其實點解數學core唔可以變elective
我人生唯一需要用到數學就係買嘢俾錢
我出街都唔會見到坑渠蓋突然想計佢個圓周率
兩個10吋pizza, 同一個14吋pizza一樣價錢，買邊個抵d?
其實數學唔係淨喺學數學表面咁簡單
買嘢/保稅基本要計數計數
數學證明/方程式係變相訓練正向同反向邏輯思維，哩啲正常人應該要有嘅野應該要訓練出嚟。
啱呀 認同你 美國大學入學試SAT數學部份只去到中三程度 想考深啲讀商科、心理、理科（生物同化學向果邊）果啲可以讀SAT math既subject test
想再讀深啲 讀工科、理科（物理向果邊）、計量既就考埋AP既淺易版（一般大學工程/計量科目既入門數） 再想深啲第時讀大學純數、應用數、理論統計 可以去考埋AP試既加深版
美國入學試就係有咁多唔同程度數學入學試 去俾入唔同大學學系既考生去考
基本生存讀到小學就夠，中學以上係篩選社會人才，要求所有小朋友都讀中學係要確保所有人都有被篩選的機會
基本生存，包唔包括個人理財呢？如果包括，起碼都要識複利息，複式效應。因為，日後工作時，要選擇強積金，同複利息，也是有關係的。
講得出計圓周率都知你無讀過啦，你都當咗elective咁揀唔讀咁你呻乜？
我淨係知連nurse要讀統計學 起碼要識基本運算啦
教育系統主要唔係為左教好你
佢嘅作用係作為一個篩
篩選出係每個學科嘅人才
然後將你評級為A5和牛定佳寶肥牛
而數學core係十分緊要 一定要評級
就係咁
百分數，統計，複利息等課題，同您日後嘅理財，息息相關。
當然，唔係全部數學課題都容易扣連到日常生活，但如果講到供樓利率如何影響您每月供樓嘅款項，其實咪就係同數學有密切嘅關係，只係而家好多嘢電腦化，好易得到當中嘅結果。但中間嘅思考過程，才是學習入面最重要嘅元素。
再講，沒有數學，我哋而家可能連冷氣都無得嘆。數學對科技嘅發展，係有好大嘅貢獻，只係好多人都未必清楚知道而已。
你唔講英文，英文又變Elective。
唔講中文，中文又變Elective。
數學已經係最容易拉高成績嘅一科，就算再差都仲有Part A1 出到中二三程度，比人執分
有個中五學生咁講過
但係佢嘅數學能力未足夠佢唔用計數機計10以內乘法
你覺得學啲自己以為夠支撐日常嘅知識就夠。但其實係學習返嚟嘅知識只係結果，而學習嘅過程都係你成長嘅一部份/用嚟提升你某種能力(eg 表達能力/邏輯思維)
從來學習，「結果」都唔係唯一目的
其實所有core subject都可以咁講 而家即時翻譯技術越黎越成熟 學英文把鬼？
高中所有科目你唔識都唔影響生存，你可以初中畢業就走。