其實而家香港有好多人都有精神病／情緒病既困擾，香港作為一個文明社會，都仍然存在歧視，有d人純粹係拎黎開個玩笑，但更多既係人身攻擊，見得最多既係「白卡聯盟」、「青山走犯」之類。好多NGO都提倡緊「去污名化」，做左好多社區教育，但過左咁多年，仍然做唔到，點解呢？
我最不解既係，有邊個會想自己有病？如果有得揀，我都想自己無精神病，可以過番所謂「正常人」既生活，正常地番學、番工，唔再比個病拖累……唔洗再番工番學都驚比人知道自己有睇精神科而差別待遇！我唔期望所有人都明白，只希望大眾唔好再用有色眼鏡去睇我地，唔好再言語攻擊、霸凌、揶揄、歧視我地！每次遇到我都會好嬲，我地都係人，憑咩要咁樣對待我地？
心累，身也累
抱抱你🫂🫂🫂🫂咁啱我有拍片講關於精神健康既話題，身同感受
「白卡」呢個歧視好根深蒂固，同埋其實香港人對於精神疾病都並不了解，覺得黐線=就係精神病。
其實患有精神疾病嘅患者係絕對有能力控制自己嘅行為
而選擇進行暴力嘅行為、「黐線行為」，係患者自己能夠控制到而選擇去做的。
另外白卡唔只包括精神疾病，將卡係包括所有殘疾人士 。

其實我覺得有d人係知道，但一有人起哄就會加入，變相落井下石
同意啊 其實之前聽到有人笑白卡呢啲字眼時係好唔開心 曾經見過有啲文青Merch/袋 寫住白卡既時候 係真係會有啲唔舒服🫂🫂
首先白卡果邊，特別「白卡聯盟」，佢哋行為較激進，成日影響到人，甚至劉馬車呢類疑似係反社會型人格嘅，試問大眾邊個會接受到？
再講，有啲白卡嘅人會以「我係有需要嘅人，所以就算我唔啱都好，你要就曬我」呢個思想極為討厭。明你有病，明你有需要，但因為咁就任你亂嚟？
至於主流人，有啲人會帶有非黑即白觀念，覺得天下全部白卡都係一樣；有精神病就係會攞刀斬人⋯⋯但其實白卡有分好多種類人，我都有啲朋友係白卡，屬輕度智障，而佢哋大部份時間都知咩叫尊重別人。
啲NGO去「污名化」唔係冇用，我當年都係因為前公司先接觸到佢哋，更加了解佢哋需要。只係…有啲人（我覺得連登特別多）思想比較偏執同埋比較少同理心先會咁樣。大眾其實仲有好多人接納你哋
嗱，呢個社會冇辦法統一大家思想，理解你嘅憤怒，希望你知道呢個世界仲有人會尊重你哋🫂
唔單只係呢啲
有情緒病，同朋友講，第一句就話你唔好咁負面唔好咁諗，對有情緒病嘅人仲難聽過粗口
最後就係，有病唔敢同人講，不停內耗
Ture，真係連自己好想講粗口……同：「你有錢咪唔窮囉」相同等級……試過打去某d防止自殺熱線去傾，越傾越depress ，係義工既都算啦！當係訓練得唔太好，但連社工都係咁……我自己聽過既有「成日苦口苦面你當自己係悲劇女主角呀？」、「你自己亂黎然後打黎同我講你想死？你唔好要我話你啦！」、「你係屋企太得閒先會想死！」、「你覺得自己好慘咩？大把人慘過你都未話想死啦！」之類……心累……所以都真係會令人唔願意再去同其他人傾……🥲
咁癲，我自己就未搵過呢啲，因為本身就唔係好信佢哋會明，不過都冇諗過會咁痴線。。。。連基本嘅同理心都冇點解要去做呢啲工作，會害死好多人。。。。可能有唔知幾多人自殺或者殺人都要多得佢哋。。。。我自己都試過唔只一次同朋友傾，但係佢唔明白，講到我發晒癲，事後自己好憎自己。宜家已經一句都唔再講，睇吓邊日終於決定拆咗房個窗花就完。反正呢個世界唔歡迎我，哈哈
我覺得d熱線存在既目的係說服你去急症室／幫你報警捉你入院，我真係試過，傾傾下聽到門口有d唔尋常既聲，睇貓眼見到消防預備爆門！！！佢地唔話我知，直接call曬警察同消防黎，爭d就無左度門……嬲佢地一世，所以都唔再想搵佢地……我有少少認同真係搵佢地傾完，我既念頭反而加強左……🤦🏻♀️希望只係對我無效，唔想一竹篙打沉一船人……
（放過個窗花，好歡迎上黎吹下水，同下同路人一齊圍爐取下暖，雖然而家好熱😂）
吓，打個電話就要爆門，佢哋真係唔識到咁咩？真係好彩我冇搵過佢哋。如果俾我好大機會直接斷線唔知會做乜。。。。
吹水好呀，不過我個人太無聊，冇乜正經嘢好吹，下下放負又怕影響到人，所以平時都係自己同自己講嘢多（成日自己鬧自己，跟著自己又駁嘴🤣）
自閉症係不嬲睇唔到嘅，有啲人見到自己你同人哋講你自己乜乜嘅，人哋就會同你講點解你唔似, 有啲人又話你好羨慕有兩蚊優惠, 其實你係一個事實上係慘, 社交能力係比起正常爭啲, 你咁樣同我講嘢其實係唔尊重。
所以點解我哋習慣用masking就係咁。
我覺得真係要將精神疾病相關知識普及化，好多時D人唔理解就會進行「正常人/白卡」二分法然後區別對待所有「非正常人」，如果知道更多相關知識，可能可以減少歧視
你唔理人眼光咪得
我喺街見到某啲職業就串佢地幾句
我理得人點睇我