📌 其實我好鍾意小朋友
共 54 條紀錄
其實我好鍾意小朋友 但係我唔會生
1. 我唔想結婚。結婚係我眼中完全係對女性嘅現代奴隸條約，我接受唔到要失去自主性，單單係拍拖時已經體驗過好多變咗一個男嘅咐屬品嘅moments，我個人嚟講接受唔到，除非社會進步到女性社會地位高過男性，不然我係唔會結婚。然而我的確覺得如有小朋友結婚係必須。(外國好多co-parenting冇結婚 我會再educate myself on this)
2. 我唔想生。無論係自然產定係剖腹，都會對母體好大傷害，我唔要為一個陌生人承受大到會失去生命嘅risk
3. 小朋友會長大，唔係一直BB形態。佢唔係一直都係牙牙學語學行既階段。佢會有自己人格嘅一日，我唔想+覺得自己冇能力為一個人嘅一生負責。我都唔覺得自己可以帶到一個positive influence俾後代，我好怕一啲自己唔好嘅行為影響佢一生。
4. 我唔覺得自己有能力承擔一個人一生嘅經濟需求。養活同養好大分別，淨係養活小朋友係好失職嘅行為，但係我唔覺得未來我會有能力提供最好嘅嘢俾佢，要乜有乜，唔使因為金錢問題而冇退路 佢永遠可以重頭嚟過。
5. 唔想生。一個女性唔想生已經係最大原因。子宮係邊個度就佢話事
寫出黎只係想同其他女仔分享下我未來唔考慮生育嘅原因。如果有人問你，大可以直接話 關你乜事 我唔想生，女仔無需自證不想生育的原因。我係不婚不育，唔係未婚未育。
同意全部
同埋我信唔過男人
生仔costs women everything
事業 身體 時間 全部都係不可逆轉嘅損失
while men get to have everything eg 「家庭」+承繼佢家族嘅下一代
我接受唔到男人咁爽😅
每次呢啲類型嘅post下面都總會有：
- 我唔覺得喎
- 我唔係咁喎我勁幸福喎
Come on James 0人問你哋意見，人哋係根據自身經驗去做自己嘅人生規劃
同埋知唔知咩叫倖存者偏差🤡
更加唔好講走嚟話人宣傳不婚不育，指指點點嘅傻鳩，人哋就係唔想生個好似你咁嘅出嚟💩
如果唔係喺我身體入面、唔係造成我身體損傷，我可能都會想有跟自己姓既小朋友。
第3點完全同意 好多人想生就係因為覺得小朋友好得意 但完全忽略咗佢會有大個嘅一日
我會覺得我自己嘅反叛期好難頂，我爸媽包容到我係好偉大，但我無咁偉大😂😂😂
某程度上佢地生得出就有責任要包容😂所以唔想包容就唔生都係一個負責任嘅行為🙂↕️
唔係想反駁
不過第2點 - 「我唔要為一個陌生人承受」
你如果有想行落去嘅伴侶（唔一定要結婚）佢就唔係陌生人 😂 唔係話你搵到呢位伴侶就會想生，但只係到時呢個人唔會係陌生人 😂 分分鐘係你父母兄弟姊妹外最熟悉你嘅人
Agree所有
我唔鍾意小朋友，甚至去到討厭既程度
係街聽到佢哋嘅尖叫聲係要即刻掩耳，可能係我對聲音太敏感
所以都幾肯定以後唔會有小朋友
真⋯⋯
有時會幻想不如男朋友突然同我講佢出面有個私生子呀，最好就上咗小學嘅年紀，養得好我會話係我功勞，養得唔好我就話我呢個後母已經盡力😂😂😂
通常要同人解釋 咁即係睇法唔同 講嚟都嘥口水  我會直接承認自己就喺一個自私既人ദ്ദി´- ̫ -` )
我成日上網睇啲懷孕風險 發現其實都幾多孕婦懷孕中/生產時有生命危險/死埋 本身都唔會生小朋友既我睇完真心覺得唔係真係勁中意小朋友/同另一半有曬共識傾清楚 真心唔建議覺得懷孕係容易/安全既事 懷孕一開始左係冇得停/啲問題幾時出現你係唔會知
支持你啊！清楚自己唔想生，就唔生👍🏼 只需對自己既人生負責
以上原因+自己都養唔掂生乜鬼😂
