其實英國人嘅味蕾係咪有問題
大家都係殖民者，大家都有spice
大家都係seabass、雞胸、薯條飯，點解葡萄牙會好食咁多…
…工業革命咁耐都好似冇點變

葡萄牙真心正，同老婆窮住英國，當葡萄牙係歐洲版台灣咁去。

至於工業革命，睇過D片講英國「美食」，內容係工業革命前，話英國食物質素反而係好，就係工業革命令到多數英國人放棄對食物嘅要求。

佢哋飲啤酒都飲飽左 可能咁嘢食唔係咁緊要

除咗日本，有無邊個國家係嘢食 + 酒類飲品都一樣咁掂 🥹

日本仲要唔同地方有唔同發明 。其實意大利都ok, 係polenta我麻麻

唔滿意嘅咪移民葡萄牙囉！

邊度都有「劣食」，但係呢個標籤好主觀，唔代表某個地區出產嘅所有食物都難食；你覺得淡而無味或者很 Heavy，都可能係當地人心目中嘅 comfort food。要理解點解會覺得某啲菜系「劣」，其實要由文化、階級同歷史變化去解釋。

同埋都要睇你去開咩餐廳，個間chippy整得差唔代表全國嘅fish and chips都係難食。

英國食物衛生條例太嚴，英國人對食無要求。

英國食物就係工業革命之後先至變差
資本家想啲工人快快食完繼續開工
新產出大量預製調味料同埋罐頭

地理原因，葡萄牙位置較南，氣候相對溫暖

但係冰島嘅fish and chips係好食架喎

其實Chatgbt 講嘅野我已經睇哂，只係想問到左2026點解整塊雞胸都求求其.. 我只不過食隨便一間餐廳

不過澳門嘅葡撻其實係由一個英國人改良嘅，佢就係安德魯個老細Andrew Stow。

仲要大良昌記個咖喱配方都係英國人傳授

我一直都話，歐洲除左南歐人，佢地大部分係無味覺

去咗葡萄牙？

所以上天係公平㗎 尤其係對英國人

配返個雞翼魚旦湯就完美

劣食地獄
臭名非虛

葡萄牙航海時代已經去咗亞洲好多地方殖民攞香料啦，所以澳門啲嘢咁好食

西葡 d 野真係好好食 同意大利果隻好食唔同

其實將香港既蛋撻帶番去英國都賣到姐其實97 先移交管治權, 咩都無帶走wtf

戰後物資短缺，配給食材。一代人習慣咗求生模式，果腹就好難得啦。

英國二戰嗰陣food rationing直到差唔多1960年先完，摧毀咗英國建立咗幾百年嘅food culture。

認真答你，英國客西，工作環境唔好，無本地人入行得印度人做，成個行頭都求求其其

一方水土養一方人，英國因歷史關係，集咗多地美食，大家都未必食得晒，口味亦各有不同。

清教

我覺得英國人佢哋好似注重佢哋心目中嘅食物衛生多過食物嘅味道
例如佢哋會覺得內臟同除咗雞肉/牛肉/魚肉塊之外嘅食物唔乾淨，食材已經限制咗

Haggis？

係囉內臟都要磨爛晒先夠膽食，我覺得佢哋對佢哋心目中所謂食物嘅衛生有好嚴重盲點，依樣嘢係會影響到佢哋對味覺嘅追求