📌 其實職場真係一個好虛
共 56 條紀錄
其實職場真係一個好虛偽既地方，朋友公司最近炒左個女仔，條女同另外兩個女同事情同姐妹，三條女日日lunch，連放工都一齊，三個都係八婆style，做野好甩漏，由於太多投訴，佢大佬最近炒左其中一個，即日走果隻。
走左後，佢姐妹不停話佢（被炒果個）好多野錯，其他人聽到o晒咀😶，所以話職場真係唔係交友既地方。
我諗起我公司個有單野都好好笑，肥婆個好姐妹reception知道有個女同事頂唔順肥婆既惡劣態度，諗住去老闆度投訴肥婆，reception知道後，就搶先去左老闆度投訴肥婆去領功，事後同肥婆講：唔知邊個投訴你，不過應該唔炒既，你睇我對你幾好，乜都同你單聲，全公司我對你最好
肥婆以為係女同事投訴佢，就勁敵視女同事，當佢仇人咁，女同事勁大壓力，重攪到勁甩頭髮，後來老闆真係叫左肥婆入房話佢，點之爆左係reception投訴佢😂😂，肥婆話返比女同事知，重不停問：點解reception會變成咁？😂😂😂
佢真係白痴，事後佢想脫離reception，想痴另一個女同事，無奈人地覺得佢人品太差又蠢，唔肯，而家都係痴返reception做姐妹
肥婆人品太差，公司一個朋友都無，人地叫佢做野時咪傾幾句tum下佢囉，連lunch佢都係自己同reception係度食，無左reception，佢會好孤獨，reception一樣
返工就係返工，唔好喺返工地方搵朋友要搵朋友就出去搵
呢個係以前同事教我
我I到仆街， 從來沒人咁惹我 🤣🤣 最正係我儲夠錢，完全唔驚公司炒我😂 輕輕鬆鬆返工有錢袋🤭
虛偽與否無關乎場所。
職場都可以識到好朋友，只係多左重利益關係冇咁純粹。
咁家庭學校都一樣可以有利益衝突，一樣可以有偽人。
基本上本住打份工心態 理得佢死 你估份人工幾十萬一個月咩 準時返工準時收工咪算 擺咁多感情落去托咩
見識過好多尼啲同事嘅面口啦
當尼類人經常喺自己面前
提起唔在場同事嘅是非嗰刻
就要提防尼類人
今日佢可以喺你面前唱其他人
當你放假或離職唔喺現場嗰陣
尼類人一樣可以喺仲在職同事面前
攞你是非當人情周圍講
所以自己私事無必要同其他同事交代
職場上通常要到走嗰刻先知原來表面最好姊妹嗰個係最想你死的😂但平時表面最冷漠嗰個反而會幫你一下😂
出來做嘢多年應該形成了免疫力, 對於好多不公事、欺凌、篤灰等,一笑置之啦！
打鐵都要自身硬,如果當事人平日做嘢唔掂, 今次唔炒下次都會炒㗎啦！
呢啲濕鳩同事 錯哂focus
畀心機做嘢之後跳份好工好過
日日浪費時間心機 喺呢啲無謂嘢度
老細其實最憎呢啲講是非嘅人
覺得佢哋唔係認真做嘢 心思唔係放喺工作上
有d老細係鐘意人講同事之間是非比佢知，又鐘意同事擦鞋，又鐘意你地鬥生鬥死，佢漁人得利
其實你同啲同事關係好定唔好都係收個份糧，所以冇必要浪費太多時間係其他同事身上😹
仲有一種人就係你見到你就要遠離佢啦…….就係嘴角上邊有粒癦嗰啲人，呢啲人心地多數唔好，而且個嘴你會覺得佢係尖尖地嘅呢啲叫「槍火嘴」……..即係叮噹裏面嗰個「小夫」啊依啲人千祈唔可以同佢講任何嘢！！
佢問你東你就答西
佢問你西你就答返北咁就啱㗎啦
有啲人真係癲癲地，少少嘢都發大來講、冇是非畀佢哋噏就唔得，成個office都係呢type就變鬥獸場，所以偶爾遇到啲斯文有禮貌嘅已經好感恩
懷疑係舊公司😂又係三條女，又係肥婆，唔知佢地出左事未，但未出事前，肥婆同其中一條女都有講另一條女壞話😂我就知道，此地不宜久留😂😂
女人嘅同事不嬲都係咁
除非全男班又拍咗好耐，如果唔係職場係冇真友誼
咁真係唔知喺邊度識朋友，返工又唔係識朋友嘅地方， 放工返屋企都係對住屋企人都四面牆，去玩又話唔係識朋友嘅地方(只係客人)， 香港生活要識得學習孤獨
啲人喺職場為咗自保咩都肯做，人格分裂，人性醜惡，咩都岀哂黎
幾時都係咁架啦 當同事/同學係好朋友就太天真啦 疫情期間係周大叔做個個月鋪頭要交人 冷眼旁觀平日既好兄弟 好姊妹都係經理身邊篤篤篤😂😂人性吖 好在走得快 職場信人係要付出代價 離開咗仲可以維持先算真朋友
真…我係最少搭嗲吹水個個 都會有啲同事係到講 真係太煩💀