其實講得自己係中立嘅人都有立場，只係想顯示自己係一個有critical thinking嘅人，營造一種眾人皆醉我獨醒嘅孤傲感。但其實只係一種放棄思考嘅表現
中立唔係無立場，係件事可能兩邊都有道理唔一定要Take Side，
或者唔同意兩邊嘅觀點
所以依個並唔係無立場，而係光譜入面企左係中間。
真正放棄思考嘅人係犬儒學派個啲
「咁你可以點？唔好理喇算喇」
如果係投票or類似嘅爛橙裏面揀個好嘅，個種2邊都唔同意嘅中立我可以理解，但兩邊都有道理呢個我真係唔理解，咁只係安全牌
兩邊都同意你可以想像有時
有啲社會議題的確係兩邊都有道理
例如反移民同支持移民嘅立場
反移民會話移民會影響到本地就業市場
但支持移民話移民會影響到補充就業人口
呢兩個理論某程度上嚟講都係真確
呢個係宏觀小小嘅立場主張
唔需要話真係揀邊站
當然喺微觀入邊
呢一堆claim中立嘅人都會有鮮明嘅立場
例如講緊比幾多人移民，佢哋可以做乜野工
但你唔可以因為佢依個位支持邊個說法多啲
而假設佢係撐移民/反移民
明白，但其實咁樣唔係就已經有偏向係支持收緊定支持放寬移民政策啦咩？
你可以話佢喺呢件事入邊支持邊面
但係好難去claim佢支持定反對
因為其實支持收緊同放寬都有唔同嘅terms
可能佢撐菲國/印尼藉工人
但唔撐伊朗藉工人
所以真係好難去迫佢講話佢撐邊一面
最多就係以前通識卷嘅so call嘅「某程度上同意/不同意」

無問題，我只係唔鐘意當我講梗類似對錯是非嘅議題個陣，有人話自己係中立然後各打50大板
但每件事都有可取唔可取嘅地方，總要分出對自己而言邊樣更可取邊樣更唔可取，如果咪同逃避作出判斷有咩分別呢？
將所有野都二分法處理 屎A 同屎B 一定要揀嘅咩？
雖然我想講嘅唔係揀A定揀B，不過就憑一句你就話我前後矛盾😭 通識卷都有教小部分同意大部分同意啦 唔係喎而家無咗通識卷😭 可能就係因為通識卷太前後矛盾先比人取消咗啊！
如果立場A同B都有可取同唔可取的地方，為什麼要選站邊
至於有無責任提供解決方案C，就係另一個問題
因為基本上所有立場都有可取同唔可取嘅地方，所以我地決定永遠都唔做出價值判斷
Case by case
因為有時真係AB立場都唔係自己想要選擇
但可以分析到2個立場所有的優缺點
除非之後佢誘導他人站邊咁就另一個故事
因為睇左你d post，大概估到咩事
佢地都唔係黎討論😂😂😂
明明有立場中條撚
中立呢個立場其實相當具挑戰性，因為有鮮明立場人士都會以自己為敵
好似玩三國殺，忠臣、反賊立場明確，內奸先最難玩，要KO兩邊
所謂中立國家，賴以為生嘅都唔係中立呢個立場，而係無可動搖嘅軍事力量同傑出嘅政治手腕
唔係有好獨特嘅見解貿然宣稱自己中立，原本諗住做牆頭草唔得罪任何人，結果反而跌入「兩面不是人」嘅困境，一係索性一開始就唔好加入泥漿摔角，做個清醒局外人算
但我最鍾意玩內奸，因為預咗輸，但贏到個下，係開心過做反賊贏到十倍
我好少玩 扮忠 扮反 路線
反而鍾意擺明係內，但兩邊都平衡到個種
之前考試，我就持中立，但最後5星。其實立場唔重要，真係睇你思維邏輯能力
直接追隨觀點立場, 先至係放棄思考
揀中立比選邊站，要運用更多的思考，因為至少要平衡兩方利弊，喺呢方面選邊站只需要用一部分腦部算力

係啊，而且中立一定無錯架嘛，反正一個硬幣有兩面😋
但人哋討論梗，係到要插把口埋去，仲要強調自己係中立嘅人呢，就唔知係咪真中立啦😭
與其執著思考不如唔思考，因為好多事情都係思考嚟無謂