仲有大部分男人都信唔過，如果我好不幸有咗會落咗佢或者自己養算
研究都有講，單親母親嘅家務時間係比有老公嘅少，好明顯要照顧多個巨嬰，結婚不了
其實結婚點解會變左做奴隸嘅？點解會失去自主性同變人地嘅附屬品？我唔覺得結婚會有咩影響
我結左婚幾開心喎！老公會照顧我，做下家務，其他野揾鐘點工人做
係討論呢啲話題時我會偏向支持女性提倡不婚，因為社會一直以來都已經在規範女性要結婚要生育，我覺得女性唔需要向下兼容嘅自由，而係要創造更多選項比女性自由選擇！搵鐘點工人其實係外包咗家庭義務俾更弱勢嘅人，不過我覺得無問題呀，鐘點工人有錢收，你哋唔使做家務！可惜唔係個個都有錢請但係又期望另一半有義務要負責家務🫠
好開心聽到你結婚生活幸福🫶🏻
多謝☺️
但係其實香港好多人都結婚但唔生小朋友，出生率好低，我覺得expect女人要生仔呢個唔算真係好common。
依家好多家庭都係男人做家務多d，係睇你點揀另一半者，冇必要覺得女人結婚就要做家務。
結婚又唔等於一定要做家庭主婦放棄工作，其實同同居冇咩分別，都唔會影響到個人自由，生活。
揾鐘點我又唔覺得係俾弱勢嘅人，同OL，司機一樣，都係一份工作者，你可以做少d家務，佢有錢賺，係win-win situation。
1. 我又唔係咁睇。至少喺香港，我覺得女人地位實際上幾高吓。拍拖就真係睇人。個男人錫你，就應該唔會感覺自己係附屬品。
2.近排睇多咗，因為去到周邊啲同事朋友都會生仔嘅年齡。只要方法啱自然生產對身體好少傷害。而且有研究發現BB嘅DNA其實係會殘留喺媽媽嘅身體度，喺產後係會幫助媽媽嘅身體修復。即係話只要係自然生產，身體係有自然修復機制。我反而睇多咗先知原來順產可以好順，而且對BB最好。其中一個順產嘅條件係媽媽喺生產嘅過程可以完全放鬆。依個喺香港⋯⋯
3.我又唔覺得自己需要為佢一生人負責。我自己都唔覺得我自己做嘅決定，我會賴落我父母身上。原生家庭係有一定影響，但係每個人都有自主嘅能力。當有自主嘅能力嗰陣，就要為自己嘅行為同決定負責。不過，我明你話如果自己都搞唔掂自己，咁就唔好影響下一代呢個我都同意。
4.我們覺得佢需要要乜有乜。我細個係一個資源稀少嘅環境底下成長資源我就好缺少啦。不過錢買唔到嘅緊要嘢我近乎全部都有。一個人最緊要有嘅嘢係品格。呢樣嘢唔使錢，真係睇佢個人同埋睇父母點樣教。
不過經濟呢一點，都真係幾 
Influential. 我如果負擔唔起，變咗日日返工，又放工湊仔，日積月累變得唔Sustainable ，就真係唔理想。
依家令我擔心喺香港生仔嘅原因，最緊要係教育制度。冇知識唔得。但係得知識唔識諗嘢都一樣唔得。香港教育制度基本上就係令你唔識諗嘢。要balance返呢一個缺點，即係我又要再做多啲嘢⋯⋯🫠 諗起都攰。
生+ 養小朋友呢個挑戰，條件許可，其實我都願意接受嘅。我都好好奇我個Mini me同我另一半個Mini Him會係點樣樣。
Agree 人哋話唔想結婚生仔啫 啲男人唔好又衝出嚟啦
睇完你篇野 簡單來講即係話
你想玩人哋個小朋友 但自己不婚不生
精闢 我就係覺得小朋友好得意 但係小朋友唔會一直都係小朋友 佢係一個生命 會長大 唔係用嚟「玩」 有好多責任 唔係覺得得意就可以生🙏🏼
你呢啲真係打女拳打到傻咗
香港結婚拍拖男人做奴隸就差唔多
214係男人送花 314都係男人要送花
女人點樣變附屬品？
同埋如果女人地位高過男人
又會話男人咁廢自己一個好過㗎啦
Which而家已經有呢個趨勢
總之公我贏 字都係我贏
