其實搭的士電子支付有D要比手續費有D唔使已經唔係第一日發生，而且通常發生喺信用卡身上。個人感覺係有其他唔使收surcharge嘅方法去收費就唔算濫收車資。
其實呀客人，用uber叫跳錶的士，都要比預約費架，個司機收到嘅車資只係按錶95折甚至8折，咁uber收預約費又算唔算濫收車資？
法例規定只有電召可以收電召費架。一般來說電召的士不是指用app預約嘅。
樓主自己查吓 運吉處有說app預約是屬於電召的一種 是可以收電召費
就當TD比用app call 車收電召費，用uber為例，app 入面收嘅預約費，1蚊都唔會落司機袋，用meter計費嘅單，司機只會收到車費嘅95折，或者大約8折（85單），預約費係落平台，唔落司機袋。
某D的士嘅實體收款平台道理都係一樣，都係按錶收費，平台費1蚊都唔會落司機袋。
uber 嘅預約費同收款平台嘅平台費都係司機控制範圍以外嘅嘢，大家都係果程車提供嘅額外服務，咁點解要針對司機/收款平台先？call車/付款服務係extra嘢嚟，至於收款平台部機點設定，司機係冇say架，係按錶收費，部機係按錶頭嘅銀碼收錢，司機冇得喺部收款機上面撳多撳少架。
（不過講真，我成日都話折頭甚至鹹豆都做嘅司機，理論上唔應該咁執着果幾個%。）
傳統嘅電召收費真係會落司機袋，根本冇得比較。同埋講真，市面上叫的士嘅app都係要司機免電召費架啦（隨時司機要比錢去買果張單，乘客唔會因為唔使比電召費而講多謝，係take it for granted）我未見過可以收電召費嘅call 車 app呀，萬一真係有，搭車果方隨時可以因為以前冇發生過/約定俗成的士 call車app冇電召費而又好似而家咁又嘈一輪。
講到尾，只要直接D規定的士要收信用卡/八達通/qrcode 支付同埋absorb個交易成本，同埋之後比的士加價加多少少就搞掂，咁就冇爭拗囉。
司機申請八達通機係免費，唔洗比手續費，唔洗比租機費，係用唔到信用卡，支付寶，微信支付都用得
果3%明顯係比信用卡公司
係囉，點解係跨境支付嘅？我係香港用香港嘅卡搭車典解要比跨境支付費？