其實會唔會有啲濫用咗SEN哩個名呢？
以前大部分人都會做家務唔通個個都係SEN !🫠
定我邏輯有問題。
原本一條漁村、一班耕田、一個工業城市夾硬轉左型依家就話班人有特殊教育傾向。
我自己覺得智障個種先係特殊，但全世界都覺得哩啲係特殊👇

SEN（Special Educational Needs，特殊教育需要）是指在學習或日常生活中遇到障礙，需要額外教育支援的學生，常見類別包括讀寫障礙、自閉症、ADHD、言語障礙等。香港教育局採用雙軌制，根據專業評估，嚴重者入讀特殊學校，普通學生則在主流學校接受「全校參與」模式的融合教育支援。

首先其實有一班有限智能嘅小朋友佢哋係唔可以入傳統嘅主流中學但係又入唔到特殊學校嘅時候就需要入我哋所謂嘅資源學校而呢類學校裏面就係而家教洗衫呢一間學校嗰類型嘅學校其實全香港係得四間而我小朋友亦都係因為多重特殊需要今年嚟緊升中一都係需要去呢啲學校度讀去到讀唔代表呢啲小朋友係好曳其實佢呢啲小朋友係因為學習上跟唔到所以係需要去呢啲學校而去對佢哋嘅生活技能就業上等佢哋將來搵工比較容易

唔會，本身間學校就係專收SEN學生
你邏輯係有問題
咩以前大部份人識做家務就係SEN

首先SEN 涵蓋範圍好廣泛
唔再係智障先只有特殊需要
就算一般既自閉症或者 ADHD 都可能有智力障礙
就算冇智力障礙
佢哋都好大機會比一般人更加難融入社會同理解日常生活
咁點解你會覺得佢哋濫用依個名呢？
佢哋就唔需要有額外既教育幫手應付日常生活？

定係你係自己唔理解一般sen既症狀同生活難處，所以先覺得濫用

你估學校老師想做咩，
比果雞碎咁多，有時啲 Tier 3，
請一個貼身照顧嘅 TA 都唔夠，
但唔睇實就打爛嘢，打人，亂摸同學，
口水鼻涕痰周圍抹，成個飯盒倒入底褲…

同部分認知障礙嘅院舍長者差唔多

本身循道係收開特殊學生
本身特殊學生個定義係expand 緊，
某程度上都係一件好事，係社會對於特殊需要的關注多緊

管教要好啲，唔係到時犯法都無罪係我最睇唔過眼。

我有見過炮循學生外出活動
比一般sen 再嚴重少少
你講既野, 無教過, 佢地未必做得到.

算係普通學校同特殊學校兩者之間.

原來係咁🙏🏻

我自己對sen既理解係：佢地身體發展同普通人唔一樣，所以先出現學習障礙既情況，需要額外教育/資源去支援幫助佢地學習，從而日後長大成人可以融入到社會/獨立生活
SEN係需要唔同介別專業人士評估，有特定標準，所以唔會有「濫用」情況出現到
你既邏輯係有問題。識/唔識做家務，都可以係/唔係SEN，無一定話你識做=唔係，唔識做=係，識做可以係，唔識做都可以唔係
仲有就係你個以前漁村/耕田/工業城市夾硬轉型都係九唔搭八
首先依家有sen特殊學習需要係因為呢家有唔同評估準則，科技發達大家認知加深就多左人去做評估
唔係以前無SEN既人，只係以前無評估，以前大家統稱傻仔既人咪即係依家既SEN

多謝你答得咁詳細，事實上又真係好多人唔理解咩係SEN。
我都係睇施政報告嘅北都發展先會有工業同埋耕田哩類聯想。

確實真係好多人都唔知SEN係咩黎⋯⋯去到依家個時代仲係好多人覺得小朋友只係曳唔係SEN，甚至乎有啲小朋友係SEN既家長都接受唔到，除左評估多左所以易判斷係唔係SEN之外，有聽過一個說法係呢家食物多左基因改造/農藥，令身體基因有變化，容易生出黎小朋友有SEN，不過呢樣野我無真正做過資料搜查，唔敢肯定100%有關係

都有聽過哩啲說法，但都係未深入探索。但佢哋又真係好多飲食限制，例如咖啡因、糖。

因為有啲食物食完會亢奮，如果係ADHD(專注力不足/多動症)即係過度活躍，食完會仲加勁，細個唔識野，呢家諗返起小學試過有同學上堂控制唔到自己會行出座位/叫，我諗都係有過度活躍

SEN 有官方定義，你講嘅智力障礙只係其中一種，佢地可能只能夠做庇護工場，但有好大一班人係未到智力障礙，但亦都未及正常人能力嘅年青人，需要加強培育。

其實，佢唔係教日常自理，而係做職業先修 vacations training. 有時有啲 SEN 鍾意讀書、亦搵到方法去 bypass 啲障礙，用inclusive education 係幫到手嘅。但有啲，其實真係唔適合讀書，咁發展其他潛能，都未嘗不可。讀完6年書有個專業牌，總好過得返個爛 DSE 分

做SEN做得出名，係有多啲資源，但係有幾多間出名。除了錢，老師有心更難。資源用來做職業培訓，還是將來把資源用作綜緩？有好多成人的SEN就業都好困難
係有求先有供，唔係夾硬轉型

揾機會入特殊幼兒中心、小學做義工，同老師交流下，再檢視下你既想法。

我就係想知其他人咩想法先開哩個話題，有需要我會做。但暫時無需要，多謝😊

咁另一個建議係你可睇睇SEN家長組織既網站、Facebook，或專門服務SEN學童、青年人既機構網站、YouTube，會更幫到你準確了解佢地既狀況。

Threads問當然可以，睇埋持份者、當事人故事更佳。

最近陳錦鴻都有分享佢ASD兒子既成長同育兒之路，都好值得睇睇。

你係咪唔知炮循咩學校😂?

明白大家想做好心。 但靠佢發財就真係唔好喇

佢哋靠收呢啲學生搵食

做哩批學生學校資源會多啲，然後一窩蜂去做

SEN 呢個詞真係好好用

咁大間學校只訓練洗衫

仲要應付學術嘅～

呢間唔考DSE 㗎，至少唔一定要考啦

咁考咩？IB？

好吧。我account名已經表達咗我嘅感受

其實呢呢啲類似我哋以前讀書嗰啲「工業學院」咁，俾班小朋友學返盤手藝將來可以融入到社會工作。

又唔係好似.
工業學院以前中三證書課程. 係類似現時VTC 青年學院. 入面有無sen? 都有. 但VTC會唔會理? 當然唔會理. 所以只係適合讀唔到書, 但有d street smart 既學生.

炮循同三四間同類中學, 係開俾中一. 其實入面應該有部份係有限智能. 見到有d 身體協調都差.
佢地會加返適合sen 既設施.

講咁多其實都係正苦縮水架啫😂

有佢地幾間中學都叫好啦.
現時係缺失左小學一環, 未嚴重到要去特殊學校, 就要去主流. 無中間.

無架！其實津校3線學校咪係囉⋯
不過都要應付測考默評