我打呢篇野時係input咗亞洲婚戀環境，無可否認好多時結婚後女性會失去自主性，一個好小嘅例子，就算唔跟夫姓，仍然有好多人會下意識叫你(夫姓）太。我連呢樣野都接受唔到，所以我選擇直接不婚。做家務，理財，生育，呢啲單拎出嚟都係好貴嘅嘢，但係一結婚就變咗女性嘅義務，特別係亞洲地區。總體社會都對女性有咁嘅期望，為咗避免自己因為呢啲社會規範唔開心，不婚係我嘅選擇。另外我暫時人生規劃都冇考慮過結婚，既然不婚可以避免呢啲,why not! 無論有冇原因，我本身就唔想結婚，呢個已經係最大理由～
而我見過咗co-parenting冇結婚嘅例子，母父都係好有錢，物質上滿足晒後代，社會都對單親/co-parenting更open 而且錢亦減少咗好多問題，我自覺唔會有錢到咁😹都唔覺亞洲地區嘅社會風氣對單親/co-parenging open到唔會影響後代心理健康。
當然呢啲都只係我個人睇法～
支持！無論對自己負責定係對小朋友負責，考慮清楚係最好，最緊要唔好為生而生，因為社會輿論枷鎖，而害多條生命💕
小朋友會大, 鐘意小朋友真心唔係一個good reason, not good enough at the very least
我覺得相處同關係係流動的
沒有所謂一生一世
唔想經歷自己一個湊住小朋友
然後仲要打工嘅命運
係悲觀 但唔生我就可以100%唔俾呢件事發生
我亦無辦法guarantee俾到一個健康嘅身體bb 如果佢有缺陷我真係會覺得係永恆惡夢
第一點如果遇到啱嘅人就會係1+1=2，利申兩邊家庭都非常開通，結婚但無小朋友
尊重每個人選擇！無論不婚定結婚都冇問題。只係我個人人生規劃本身就冇結婚嘅打算，而同時有好多對女性嘅隱形社會規範成日都會係結婚後爆出嚟，畢竟唔係個個家庭都開通。不婚對我來講只係一石二鳥。不過係討論呢啲話題時我會偏向支持女性提倡不婚，因為社會一直以來都已經在規範女性要結婚要生育，我覺得女性唔需要向下兼容嘅自由，而係要創造更多選項比女性自由選擇！ 好開心聽到你遇到啱嘅人同埋結婚生活幸福🫶🏻
拍拖時已經體驗過好多變咗一個男嘅咐屬品, 只係你未搵到個錫自己的男人, 我覺我係香港女性地位已經好平等, 我絕對唔覺得自己係老公的咐屬品, 佢絕對當我係queen, 但都會彼此照顧同尊重.
point 2 陌生人? 你講緊另一半係陌生人?定係你小朋友係陌生人? anyway, 生唔生個人選擇, 唔想生.無能力就最好唔好生...
搏命生嘅人諗從下一代得到乜嘢
唔敢生嘅人問自己俾到下一代乜嘢
4x歲生咗兩個嘅姨姨路過表示認同和支持。好簡單：結婚/生仔之後生活質素比現在單身好先值得考慮。如果係差咗，咁完全冇必要做呢兩件事。
🤣🤣現今女性地位都唔高？我地係咪生存喺兩個世界？
拍拖又要儀式感要男方送禮，結婚又要男去做小丑影相 婚禮又係女話點就點，結左婚生完仔，家用又要俾家務又要做，仔一齊湊
而家2026唔再係結婚就相夫教子年代啦😂家庭已由女性主導左好耐
點解樓主作為一個女性 代表佢自己個人發表見解 會有男性異議
我想問吓你哋表達異議嘅資格係????
唔想生洗撚你同意呀 你有子宮你咪自己決定生唔生囉😂😂
好鍾意5
一句講晒 邊個想生就用自己子宮，冇就冇得生
男 相似既想法
我認為 性 愛 婚姻 生仔 係可以完全分開😂係以前啲人為左穩定社會先將佢隊埋一齊
香港人最On9就係成日執着喺婚育掛鉤
冰島有七成新生嬰兒都係非婚生
https://womany.net/articles/18924/amp
我係男
都係唔會生小朋友
係養小朋友上
我係完全同意妳講嘅👍🏻👍🏻
宜家d女人私低下講緊點偷男人精子。任何女人扮得夠好，勾引到你，唔輪到你唔生