📌 其實有冇人同我一樣最
共 57 條紀錄
其實有冇人同我一樣最後悔嘅係生咗兩個小朋友，如果拍拖唔結婚又話幾好
係幾辛苦
連最親既親人都無乜關心
Bb 一出世就照燈， 加其他病又唔訓又唔肯似奶
陪月3 個都做啊長， 手痛到刷唔到牙
無一個工人做得長2 年走4 個⋯
無人煲補品坐月自己煲比自己😓😓
都捱過， 生左就無得後悔佢開心快樂健康就是了
無得去計算太多
我後悔生多一個小朋友，因為完全無晒自己既生活，老公又唔鍾意請工人姐姐，我每日嘅日常就係居家生活，夠鐘接放學，煮飯做家務，夜晚老公收工仲要怨我唔肯聽佢講嘢，大佬吖我都好似翻工咁攰，完全唔想理佢
湊三個 係好攰 但人生更多體會 開心 每日返學我都kiss 我仔塊面 同叫佢kiss 返我塊面， 有一朝佢要kiss 我個咀， 好甜， 好幸福。 我個女見到我老公攬住我佢會走埋要泥夾係中間 . 但真係好忙 ,而家晚上才有me-time
我從來無後悔生左我個囡，我好愛佢。
我只後悔嫁左俾佢爸爸即刻我老公。
仲要生左幾年後，我媽媽同我講，其實有左都唔一定要結婚，我可以幫手照顧😭😭媽，你做咩咁遲先講
我見過好多老人家到50幾60歲果陣，就會諗番後悔自己後生唔生細路。但佢地唔知人地後生捱過湊細路嘅時間，所有野都有因有果，你今日嘅辛苦係種下個因，將來就會有果❤️
我好慶幸生2個一仔一女，而老公由我生完坐月到而家，即使小朋友已經中二同中四，我哋兩個都要做嘢，但係兩個都會一齊分擔屋企嘅事🙂
我有2個女；3～40歲未嫁一齊住家中，由中學開始，已經頂佢地唔順，再大啲試過鬧交及
推撞，可能我唔識教！
（但係我絕對不後悔有她們）
而家呢個年代，生完仔後悔好合理，養兒防老根本就係笑話，不過慶幸樓主面對到呢件事，起碼講得出自己係後悔，已經好難得，加油💪🏻
生小朋友唔係應該要準備曬先生？不論心理定物質，應該預咗頭幾年重心一定係小朋友到㗎喎？如果真係咁後悔到底點解要生第二個?😨
生咗點解要後悔？我好愛個仔，雖然係好L辛苦，但唔會講得出後悔。唯有做到既係做好安全措施，唔好再生多件。
點解唔可以後悔？父母照顧細路已經獻出人生同時間，而家連後悔嘅權利都無埋？
個小朋友自己話要岀黎？係邊個決定佢要岀世？生小朋友之前根本就要諗好一切既因素，成年人黎，自己都後悔，個小朋友更加會怨你點解要生佢岀黎
峇呀，我都好唔想被出世
有同老母鬧交時講過話我好唔想出世ga
難聽啲但你真實感受，呢啲時世仲生仔更自私講真
我生左3個，無後悔過，而家已經24，23同14歲，3個都好錫屋企人好愛我，我覺得我應該再早d結婚生多兩個出嚟。
冇生小朋友，冇後悔。但若當初有生，都唔會後悔，因為所有決定都係要諗清楚，唔應該同唔會後悔。
生咗3個 冇後悔過
我覺得仔女同男人唔同
男人唔啱可以離婚，但係自己仔女係一世既家人♥️💪🏻
留言區好多好～有～愛～嘅父母都痴撚晒線
連其他父母覺得後悔嘅權利都唔俾
辛苦你啦樓主🙏🏻
你仲痴線 權利係自己度，人地有得唔比架咩？人地唔比就無得後悔？諗清楚先講野啦🙏
當時認知造就當時決定，無咩好後悔，有時勞氣到喊，激到訓唔到，都無辦法😌，唯有向前看
其實你唔係應該後悔生左兩個小朋友，應該要後悔同左呢個咩都唔做嘅男人生左兩個小朋友。
後悔又唔可以塞返落肚，過來人這個任務係唔容易架，第日捱過咗又一條好漢😁
加油👏
不會後悔生小朋友，因為佢哋係我兒女，
只會後悔結咗婚，
因為唔結婚就唔會有細路仔
通常話唔後悔好開心
都係好寂寞除咗湊仔沒有自己
又或者極辛苦想更多人一齊跌入坑
七歲四歲
暫時OK，亦明白好容易唔OK 
而家佢兩個識得一齊玩，反而做少咗嘢
有3個，老公有工人有車比我用，係忙啲，同個個小朋友都話鍾意我，太鍾意我😛
生得一個、有時怕佢會悶。 但如果拍拖唔結婚，又冇衝擊的話就好快會散！
好似伊藤潤二果輯電影《漩渦》咁，做手術將佢哋塞返入去自己個肚度。
我地又無，今日先一家四口，出街食野同shopping, 兩個仔女初中年紀
我人生最興幸生了2個小朋友，他們陪伴我渡過艱難歲月。
生左就唔好諗後悔，望就望快的大個自己捱多幾年就自由
因為生一個時唔知1+1係＞2
或者第一個係天使，就以為個個都甘天使，點知係世紀大騙局
唉~不過我都聽過一個case，生一個嘅時候都冇嘢，係生第2個之後，個老公先現形
我都後悔生左一個小朋友，因為當年係意外，結左婚6年，從來冇諗過要小朋友，唔知係未個condom穿左窿，結果有左，小朋友出世之後仲離埋婚，變單親家庭，一個人湊大個小朋友，依家又要擔心佢將來唔知揾唔揾到工，遲D. AI機械人取代人類，小朋友今年考DSE,但佢中三果年確診抑鬱症，我同佢講考DSE平常心，唔好比咁大壓力比自己
Grass is always greener on the other side