幾個站係彎月臺
(尤其係羅湖,大學,九龍塘同旺角東最嚴重)
所以導致佢啲月臺空隙好闊
不過有啲直身月臺嘅站
(例如沙田,大埔墟,馬場,上水...)
呢啲站就好一啲
以前千九同埋烏蠅頭時期因為兩款列車車身窄，條罅大過而家。（因為而家嘅新列車車身闊落縮窄空隙）
因為以前有直通車又有運豬車etc
啲車唔跟標準 你唔起闊啲佢哋會hi邊
睇曲嘅方向
如果左邊開門、月台曲向左邊（e.g. 大學站往金鐘），咁每卡中間就窄啲
如果左邊開門、月台曲向右邊（e.g. 大學站往羅湖落馬洲），咁每卡頭尾就窄啲
只要個月台走線係彎位就會咁，詳細其他留言講咗。
你諗下個站都用咗幾十年，有幾多人會跌落去？就會覺得自己諗多咗🤣
東鐵係傳統火車改裝而成
有啲車站係如九龍塘旺角東同埋大學站，係直接喺彎位上面起月台
地鐵站係規定咗興建嘅時候車站嘅月台，彎唔可以太大，所以唔會出現東鐵嗰種超級闊空隙，東鐵因為歷史原因本來唔係地鐵嚟，所以冇跟到呢啲標準
港鐵有試過測試加一個會伸縮嘅版，當部車停低嘅時候會伸出去，但係最後政府覺得唔安全冇批到，所以嗰條空隙繼續係咁大
啲站百年歷史，隨時老過你阿爺
想改建要錢要過新條例要收地拉直
所以東鐵線咪成日都會播 小心月台與車廂地面的高低 就係比較大 因為個站係彎嘅
跨過去嘅時候唔好咁手機 揸緊佢最好👍🏻🤝
其實細咗好多㗎，同埋條罅都控制唔到，因為要遷就返列車個動態界限
係外彎既月台上車（eg九龍塘去金鐘方向），去每一卡中間果一隻門（第三隻門）上車，月台空隙會係最細，內彎既月台（eg九龍灣去羅湖方向）就每卡頭/尾門上車
我明……
仲係九鐵時代果陣（講緊3至4歲果陣）我唔小心差錯步，成隻腳差左落條罅度。成條大腿擦傷晒
人生仲有好多闊過呢條罅嘅事更令人恐懼，拎實手提電話勇敢行過去💪🏻
Common sense is not common
火車月台係彎 但車卡係直筆甩 泊埋彎位時自然會有d位特別闊