其實男仔幾多歲先會自己買底褲?

細個陣，阿媽會買? 印象中自己阿媽好似買到廿歲左右！

可能阿媽買野，一次買好多掛。

但聽舅母講佢到宜家都要幫舅父買🫣

男仔第一次買底褲真係唔知點買！

1. 著開既唔知邊度買
2. 底褲唔俾試唔知咩size
3. 第一次買怕羞

唔似女仔第一次買bra, 阿媽會一齊去買，而且仲有得試。

其實好多男人仲係要老婆幫手買底褲🫣

我第一次是14歲儲埋啲利是錢+零用錢過海去廟街吃喝玩樂，那次買了牛仔褲👖和底褲🩲，和花仔奇遇記被個南亞人士街頭跟到我街尾以為佢想打劫我嚇死，成副身家成三百蚊喺身喎，到大個至知乜事我上完廟街個公廁痾尿個南亞睿男人就開始跟我嘞你知乜料啦！😅

自己行入uniquo買咪得

女仔買底褲一樣都係冇得試

1. 著開嘅喺邊度買咪問阿媽
2. 你講自己腰圍、坐/臀圍話畀老細/職員知，佢會話你知你應該著咩size
3. 自己克服，無人幫到你

阿媽以前答我係街市買😂算啦，你幫我買。 大左去Giordano買，著得耐但會走出黎。

1。著開架邊個幫你買咪問佢係邊買lor..買底褲姐。。。佢代購有錢賺所以要隱瞞貨源？？
2。男底褲唔比試。。。嗯。。。我想講女底褲都唔比試。。。就算你買ck底褲都係唔比試架。。。（除非係michael jackson條金色底褲...）都係個句。邊個買開架？問佢買開咩size咪得lor...
3。最簡單係uniqlo呀。g2000..baleno呀個d...你唔偷唔搶怕咩羞？？？

好尷尬，好似買袋袋咁， 好多人都係揾女朋友買

大佬。。。點解要你女友買。。。炫耀你有女友？？佢憑咩要幫你經手買？我求你唔好請你女友幫你買。。。
因為。。。你女友又唔係你老婆。分手之後底褲要唔要丟？（請問你每日著住前女友買架底褲會有何感想？？）下個女友知道又點哄佢？（咁私隱架野都幫你做。你地2個都應該要結婚但咁都分手？）

總之。。。好多麻煩野。。。淘寶拼多多識唔識？1件包郵到港架。咪買1件試下個size同質地先再回購lor...
（唔係廣告但香港平都20+一條。淘寶可以平一半）
仲有套套呢。。都可以hktv買架。。。印象中佢地個包裝唔係透明架。。。

其實就算有呀媽陪買bra，size都唔一定啱😂本身就每日都有d唔同，更何況身體之後仲有成長

讀大學開始自己買

我 六 十 歲 至 第 一 次 自 己 買 內 衣 褲 。😄

🫣

老母會幫個仔買底衫褲有好多，但係老豆幫個女買個感覺又怪怪哋

老豆比錢買。唔怪。好應份的。

男人細個阿媽買 大少少女朋友買 結婚老婆買🤨

求9其online買

交俾淘寶AI😆

你去U記買咪得，但個人推薦馬莎，你睇佢個紙牌有寫下圍尺碼（利申係幫仔買底褲嘅媽咪）

我印象中我老婆第一次买bra係我陪佢去买的

我係買底褲嘅阿媽

我做院舍，的確有好多院友係由家人買底褲🙊

唔介意咪人地買
介意款式咪自己買囉

我之前係baleno買，結果買細咗要再買過…
我覺得如果唔比試著，就應該擺個軟尺同圖示係附近教點樣度同揀啱size既底褲