其實控制慾強嘅人係咩想法🫠
控制慾強嘅人，內心深處其實係好驚「失控」。
好多時呢種控制需要，源於早期嘅經驗。可能細個時經歷咗好多不可預測嘅事，或者照顧者好反覆無常，令佢哋學咗「如果我唔控制住啲嘢，我就會受傷」。
控制就變咗一種防衛同生存機制，保護自己免於再次體驗嗰種無助無力感。
有時佢哋會不自覺地重複某種關係模式，明明想親密，但又驚失去自主，於是用控制嚟維持一種安全距離。佢哋內在可能係講緊：「我要掌控一切先可以確保自己唔會被遺棄或者傷害」。
表面睇係想控制你，但其實佢哋想控制嘅係自己內心嗰種強大嘅恐懼同焦慮。
當然啦就算係以上咁講，都唔代表要接受呢種行為，但理解佢哋背後嘅脆弱，或者會同佢哋會容易啲相處。