其實我屋企人係愛定唔愛我?
中學嗰時一星期比500蚊我, 但係由小學至中學甚至去到做嘢都完全唔理唔教我.
連正常交流都好少 冇咩情感支持,做咩都由我, 由我天生天養.
細個未知咩係啱定錯, 咩都靠撞板自己學.
唔明啊.
不能怪責你的父母的，你看看你父母的成長是怎樣的，他們就以同樣的方式養育你，溝通、交流、感情支援對他們來說可能不懂或是沒有這方面的知識、技巧，亦因為要搵食更沒有太多時間關心你，自然把教育的責任交給了學校，也靠你個人的經歷、跌跌踫踫成為今天的你。
作為一個40歲嘅成年人話俾你聽，其實好多父母都唔識得做父母㗎.因為佢嗰個年代都冇人教佢點樣做。
當然作為一個正常嘅成年人，正常係會一路學習嘅。起碼我仲學緊點樣做一個負責任嘅媽媽，希望佢哋以後會有個版本可以參考.
唔好糾結佢哋愛唔愛你，但係自己一定要愛自己.
你哋啲友仔最煩，管你又話嚴無自由，畀自由你又要鬧唔愛你，出咗事又賴屋企無教
你諗返下你以前係唔係試過唔受教，鬧返父母先（一次都計）？
少交流？ 咁你又有無主動同佢哋傾嘢先？ 你知你哋啦，問你嘢又掉一句「問問問，問乜𨶙嘢你好𨶙煩啊，唔好理我啦」
有啲人都唔知覺得你幾爽覺得好自由冇人理唔會珍惜有人理有人關心
每人都係獨立個體
大部份時間都要自學
唔需要從父母身上學到什麼
只要自己唔壞， 價值觀冇走歪就得啦。
可能我哋只可以分享自己識既野比人
可以從佢身上睇到佢受咩諗法，自身都係
但亦好難代入到佢既角色
相反有距離相處，覺得幾好，有更多空間去探索自己
冇模版參考，可以搵到岩你既
家人唔識教，只能比基本野，生活費，供書，比自由你到而家，有愛既，而家你未feel 到，可以自己對家人好d ，回饋佢地；如你有需要幫手，即管向佢地求助，唔駛怕，唔好自己鑒硬解決，亦唔好借錢比人。
我屋企都係咁
細個都會諗同一樣既問題
但依加大個左認為有愛的，只係表達方式唔同，年代都唔一樣，教育亦都唔同，父母多數都要工作賺錢，好少時間會擺到自己身上，所以做咩決定想做咩都會隨我，從來都唔會阻止做啲咩，不過仆街就自己企返係身，如果無愛可能錢都唔比你，或者對自己態度好差
咁奇怪？
我細個嗰陣覺得屋企人唔錫我
所以我亦都唔會聽佢哋講嘢
但係其實我心裏面係記住咗佢哋教我我嘅每一句說話
我大個啲嗰陣都係鍾意做乜就做乜，好憎人管我
咁如果而家有人見到你做錯嘢話俾你聽你會唔會覺得好感激？
我而家個人大個咗，如果有人話俾我聽我做錯咗某啲嘢（請態度良好）都會覺得好感激
我覺得幾好
呢種教育方式係希望細路從錯誤中學習，而唔係乜都管教同懲罰
Case同你一樣，但$500都無
中小學完全無零用錢呢個概念
亦都無教無傾計無交流
自己就去社區中心到參加活動同玩😂
雖然係咁但始終覺得係因為代溝問題
而佢哋心入邊都係錫自己的
然後出黎做野之後我先慢慢主動同佢地傾計交流，答案係細個陣諗既係岩的
不過呢樣野係幾影響自己個性格就真的